تجربتي في مراكش

انا عانيت نفس معاناتك ..يعني انا لاحظت مدح وقصايد شي غير طبيعي ..ولو حصلت احد يحذر ردو عليه قالو هذا مندس وش دعوى منتدى النصر :Abu Ahmed (118):

صراحه قوة المدح خلتني من دافع الفضول ازور المغرب لكن والله العظيم كل الي ذكرته صحيح وشفته ..ربما غيري لخبرته بالبلد وانه تعود على وضعها لذلك مايحس بالي حسيت لكن انا طرحت وجهة نظر شخص يزور المغرب للمره الاولى ..وهي اول بلد ازورها بحياتي على كثر سفراتي الي تحسفت على اجازتي الي انخصمت من رصيدي اما الفلوس معوضه ان شاء الله

المشكله وانا اخوك ..وانا مااعمم على كل الاشخاص بس بعض الاشخاص يقابل له طير ويتعلق فيه وخلاص ينسى كل السلبيات الي في البلد واذا ذكرت له المغرب تذكر ه***** ...

ايه كنت اقصد اني تحسفت على هالايام الي انخصمت من رصيدي ولا استفدت منها لأني مثل ماوضحت ماانبسطت ...لكن دائما الواحد يقول التجربه مو خساره ..

شف طال عمرك .

انت فقدت أهم شي بالسفره , ولأي سفره بالعالم , اللي هو السكن .

انا رحت قبلك بشهر ونص لنفس المدينه ونفس الفتره , والحمدلله انبسطت فيها .
السبب كان بتوفر السكن المناسب بشكل كبير (شقة بالدرقاوي) والشي الثاني توفر السواق اللي يعرف المنطقه ويفكك بكثير من الزنقات .

بالنسبه للتكاليف الماديه , اعتقد انها متوسطه. سفره لمدة 7 ايام بدون تذاكر 10500الف للشخص .

يمكن اكثر شي اتفق فيه معاك هو الاشكال , يعني على حسب ماسمعت توقعت احسن من كذا بكثير. بس احسن علشان ماتضيع علوم الواحد ويصير ثقيل :) .

:صحيح اخوي اني عانيت مع السكن وتعبت نفسي لأني مااحب امشي على البركه ...لكن اخر 4 ايام سكنت بفيله ممتازه جدآ اتوقع فلل الدرقاوي تعتبر ملحق بالنسبه له

الدرقاوي صراحه ماادري وش شايفين فيه لكن الي انتم شايفينه ماشفته انا ..!!

السواق الي كان معنا كان ممتاز رغم بعض الملاحظات لكنه انسان طيب وثقه ولا سمسر علينا ...ولما اقول الكلام انا اقصده لأني سبق وتعاملت مع سواقين كثير لكن هالشخص سويت له اختبارات كثير وعداها

من ناحية التكلفه الماديه انا تقريبا صرفت 6000 من غير التذاكر لمدة اسبوع ..

بالفعل الاشكال مخيبه للأمال وحتى التعامل الي شفته حسيت اننا بالبحرين ..لكن على كلام الخبراء هالشي صار بالفتره الاخيره ..

عموما هي تجربه :Abu Ahmed (494):

6000 بسس ؟؟

اي والله بس :Abu Ahmed (784):

طيب ماشاء الله عليك, اذا السكن مثل ماذكرت كان أغلب الرحله افضل من الدرقاوي , والسواق ممتاز , والصرفيه احسن من ممتازه . وين المشكله اللي خلتك تعتبرها سفريه غير مريحه بالنسبه لك ؟

طيب وش رأي اخوياك بالسفره بشكل عام , هل هم مؤيدينك ؟

تحياتي .

انا وضحت هالشي في موضوعي ..لكن نعطي ايجاز للي ذكرت ..اولا مسئلة ايجاد السكن صعبه والنصب شغال عيني عينك ...من ناحية الصرفيه هذي صرفيتي انا لكن الي معي دافعين الدبلات ...ولك انت في مثال في التقارير الي في المنتدى كم ميزانيتهم ..ميزانيه تغطي سفريه لأفضل المناطق بالعالم ...انا كنت اقول من الي اسمعه عن المغرب يمكن تستاهل هالصرف بس على الي شفت لا..!!

ثانيا موضوع الاستغلال غير طبيعي وتعدى المعقول ..

ثالثا موضوع السهر ..هل هو مرتبط في الدرقاوي ولا ماراح اكون في امان وش هالسفره ..؟؟ بعض الناس تفكر بالعواقب وبعض الناس ماتفكر الا لما تقع بمشكله ...يعني اذا صرت مااحس باامان كيف تتوقع مني احس بالراحه ..اذا فكرت بالمشاكل الي راح ادخل فيها لاسمح الله مثل السعوديين الي ممسوكين بمراكش بالوقت الي كنا هناك ..:Abu Ahmed (710):

حتى الفله الي كنا فيها مامدحتها من ناحية الامان الا يوم طلعت منها ..لأني ماني متأكد من شي هناك ..

اذا صار صرف عالي ..وامان مافيه ..حتى ال**** مو ذاك الزود ...اخذ لي استراحه بالثمامه واسوي الي براسي بمكاني الي اعرفه احسن لي من هالغثاء هذا كله ..؟؟

اذا انا مخطي بااي نقطه من النقاط الي ذكرت ياليت تصحح لي :Abu Ahmed (774):