تجربتي في مراكش

shalsh · 2012-02-26T00:23:44+00:00

السلام عليكم ورحمة الله وبركاته .. هذي اول مره اسوي فيها تقرير بس لأني لاحظت الكثير متلهف للمعلومه حبيت اطرح لكم تجربتي لكن راح يكون موضوع عن طريق ردود واستقبال استفسار لأني لااجيد فن كتابة التقارير... رحلتي كانت لمراكش عن طريق دبي الاماراتيه 2200 طيران رائع ومدينه لاامل زيارتها ..يعني الترانيزت انا استمتع فيه لما يكون في دبي ... السفر كان يوم الاربعاء والعوده يوم الخميس يعني مدة اسبوع ثلاث اشخاص وكلنا اول مره لحظة وصولنا لمطار محمد الخامس ..كنت متخوف بشكل رهيب خصوصا بعد رحلة طويله من تعيقدات المطار حسب ماسمعت وجميعنا لايوجد معنا الا فئة 500 ريال :D احد الاشخاص العمانين تعرفت عليه عطاني جزاه الله خير خمسين درهم احتياط ..مرينا من التختيم بدون مشاكل ..اخر خطوه الي هي العفش ..طبعا هالشي ماعمري شفت مثله بحياتي على كثر سفري بغير المغرب ...العفش يتم تفتيشه بشكل يدوي وليس عن طريق الاجهزه ..عند وصول دورنا المفتش كان يطالع فيني وانا اتصدد عنه واشيل الشنط قالي كلام مافهمت منه شي بس زي قولة لاتعب حالك اكرمنا وتوكل ...قلت والله مامعي الي يملا العين قال مو مشكله حطيت بيده الخمسين وشلنا اغراضنا ومشينا وكان في استقبالنا السواق ..طلعنا مباشره لمراكش وكان الطريق رائع وممتع .. رحنا بشكل مباشر للدرقاوي لأني حاجز عنده دوبلكس طبعا طلبت اني اشوفه اول ودانا بوابة 2 الدبلوكس اقرب مايكون شقه لاكن دورين ...وانا اتفرج عليه اتذكر كلام الاخوان في المنتديات الي حرصوني اروح له ...صراحه ماادري كيف اعبر لكن السعر كان 2300 لو الدرقاوي نفسه يعطيني 3000 ماسكنت فيه ...زباله بشكل مو طبيعي اجل التلفزيون 29 بوصه يقول لي يعني اغراني :Abu Ahmed (704): طلبت منه يوديني غيرها قال كلهم نفس بعض حطيت بيده ميه قال والله مافي الاا بهالشكل هذا اخذت ميتي ومشيت وانا ماادري وين اروح وحسيت بضيقة صدر مو طبيعيه .. طبعا انا عندي مبدأ دائما ماادخل السواق في خياراتي عشان مايسمسر على راسي .. طلبت من السواق يودينا جنة النخيل ..رحنا هناك وشفنا فله 4 غرف المتوفره فقط وكان مقارنه بالدرقاوي قصر وحتى المنتجع كان رايق ..لكن السعر عالي 4500 انا رفضت وسويت تمثليه خليت واحد من الشباب يرن علي وسويت كني اكلم سمسار في مراكش وان عنده فله خلصت المكالمه واستأذنت من صاحب الفله ع اساس بروح اشوف فله ابو الشباب كان سهل ومباشره نزل لي السعر من 4500 لي 3000 طبعا انا رفضت وكنت طمعان بااكثر لكن بضغط من الشباب وافقت ودفعت له حق يومين .. اول يوم كان نكد ورفضو يدخلو الضيوف وقالو في حمله هالاسبوع بديت يوم وصولنا :Abu Ahmed (105): وراح تنتهي بعد مغادرتنا :Abu Ahmed (500): طبعا نظام المنتجع بشكل دائم مايدخل اي ضيف من سكان مراكش ..لأنه يسوي عقود اجار لكل ضيف يزور للاحتياط .. انا بطبيعتي ..انسان عايش قلق مع نفسي ومستحيل اجلس فاضي لذلك ظليت ادور ومااستلمت طبعا طلبت المساعده من بعض الاعضاء الكبار هنا لكن الله يسامحهم مالقيت منهم غير التطنيش ...لذلك اعتمدت على نفسي بكل شي بعد الله .. مع كثرة الاتصالات والي كنت اعاني منها ماافهم الجماعه وش يقولون ..كلمت سيده فرنسيه وطبعا كنت افهم عليها بشكل اسهل :Abu Ahmed (130): وكان عندها فلتها الخاص وعارضتها للأجار ..كان فيه معارضه من الشباب انه التنقل صعب ومن هالكلام لكن طلبت منهم نجرب هالتجربه ... الفله كانت خارج مراكش وهذا الي كنت ابيه بحيث ابعد عن النخيل وقليز واماكن تجمع الخليجين ...عيبها اكثر من 15 برى مراكش في طريق الشويطر او فاس للي يعرفونه ..وكان الطريق ردم غير مزلفت وكان يوحي بسوء لكن يقولون من صبر نال ... رحت وشفت الفله وكان وجهي زي كذا :Abu Ahmed (436): صراحه اكثر من روعه ..مكونه من اربع غرف ماستر كلها ...وكل وحده في بلكونه ....ومسبح بالحديقه كبير جدآ ..والفله فيها شغاله تابعه لها تداوم من الصباح لي 6 داخله في الاجاره .. اجارها كان 3000 بس :Abu Ahmed (436): وصراحه انا اشوفها تستاهل على الاقل 5000 ..بس يمكن لبعدها بعض الناس مايرغب فيها على الرغم ان احنا ماحسينا في اي تعب ولا مشكله ..وشغالتنا كانت معنا وتنام عندنا عطيناها الغرفه الرابعه ...واغراض المطبخ كامله يوم السبت الصباح رحت لسوق السبت وشريت لي نعيمي يجي له 16 لباني بــ 700 درهم مع الذبح ..بغيت اشري سوقهم كله مايدرون ان الي زي هذا عندنا مايقل عن 2500 درهم . اكمل في الرد التالي ...

مستريح البال

مزعوط نشيط

المشاركات: 57

تاريخ التسجيل: Nov 2011

2012-03-19, 05:19 AM

المشاركه #71

رد: تجربتي في مراكش

thanks alooooooooooooooooooooooot

shalsh

مزعوط نشيط

المشاركات: 83

تاريخ التسجيل: Jan 2012

2012-03-19, 05:22 PM

المشاركه #72

رد: تجربتي في مراكش

اقتباس:

المشاركة الأصلية كتبت بواسطة الولهان

خشوووووووووووووووووووووف يعني الغزال الصغير افهم يا فهيم:Abu Ahmed (442):

اووه خبررررره يالولهان هههههههههههههه

shalsh

مزعوط نشيط

المشاركات: 83

تاريخ التسجيل: Jan 2012

2012-03-19, 05:23 PM

المشاركه #73

رد: تجربتي في مراكش

اقتباس:

المشاركة الأصلية كتبت بواسطة مستريح البال

thanks alooooooooooooooooooooooot

happy to help

Kb61

مزعوط مميز

المشاركات: 280

تاريخ التسجيل: May 2011

2012-03-20, 07:59 AM

المشاركه #74

رد: تجربتي في مراكش

علي النعمه من نعمة ربي مافهمت شي .... مراكش زينه او مو زينه ....نريد المختصر المفيد

__________________

ولله الأمـــــر من قبل ومن بعد ,,,
,,,, يازمان والوصل ,,,

صفحة 8 من 8

« الأولى

الكلمات الدلالية (Tags)

مراكش

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تجربتي في مراكش
الموضوع	آخر مشاركة
تجربتي مع شركة الو مراكش ( ابو فهد )	2021-07-28 03:27 PM
تجربتي الثالثه في مراكش	2020-08-16 02:28 AM
تجربتي في مراكش قبل اسبوعين	2018-12-31 12:41 AM

الساعة الآن 12:42 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تجربتي في مراكش

روابط سريعه