من بعد ما لقى موضوعي فالكوزينة تشجيعاتكم واعجابكم اليوم فكرت ننزل ليكم طريقة لي تصايبو بها القديد اوى تفضلو الطريقة مصورة ههههههه وفطبيعة الحال من كوزينتي دائما
هنا الكرش والمصارن والكبدة وكلشي داكش ديالالكرشة بعد ماغسلتهم مزيان وفطبسيل صغير خلطت الملح والكامون والابزار والخرقوم البلدي وشوية ديال راس الحانوت غير شوية
وهنا ملي قطعتهم
ودرت ليهم كاع العطرية والملح خصنا نكثرو من الملح
نبسطو الكرشة ونرشوها بالملح ونعمرو فيها داكشي ديالنا
ونسدوها ونلفوها بالمصارن
وهاهم معمرين ومظبوطين ههههههه غير خليهم فالشمس حتى ينشفو ولكن ولكن ردي بالك مزيآآان من الحشرات لفيهم بشي زيف ابيض نظيف وشفاف ونشريهم بحال فالشمس بحال الحوايج ولكن الحاجة المهمة هي الملح كثري من الملحة انا مادرتهم في الشمس بحكم اني في بلد مافيه شمس نادرا ماتكون فيه وحتى الى كانت ماكتكون حارة
العرض العادي
الدرهم المغربي مقابل عملات الخليج
