ضاقت النفس وسافرت ..!!

متابع بشغف واصل

__________________

شكرا لجميع من رد وتابع الموضوع

نتابع

وصلت الطائرة على ارض المطار وأنا أفكر وش اللي بشوفه اذا طلعت من المطار وسوالف الجوازات والتفتيش وغيره أنا قلت بستسلم أي واحد يبغى بخشيش بعطية لأني مالي خلق للأخذ والرد

وصلت لموظف الجوازات وعطيته جوازي وقام يقلب في الصفحات وطالع فيني وقالي أنت من وين ؟

استغربت السؤال الصراحة قلت له جوازي بيدك وواضح فيه من أي دوله انتمي ويكفي لونه مميز
ختم الجواز بقوة وقالي سير وحتى من قوة الختمه حسيت طبعة الختم طلعت لأخر صفحه بالجواز ..!!

أخذت جوازي وأنا ابتسم وأحس فيني 100 كيلو نوم وصلت للعفش جلست انتظر الشنطة لاحول الله راحت ربع ساعة ..نص ساعة وبعدين ساعة رحت استفسر عنها حصلت واحد قالي عطني أوصافها عطيته الوصف وجلسنا ندورها لين خاب ثناي

قلت هذي أولها شنطه ضايعه جلست أفكر في ملابسي وأدويتي وحالتي حاله شوي وأنا امشي خطوتين قدام ألا المح شي من بعيد ألا هذي شنطتي ياولد هي أو مو هي وكل ماقربت منها ألا قلبي يدق زيادة شوي ألا تطلع هي ضميتها بقوة وحسيت باحساس غريب كأني مسجل هدف في الوقت الضائع في نهائي كاس العالم ..!!

الشي اللي جنني وش جاب شنطتي لذا المكان من وداها هناك وكيف وصلت هناك والحمد الله أني كنت مقفلها بقفل ؟

طلعت من المطار وانا احسب شنطتي بعد عودتها بالسلامة ألا اتصل على شخص احد من الشباب وصاني عليه وهو صديق له مغربي الجنسية جلست أدوره وانا أشم هواء عليل غريب جلست استنشق الهواء وماصحيت من هذا الاستنشاق الا على يد احدهم على كتفي أنت فلان من طرف فلان قلت له ايوه قالي حياك الله
قلت له بدون أي مكان قلت له ابغا فندق خمس نجوم ابغاااا أنام وبعدين يصير خير رحت سكنت في فندق رويال منصور وانا في السيارة في طريقي الى الفندق كأني احلم خصوصا فيني نوم وأحس ان اللي يصير موحقيقي أنا في المغرب اللي متخوف منها من سنين هي في بالي بس مو متشجع أروح الحين أنا فيها أشوف الناس على يميني وشمالي وأطالع السواق شوي وأحسه يقول وش فيه هذا مو صاحي
وصحصحت على صوت نغمة جوالي عن صاحبي اللي بالسعوديه يسال عن الشخص اللي أرسلته استقبلني أو لا فلقت له اوكي وانا في طريقي الى الفندق
وصلت للاستقبال ورتبت أمور حجزي وأخذت غرفه لمدة يوم واحد فقط وقلت للموظف أذا عجبني الوضع بمدد الحقيقة انطباعي من أول نظرة رائع لكن ماركزت كان كل همي أحط راسي وأنام

وصلت الغرفة وفتحت الباب وشفت السرير كل اللي عرفته وقتها أني بفندق بالمغرب نمت نوم عميق حسيت عيوني غمضت خمس مرات ..!!

واصل اخوي بدون فواصل بداية ممتازه

يعطيك الصحه اخوي متابعين معاك واصل

واااااااااصل متاااااااااابع معاااااااك للأخر

__________________

متشوق جدا للحلقه القادمه واااااااااااااصل يابطل

__________________

متااااابعين بكل شوق اتمنى منك عدم التاخير: (482):

الحمد لله ع السلامه

ماشاء الله اول مره تسافر للمغرب وكنت متردد ولحاااااااالك :0069:

ماشاء الله, احس السفرات اللي كذا داااااائما تكون حلوه لانها بدون تخطيط مسبق وتاخذ بريك من الضغوط اللي تواجهك في حياة العمليه والشخصيه وتنسى الروتين اليومي الممل

بليز لا تطول عبينا كمللللللللللللللللللللللل التقرير

__________________