رحلتي لمراكش 10 ديسمبر

فهد2 · 2011-12-19T17:01:01+00:00

السلام عليكم ورحمة الله بركاته عليكم جميعا اعضاء وزوار المنتدى الرائع نبداء بدون مقدمات وارجو العذر من الجميع لعدم توفر الوقت لان عملي يفرض عليه الابتعاد عن الانترنت لعدم تفرغي طبعا بعد محاولات وحفر ودفن انا واخوي العزيز ابو صالح رفيق الدرب بالسفره اتصل عليه وقال وش رايك نروح لتركيا طبعا انا كنت اسمع بالمغرب والقلب يرق لاسمعت طاريها من جمال الكلام الي اسمعه لفيت راس خويي قلت غير المغرب لاتكلمني اذا فيه سفره فهي للمغرب طبعا وافق المطنوخ مايقول لا اهم شي عنده نطلع برى السعوديه وانا اعرف هدفه الوحيد هو :Abu Ahmed (212): تم مشينا يالله وعلى الجهاز واحجز على الخطوط السعوديه طبعا قبل لايفوتني انا دخلت المنتدى قبل الرحله باكثر من شهر حفرته حفر من استفسارات وقرائة التقارير وكمان لايفوتني والي اهم شي بصراحه بتقريري الي التكلفه والحسابات الي هي اساس التقرير الي بنزله حتى استطيع افيد الي اول مره يروح للمغرب وهو غايتي كانت قيمة التذكره لشخصين 5000 ريال جده - الدار البيضاء ذهاب وعوده الاقتصاديه بسم الله قريبت الرحله هاه ابو صالح وش العلم وش ناخذ معنا طبعا انا علطول قلتله ولا شي قلتله نبي نروح خفيفين كل واحد شنطه صغيره والرحله طبعا 6 ايام وحتى مانتورط بالشحن وتاخير نزول العفش ونلحق نختم اول مانوصل طبعا كل الكلام هذا عرفته من المنتدى الرائع الي له الفضل الكبير بسفرتي طيب السكن ياولد كيف قلت لاتخاف مع المحب 777 ماراح نتورط طبعا ابو صالح متخوف لاني انا رتبت كل شي قبل لاتجي رحلتنا وانا شفت احد العروض للمحب منتجع جاد سكن جديد واثاثه نضيف والسعر اتفقت معاهم على 1100 درهم باليوم مع الخادمه 24 ساعه طبعا ابيكم تسمحون لي لاني بقولكم ( يتبع ) الحلقه القادمه اوعدكم كلها راح تكون اكشن لاكن اريد اتكلم شوي عن المحب 777 طبعا الي هو ابو سعود بصراحه مدري كيف اوفيه حقه من اول الرحله الى ماوصلت وكنه جالس بجنبي وكان حريص كل الحرص على راحتي وكان الي مسافر اخوه من امه وابوه ف مادري كيف اجازيه ولاكن مايحملني الا اني اقول له انت فعلا اخ وعزيز ورجل تنحط على الجرح يبرى :Abu Ahmed (75): مثل ماوعدتكم استحملوني الحلقه القادمه كلها اكشن

علي81

مزعوط مميز

المشاركات: 377

تاريخ التسجيل: Aug 2011

2011-12-19, 08:16 PM

المشاركه #1

رد: رحلتي لمراكش 10 ديسمبر

الحمد لله على السلامه وانشاء الله انك قضيت اجااازه ممتعه اما المحب777 ماهي غريبه عليه ويستاهل كل خير بصراحه ماقصر مع العمووم يستااهل الطيب

فنتظار التقرير ياليت تكلم عن كل شي التكلفه السكن وتكلم عن لاجابيات والسلبيااات وشكرا يالغالي فنتظاارك على احر من الجمرر

تقبل مرروري علي الكويت :)

فهد2

مزعوط نشيط

المشاركات: 81

تاريخ التسجيل: Oct 2011

2011-12-19, 08:47 PM

المشاركه #2

رد: رحلتي لمراكش 10 ديسمبر

اقتباس:

المشاركة الأصلية كتبت بواسطة علي81

من عيوني ابشر راح بقدر المستطاع اني اوفيكم كل شي بس ابيكم تراعون ضروف عملي لان عملي في الصباح والمساء يعني قليل احصل وقت لاكن ماراح اتأخر على الوجيه الطيبه

__________________

علي81

مزعوط مميز

المشاركات: 377

تاريخ التسجيل: Aug 2011

2011-12-20, 10:14 AM

المشاركه #3

رد: رحلتي لمراكش 10 ديسمبر

اقتباس:

المشاركة الأصلية كتبت بواسطة فهد2

لبي عيونك ومن سكن فيهاا على رااحتك يالغالي معذور والله يكون بعوونك

المواضيع المتشابهه للموضوع: رحلتي لمراكش 10 ديسمبر
الموضوع	آخر مشاركة
رحلتي لكازا من 6 ديسمبر الي 17 ديسمبر	2021-02-01 03:35 PM
25 ديسمبر تغطية رحلتي الى المغرب	2018-01-08 10:56 PM
مسافر لمراكش 28 ديسمبر ولم اجد حجز ممكن دعم ومساعده !!!!!!	2012-12-24 05:52 PM
رحلتي بعد شهر لمراكش	2012-04-01 02:52 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رحلتي لمراكش 10 ديسمبر

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)