الرباط __ مراكش في عشر أيام

الحمد لله على السلامه

الحمد لله على السلامة اخي فهد ، واتمنى تكون قضيت رحلة موفقة وممتعة في الرباط ومراكش

وانا ماسويت الا الواجب وهذا اقل شي ممكن اسويه لك .

واشكر الاخوان على مشاعرهم تجاهي

كمل تقريرك يافهد > وترا ننتظرك بكره بالاستراااااحة :)

وعطنا سالفة راعي سماعات الاي فون >>>>>> هههههههههههاي ولا قهوة المارينا وراعي الورد

__________________

هلاااا فهيدان يا هلا يا هلا بالسمي . والشهادة لله ما قصرت فديتك . ما عندك مشاكل وعدنا بكره يا الامير .


ههههههههههه السماعات ما تصدق فرحته بها رايح جاي جاي رايح يعنني كاشخ فيها :Abu Ahmed (778):


اما قهوة المارينا كلااااااااام ثاني يا حسافه الورد جااا متاخر :Abu Ahmed (63):

__________________

[SIZE="5"]الحلقه الاولى



بالبدايه احب اشكر الاخت رباطيه اصيله لتعاونها معا اخوي فهد قناص نجد بالبحث عن سكن بالعاصمه الرباط


وما قصروا حصلوا سكن حلو وجميل ونظيف والامان على كيف كيفك باكدال .


بالنسبه للاخ اللى سئل على التكاليف ؟ كلفت تقريبا 15000 الف شاملة كل شي من طقق الى سلام عليكم طبعا انا لوحدي وخوي موب بعيد


عن ها الرقم .


بداية الرحله وصلنا مطار الملك خالد قبل الرحله بساعه ونص وعلى طول بوابة الرحلات الاجنبيه ونزلنا واقرب عامل تحميل وشلنا الشنط وودعنا


خوينا اللى وصلنا وعلى طول ابي اقص البوردنق ابي ارتاح والحمدلله ما كان فيه زحمه وحمل الشناط اربعه وزادت الشيشه ديالي ماله محل


قال خوي يمزح خلها وش تبي بشيشه بالمغرب قلت حبيبي ما تحلى الا هناك وخر بس انا ابخص واكمل بها بيدي .


وعلى الجوازت وختم خروج ليته بلا عوده :Abu Ahmed (488): بعد التختيم التفتيش النهائي اللى قبل صالة الانتظار وينشبلنا هذاك العسكري


الشيشه ممنوع تشيلها معاك يا رجال عدل بدل مره ما فيه فايده . ويجي خويه اجودي وش السالفه يا شباب قلت خويك رفض يمشي الشيشه


قال صحيح النظام ما يسمح قلت ولا صارت بتروح للمغرب قال هاه:Abu Ahmed (436): المغرب انتم رايحين هناك وهذا البوردنق


قال فلان يقصد خويه قال خلهم خلهم يستاهل من يمشيهم وتشكرنا منه ومشينا لبوابة السعد اقصد الانتظار تقريبا باقي نص ساعه


اخذنا كورسان وعصير برتقال يرد الرووح وشوي ونادا المنادي الرياض القاهره يله مشينا وندعس انا وخوي وشيشتي بيدي وعلى الطياره


ونركب وشوي وتقلع الطياره الساعه 3.45 فجر الاربعاء مودعين ديرتنا واهلنا بسلام وخذلك نومه صغيرونه ما قمت الا قالوا استعدوا الهبوط


قرب وشد الاحزمه واحلا هبوط وصلنا على الساعه 5.30 مطار القاهر واحلا قعده بالمطار 3 ساعات قلت ما راح انام النوم خله بالطياره


عشان انزل مطار كازا بحيويه ونشاط . المهم مر الوقت وفز قلبي يوم سمعت طاري الحبيبه والكبيده والشحيمه :) القاهره كازا وينكم ناعسين


وافز وانادي خوي يله مشينا وقص لا تقص واركب الطياره وشوية ووقت والا جت شدو الاحزمه وماله نشده انت تطير بس ويقلع الكابتن البارد


بسلام على الساعه 9 الصباح و7 ساعات بالجو الله لا يوريكم وخذلك نومه من قلب واقوم قبل الهبوط بساعتين وافرفر بالايفون من مقاطع


واغاني وسوالف انا وخوي وجت شدوا الاحزمه ونشده واحلى هبوط غصب يكون حلو نازل بمطار كازا من قدك .


وصلنا مطار كازا على الساعه 1.10 ظهرا ومظبطين الاوراق ولا قابلتنا اي مشكله بالجوازات وادعس على الشناط وحملها وعلى الصرف يا شنب .


فاصل ونواصل راجعلكم شويات بس

__________________

رجعنا لكم من جديد



الصرف واه يالصرف غلطتي اني ما تابعت سعر الصرف قبل ما اجي معي كاش 22 الف ريال والباقي بالبنك المهم مالكم بالطويله


صرفنا الريال = 2.20 درهم طبعا بتعذورني لاني نسيت اتابع سعر الصرف خوي اللى معي اول مره يجي المغرب وصرت انا البطرون ( المدير ) حق الرحله


وزي ما تعرفون كل شي على راسي . المهم اخذنا الفلوس وقلت لخوي يالله على الترين (القطار ) قال هاه ما ودك بسياره جايين ترانزيت وشف شناطنا


ويدخلني الماء قلت اعرف القطار وقروشته انزل من قطار والحق الثاني المهم وانا افكر الا اللي بوجهي سواق قال ما ودك بتوصيله قلت الا قال على وين


قلت رباط الحسن قال 650 وانا وياه قال هذي تسعيرة المطار وسيارتي 2012 ومن ها الكلام وانا ما بي حيل اروح اشوف التسعيره وخوي قروشني


يله يله ونتوكل على الله واتفقنا معه وقلت ثواني بشحن جوالي المغربي واروح لمكتب اتصالات المغرب واشحن ب200 ونت معاه فري لمدة اسبوع


واخذ لخوي شريحه واشحنها ومشينا يا ذيبان الرباط تدورنا ::Abu Ahmed (434): واول ما مسكت الخط واكلم اخوي فهد قناص نجد هاه


وش الاخبار قال خلصنا تعال استلم شقتك قال اقابلكم هناك قلت واخا سيدي بالسلامه . واسكر منا يجي اتصال من السعوديه اللهم اجعله خير


الا شباب الاستراحه ها بشر وصلت وينك ومن هالكلام ويستلموني واحد وحد اللي يبي جلابه واللي يبي ابريق ديال الاتاي واللي يبي طاجن قلت


من عيوني ابشروا . لكن التحفه واحد قال ابي عسل قلت هاه:Abu Ahmed (617): حشا رايح لليمن انت وخشتك وقعدوا يضحكون الشباب عليه والسواق


فطس من الضحك . طبعا معا كامل الحب والاحترام لليمن الشقيق .


وساعة زمن واحنا بقلب اكدال وعلى الشقه دايركت وحبيبنا قناص ينتظر على رصيف الشارع واخذناه بالاحظان وعلى الشقه عشان نشوفها والحمدلله


طلعت زوينه وكلن واخذ غرفته وحاسبناهم ل3 ايام معا احتمال التمديد وخذلك احلا تمديد بالصاله وكاسة اتاي تنسيك تعب الرحله .


ويشغلنا سي فهد قناص نجد جوعان جوعان يالله الماكدو بانتظارنا ودرعم رجليه جنبنا مو بعيد 3 دقايق واحنا بقلب الماكدو واحلا ماك تشكن وعيونا يمين يسار


فوق تحت تقول بتدريب هههههه . ونطلع بعده على القهوه الخضراء جنب الماكدو واحلا اتاي وشوية حلو على ذوق قناص نجد وخذلك سنتره يمقن ساعه ونص


واللي عرفته بعدين ان اللى جوا القهوه راعين مشاكل ووجع راس واكلناها اول يوم لكن درس فا من رائي خلها قهوه وشوية كيك وصافي .


بعد القهوه الخضراء رحنا معا صاحبنا قناص للمرجان بالطاكسي بحي الرياض واحلا مقاضي الاشياء الاساسيه والباقي كل يوم بيومه وحاسبنا


واقرب طاكسي للشقه ابي شيشه ووصلنا ونزلنا الاغراض وما قصر فهيدان قعد معنا شوي وودعنا راح لشقته :Abu Ahmed (702): وكملت انا وخوي


والعرابجه :Abu Ahmed (787):اللى معنا السهره الخايبه الحمدلله راحت بخيرها وشرها واحلا نومه .


وعدنا بالحلقه الثانيه والتمشيه بالسويقه ( سوق شعبي بالرباط ) والمظاهره اللى حدا البرلمان اول مره بحياتي اشوف مظاهره والمارينا ونهر ابي رقراق


والتصاور ما راح انساها لا تخافون الى اللقاء في الحلقه الثانيه دمتم بود وسلام ...

__________________

:Abu Ahmed (714):

وينك ياخوي لايكون نسيتنا ترانا ننتظرك

اي والله وانا مثلك رجعت قبل شهر مرررررررررررررررررررريض حدي
كحه تجيب الالم وبلاوي ونفس مافيه
بصراحه البرد في مراكش شديد مره
الحمد لله على السلامه أخوي

الحمد لله على السلامه

وناطرين باقي تقريرك 0

__________________

يسلم قلبك يالعميد كلامك وسام احطه على صدري

__________________