المشاركة الأصلية كتبت بواسطة عبودي $ (المشاركة 601199)

بس نرجع للب الموضوع (إن لكيدهُنّ عظيم) [emoji16]

المشاركة الأصلية كتبت بواسطة black night (المشاركة 601210)

عبودي لا منت طبيعي يمين بالله
الصبح جاي والحين راجع وش سالفتك بالضبط؟؟؟؟؟؟

المشاركة الأصلية كتبت بواسطة عبودي $ (المشاركة 601215)

الرجال غااااااااااااااالي علي كثيررررررررررر وصديق طفولة .. يكفي اننا مولودين بيوم واحد بس انا اكبر منه بـ6 ساعات [emoji16] ويوم عرف انه بيطلع اتصل علي قبل مايتصل على ابوه .. والله لو انه بالمريخ لأروح له

المشاركة الأصلية كتبت بواسطة black night (المشاركة 601217)

خابرينك كفو والله ياعبودي
وماقصرت معاه بيض الله وجهك

المشاركة الأصلية كتبت بواسطة Titima (المشاركة 600970)

اول مشاركه ليا هنا و ما اعرف استعمل البرنامج

المشاركة الأصلية كتبت بواسطة عبودي $ (المشاركة 601159)

هذا واحد من العيال تزوج قبل تقريباً سنتين وكنّت انصحه لاتتزوج لاتتزوج اصبر .. اذن من طين واذن من عجين .. صار خلاف بينه وبين اهل زوجته طبعاً خلاف طبيعي ويصير مع اي عائلة .. بنتهم الظاهر بنت فقر ولاشافت نعمة ابدددد .. خوينا هذا صار له موقف مع واحد وانسجنوا .. بعد شهرين طلع خوينا بصك الحكم بالبراءة .. يوم راح ياخذ زوجته يطردونه اهلها ودخل فيها العُقلاء ورجعوا الزوجة لزوجها طبعاً ام الزوجة ملعونه تحب المشاكل وجالسه تتحكم فيهم خويي غبي طول هذي المدة يسلك لهم خصوصاً ان عنده بنت عمرها سنة ونص تقريباً .. يوم قلب عليهم خويي وصار مايحترمهم ابدددد راحوا واشتكوه بالشرطة على اساس انه يهددهم جت الشرطة وقبضت عليه طبعاً الزوجة قالبه البيت فندق تنام بس وتجي امها تاخذها وتطلع بدون اذن زوجها يوم القبض عليه رايح المسكين بيعطي بنته مصروفها يوم وصلت الشرطة طلعوا اهل البنت وقالوا هذا هو جاي بيقتلنا!!! الشرطة ماصدقت خبر مسكته وسلموه للشرطة وحققوا معه وانكر كل الكلام وحاول يثبت انه مظلوم لكن لاحياة لمن تنادي بعد التحقيق راح للمحكمة وحكم عليه الشيخ تقريباً سجن 9 شهور و300 جلدة .. اعترض على الحكم وجلس يمكن 5 شهور آخر شيء ثبتوا الحكم .. يوم راحوا اهله لبيته لقوا الذهب وعقد الزواج وكل شيء ثمين بالبيت مو موجود وبعد ماجت الشرطة على اساس ان بيته انسرق طلعت زوجته ماخذه كل شيء هههههههههههه قايلكم بنت فقر .. واليوم ولله الحمد جاه عفو رمضان لكن كعادة دوائرنا الحكومية المعاملة اللي تخلص خلال يومين تاخذ اسبوعين والا الآن بالسجن ننتظرهم يرسلون المعاملة لمركز الشرطة عشان نكفله ويطلع .. ومن الساعة 9 الصباح وانا بالمركز الى الساعة 3 العصر آخر شيء يقولي العسكري تعال بعد يومين [emoji17][emoji17][emoji17]


لاحظوا ان خويي عمره 28 سنة ويملك ڤيلا جديدة وربي منعم عليه ماشاء الله لاقوة الا بالله يعني كانت عايشه احسن من غيرها بكثيررررر بس بنت الفقر تبقى بنت فقر ماقد شافت نعمة .. وفوق هذا كله صار اللي صار .. بعض البنات ودك تمسك امها وتشنقها وترتاح المصايب داااااايم من اهل الزوج والزوجة والا الرجال يعرفون يسيطرون على زوجاتهم