اقدم لكم هنا كل ماتحتاجونه من اسعار للتذاكر والفنادق ال 5 نجوم

1- تكتب لي موعد السفر والعوده
2- الجديه وليس السوال لغرض السوال (( شباب انا عندي عمل ورغم ذالك استقطع من وقتي عشان ارد عليكم فيليت اللي حاب ويكون جاد في سواله ))
3-عند الموافقه على السعر ارسال رساله على الخاص بالاسم مطابق للجواز
4-سوف اقوم بابلاغك باخر موعد لشراء التذاكر
5- شراء التذاكر اما تشرفني بالحضور للمكتب او ارسال المبلغ عن طريق رقم الحساب وسوف اقوم بارسال التذكره على ايميلك


اتمنى اقدر اخدم اعضاء المنتدى

تقبلوا تحياتي

السلام عليكم ورحمة الله
يا مرحبا يا ولد حرب
اخوي حبيت استفسر عن اسعار التذاكر هل هي نفس السعر في المكاتب الاخرى او ارخص ؟
مقعدين الى كازا من الدمام
على البزنس بكم سعرها وعلى درجة الضيافه بكم تقريباً ؟
الذهاب في تاريخ 17 يوم الثلاثاء او 18 الاربعاء من هذا الشهر
والعودة تاريخ واحد من شهر اثنين
وين موقع مكتبكم ؟
شكراً لك

انا ما اقدر احدد لك بالظبط وين ارخص بس كل اللي اقدر افيدك فيه انو الانترنت عليه احيان خصومات 2او3%
سعر البزنس على السعوديه ((انت ماحددت لي طيران معين ))

حول ال6700

والسياحي حول 3000

احنى في جده اخوي

شكراً لك اخوي ولد حرب على الرد
انا كنت اقصد الخطوط السعودية
طيب اخوي تتوقع الاسعار تتغير هاليومين
العام الماضي شريت ثلاث تذاكر بـ3700 وشوي المهم انها اقل من 3800 ريال
تتوقع احصل قريب من هالاسعار ؟

والله ما اقدر اجزم لك انها تنخفض او لا بس لو فيها تخفيض كان نزلوها قبل راس السنه عموما لو حاب تاخذ من الرياض او جده في مصر للطيران حدود 1600 ريال

ماقصرت اخوي ولد حرب وعساك على القوة

وباذن الله سوف نتواصل معكم في حالة رغبتنا بالحجوزات او السفر

والأفضل لو كان عندكم عرض خاص للسفر أو برنامج معين تطرحه علشان الكل يستفيد الأعضاء ومكتبكم

والله يوفقكم يارب ، ودائماً ننتظر منك تحديث أسعار الطــيــران والتخفيضات عليها ,,,


* اليوم أشوف الخطوط السعودية بالتويتر منزلين عرض على المغرب بـ 3400 ريال ولم أفهم العرض وهو للسكن ، وسؤالي هل العرض شامل التذكرة أم لأ ! اذا كان عندك خبر في تخفيضهم

ومشكور ياخوي

__________________

الله يجزاك خير اخوي ولد حرب وبيض الله وجهك
بالنسبه لعروض الخطوط السعودية حتى انا مستغرب ما نزلو العروض
لأني العام حاجز في نفس تاريخ اليوم وسافرت بعدها بثلاث ايام وكان تاريخ 7-1-2011 وكانت التذكرة بـ1270 تقريباً الدمام -جدة- كازا
شكراً لك اخوي وانا بتابع موقع الخطوط الى قبل السفره بكم يوم
بيض الله وجهك

هل اخوي قناص نجد

والله ماعندي خلفيه عن العرض ولاكن صعب يكون مع السكن لانه التذكره بس في هذا الحدود

ولاكن في برنامج اسمه عالم السعوديه هوا اللي يوفر سكن وتذاكر

شكرأ اخوي

__________________

لاشكر على واحب