|
المسكين يستاهل اللي ينصب عليه ....
السلام عليكم ورحمه الله بدايه اسمحوا لي فانا لست عدوا لاحد ولا انوي تجريح احد ولكنني وانا اقرا هنا وجدت الكثير يشتكي احذروا فندق / منتجع / سائق / خدامه و و و واكثر الشكاوي تقريبا لها نفس الصورة ( اعطيتهم المبلغ ومارجعوه ) هذا اللي شكى فيها مئات غيرهم ماشكوا .... ومن استضعف للرجال يستاهل اللي ينصب عليه ... يجي مدرعم يسلم نفسه (سواق تاكسي) يحول له 30 او 40 الف درهم .. حوالي 12 الف ريال .. قبل ياصل ؟!!! والله لو انه اخوك ماتحول له هالمبلغ اللي معه 12 الف و15 الف وغيرها من مبالغ هو ( عميل مميز ) اهل الشقق والمنتجعات يسعون وراه ويجي عزيز ويحجز عزيز ماهو بحاجه يرسلها لسواق او خدامه او حيالله نصاب ؟!!! يعني وش الخطا لو نزلت المغرب واخذت ليله باي فندق ومن بكره رحت بنفسي ودفعت بطريقه نظاميه ولا ادفع الا ربع المبلغ بعد حق كم ليله .. (جاز لي الوضع اوكي ماجاز انا امير نفسي ) اما (اعطي فلوسي الرجال واقوم اشحدهم) الله يلعن ام سياحه تبي تذلني واقوم الوحط ادور فلوسي واترجا فلان وفلان اللي يهزأني واللي يقفل جواله واللي يصرفني (ابوووووك يالقهر ) ورب الكعبه (انه غبن حقيقي) تحطون انفسكم بمواقف بايخه وانتوا عازكم الله ؟!!! بالمغرب او بالرياض او بمصر وين ماكان لاتسلم نفسك للناس ثم تشكي الظيم ؟!! متى كان سائق التاكسي يدير شي ؟؟ السائق سائق يوديك ويجيبك اما تحول له قروشك وانت بقارة اخرى تبيه يعزك ؟؟ والاخ اللي منصدم يقول سواقي طلع حرامي قلت له لاتحجز للناس بمنتجع كذا وحجز لهم .. وانت تحسبه صحابي ؟!!!! اللي نصب عليك ينصب على غيرك حياة البعض مع احترامي (تعيسه ) ورب العزه قمه التعاسه اروح لدوله ثانيه واروح اترجى ضعاف الناس خدامه او سواق ابي فلوسي ويكسرون عيني ويطردوني ... يالله اني بوجهك عن رداه النصيب :maroc (1131): |
ادري قد يزعل البعض ويقول حنا نحذر بعض .. اوكي حذرنا من شي خفي او لايعلم ولكن ان تسرد لنا تجربتك البائسه وانت ناصبه عليك الخدامه وشريكها فلان وتقول ابفيدكم .. لاتفيدنا .. من سلم نفسه للسواق يستاهل ملينا الناس بألفين وثمان طعش .. وحنا نناقش نفس مشاكل سياح عام 1995 حقين سوريا هكالوقت اللي حتى عامل المحطه ينصب عليهم .. خلك حر يامل الغنيمه وامير نفسك ودون مالك .. تجي على وضح النقا وتاخذ حقك وافي كامل بوجهك وعلمك وتحت نظرك وارادتك .. ماهو تعطي قطعه سواق لحجي فليساتك ثم رحت تتلوى من القهر بشقتك .. ياويلي ااااااه بيرجعهن او ماهو مرجعهن والله لو ان البعض لاقي القروش بالشارع :0005: |
اقتباس:
بصراحه كلام. 100٪ |
اقتباس:
|
انا واعوذ بالله من كلمة انا شفت عكس كلامك وكتاب الله شفت سواقين وشغالات يصرفون على زبايين بعد ماخلصت فلوسهم مو مرة شفت هالموقف ومب مرتين شفت هالموقف كثير وفي زبايين خليجيين نصبوا على سواقين وشغالات وانا اشهد يقولو لهم فلوسنا خلصت بس ادفعوا لنا ليلة وعطونا حق تاكسي لمطار نوصل لبلدنا نبعت لكم فلوس ولما يوصلوا ماعاد يردوا حتى على الجوال فالمغرب فيها ناس قمة في الشهامة والانسانية بس في سياح الله يهديهم مايخلوا الا ذكرى سيئة
|
من طشته رجليه لا حسافة عليه
|
هههههه شر البليه مايضحك
كلن يغني على ليلاه ناس يقولون السواقين وناس يقولون أصحاب المنتجعات والشقق وناس يقولون أصحاب مكاتب السياحة وناس يقولون البنات نصبو عليهم واستغلوهم وفيه بنات مساكين غير أنها طاحت في الفخ وفيه شيطانه تصور لك العالم عالم رومنسي وهي من وراك شغاله كلام وضحك تقول مغفل. انا احق فيه من غيري هههه فيه مواقف تستحق أن تقف فيها موقف رجوله وشهامة وطناخه وفيه مواقف الابتعاد عنها افضل لا اقول كل الناس طيبين ولا اقول عكس ذلك فيه الزين وفيه الخايب والواحد يأخذ العبره من غيره . . |
اقتباس:
. . |
اقتباس:
|
المسكين يستاهل اللي ينصب عليه ....
مراكشيه واضح انك اسم على مسمى [emoji108] [emoji23][emoji23]
لا نجعل انفسنا بصف هذا او ذاك ولا ننصب انفسنا للدفاع عن احد ،الله يبعد المشاكل عنا جميعاً ويصلح الاحوال |
| الساعة الآن 02:30 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط