رد: استفسار عن توفير حارس شخصي ( بودي جارد) اغادير أو كازا
الف شكر يا أخوان على مشاركاتكم ومساهماتكم .
بس أشوف الشباب طبوا في بطني عشان البودي قارد والكل يبي يعرف ليه هههههههههههههههههههههه ، والله مو هياط ولا خرابيط بس أنا جربت واحد قبل وكان بطل مره مره مره وتعاملت معه في أكثر من سفرة بس الحين لقى شغل في هولندا والله يوفقه.
هذاك الشخص ماكان أحد يعرف انه بودي قارد بالعكس كان صاحب يمشي معاي وفي الدسكو يدخل معي ويجلس على نفس الطاولة معي ونقوم نشطح سوى وننبسط بس كان وسيع صدر وونيس مره مره خصوصا اني بطبعي دايم اسافر لحالي ، وغير كذا لا كثرت من العصير كان مسئول عن كل شي يمسك اغراضي ويدقق بالفواتير ويتناشب معهم وياما وياما سوى لي خصومات بالهبل بالفواتير وغير كذا لو جا ضيوف بالسكن كان يتابعهم ولما يطلعون يفتشهم لين يوثق فيهم وأي موقف مع الأمن ولا مع أي أحد كان هو اللي يمسك زمام الأمور وفوق هذا مستاجر سيارة وهو يسوقها وين مانروح ووين مانجي بصراحة كان بطل بكل ماتعنيه الكلمة وغير كذا كان موظف بشركة حراسات ومعه بطاقة تعريفية معتمدة ، بصراحة كان يريحني طول السفرة انا اتفرغ للصرقعة والوناسة وهو مسؤول عن أي شي ثاني وعلاقاته مره كويسة ويعرف للأنظمة ومافيه أحد يقدر يلعب عليه .
أتمنى تكون وضحت الصورة عشان كذا كنت ادور يمكن ربي يكرمني واطيح بواحد زيه .
بالنسبة لأغادير ابشركم صارت 18 يوم بعد ، بس شكلي بصير رحالة اطلع الصبح لمراكش وارجع بالليل واخر خمس أيام نروح نشوف عروس الشمال طنجه.
2012-03-31, 11:17 AM
المواضيع المتشابهه للموضوع: استفسار عن توفير حارس شخصي ( بودي جارد) اغادير أو كازا
العرض الشجري
الدرهم المغربي مقابل عملات الخليج