المشاركة الأصلية كتبت بواسطة خوخة (المشاركة 601162)

مسكين نسجن مظلوم هالاشهر كلها الله يجازي لي كان سبب والحمد لله جاه عفو ورح يطلع على خير بس لا تقولي لسا ما طلقها للحين هدا لازم يطلقها ما ضل عندو ولا يوم بعد لي صار معو

المشاركة الأصلية كتبت بواسطة عبودي $ (المشاركة 601159)

هذا واحد من العيال تزوج قبل تقريباً سنتين وكنّت انصحه لاتتزوج لاتتزوج اصبر .. اذن من طين واذن من عجين .. صار خلاف بينه وبين اهل زوجته طبعاً خلاف طبيعي ويصير مع اي عائلة .. بنتهم الظاهر بنت فقر ولاشافت نعمة ابدددد .. خوينا هذا صار له موقف مع واحد وانسجنوا .. بعد شهرين طلع خوينا بصك الحكم بالبراءة .. يوم راح ياخذ زوجته يطردونه اهلها ودخل فيها العُقلاء ورجعوا الزوجة لزوجها طبعاً ام الزوجة ملعونه تحب المشاكل وجالسه تتحكم فيهم خويي غبي طول هذي المدة يسلك لهم خصوصاً ان عنده بنت عمرها سنة ونص تقريباً .. يوم قلب عليهم خويي وصار مايحترمهم ابدددد راحوا واشتكوه بالشرطة على اساس انه يهددهم جت الشرطة وقبضت عليه طبعاً الزوجة قالبه البيت فندق تنام بس وتجي امها تاخذها وتطلع بدون اذن زوجها يوم القبض عليه رايح المسكين بيعطي بنته مصروفها يوم وصلت الشرطة طلعوا اهل البنت وقالوا هذا هو جاي بيقتلنا!!! الشرطة ماصدقت خبر مسكته وسلموه للشرطة وحققوا معه وانكر كل الكلام وحاول يثبت انه مظلوم لكن لاحياة لمن تنادي بعد التحقيق راح للمحكمة وحكم عليه الشيخ تقريباً سجن 9 شهور و300 جلدة .. اعترض على الحكم وجلس يمكن 5 شهور آخر شيء ثبتوا الحكم .. يوم راحوا اهله لبيته لقوا الذهب وعقد الزواج وكل شيء ثمين بالبيت مو موجود وبعد ماجت الشرطة على اساس ان بيته انسرق طلعت زوجته ماخذه كل شيء هههههههههههه قايلكم بنت فقر .. واليوم ولله الحمد جاه عفو رمضان لكن كعادة دوائرنا الحكومية المعاملة اللي تخلص خلال يومين تاخذ اسبوعين والا الآن بالسجن ننتظرهم يرسلون المعاملة لمركز الشرطة عشان نكفله ويطلع .. ومن الساعة 9 الصباح وانا بالمركز الى الساعة 3 العصر آخر شيء يقولي العسكري تعال بعد يومين [emoji17][emoji17][emoji17]


لاحظوا ان خويي عمره 28 سنة ويملك ڤيلا جديدة وربي منعم عليه ماشاء الله لاقوة الا بالله يعني كانت عايشه احسن من غيرها بكثيررررر بس بنت الفقر تبقى بنت فقر ماقد شافت نعمة .. وفوق هذا كله صار اللي صار .. بعض البنات ودك تمسك امها وتشنقها وترتاح المصايب داااااايم من اهل الزوج والزوجة والا الرجال يعرفون يسيطرون على زوجاتهم

المشاركة الأصلية كتبت بواسطة عبودي $ (المشاركة 601160)

السالفة صارت بالرياض وصلت الساعة 8 الصباح والحين بطلع للمطار برجع مكة [emoji16]

المشاركة الأصلية كتبت بواسطة عبودي $ (المشاركة 601163)

الزوجة الكلبة هذي فوق اللي سووه بالرجال رايحه برضو تشتكيه عند محكمة الاحوال الشخصية تبي الطلاق ههههههههههههههه تدرون ليش؟

عشان ماترجع له المهر ولا الذهب ولااااااا شيء .. يوم زواجهم اهدى زوجته عقد اتوقع ألماس قيمته 74 ألف ريال .. طبعاً خويي جلسنا معه بالسجن واتفقنا انه مايطلقها يخليها مثل الكلبة عند امها السوسة وبعد مايتزوج عليها ويروح شهر العسل ويرجع ويستقر هذيك الساعة يبدأ يفكر بموضوعها لكن اضمن لكم انه بيطلقها بس يبي يضمن انه ماينحرم من بنته .. له الآن سنة ماشافها حسبي الله عليهم

المشاركة الأصلية كتبت بواسطة الحضرمي (المشاركة 601166)

توصل بالسلامة

المشاركة الأصلية كتبت بواسطة عبودي $ (المشاركة 601168)

يسلمك ربي .. حجزت الاقلاع بعد 3 ساعات [emoji16]


حسافة راح يوم مادعيت بالحرم على بنت مراكش [emoji23]

المشاركة الأصلية كتبت بواسطة خوخة (المشاركة 601167)

يا رب شو هناس فوق هشي كلو رايحة بتطلب طلاق حسبي الله ونعم وكيل فيها حرام مسكين منعتو يشوف بنتو بس منيح انكم نصحتوه ما يطلقها يخليها هيك تصير هي تترجاه وما تلاقيه الله يوفقو ويعوضو خير منها يارب

المشاركة الأصلية كتبت بواسطة عبودي $ (المشاركة 601170)

الله يفرج همنا وهمّه ويفك أسره .. كل شيء يتعوض الا الصحة .. والزوجة بدالها 1000 زوجة .. قبل شوي اكلم ابوه قالي حرفياً حياك الله على ملكت ولدي بعد العيد ههههههههههههههههه هذا الأبو والا بلاش حامي حامي ..

المشاركة الأصلية كتبت بواسطة عبودي $ (المشاركة 601171)

عن اذنكم بتروش واغير ملابسي وراي طيارة [emoji17]