المشاركة الأصلية كتبت بواسطة عبودي $ (المشاركة 601176)

ياللللللليل الللللللليل .. خلصت المويا ياعيال وأهلي مسافرين ههههههههههههههه من اللي ساكن قريب مني بس بتروش وبطلع [emoji23][emoji23]

المشاركة الأصلية كتبت بواسطة عبودي $ (المشاركة 601171)

عن اذنكم بتروش واغير ملابسي وراي طيارة [emoji17]

المشاركة الأصلية كتبت بواسطة خوخة (المشاركة 601182)

بستأدن منكم صار وقت فطور عنا بشوفكم عخير

المشاركة الأصلية كتبت بواسطة عبودي $ (المشاركة 601159)

هذا واحد من العيال تزوج قبل تقريباً سنتين وكنّت انصحه لاتتزوج لاتتزوج اصبر .. اذن من طين واذن من عجين .. صار خلاف بينه وبين اهل زوجته طبعاً خلاف طبيعي ويصير مع اي عائلة .. بنتهم الظاهر بنت فقر ولاشافت نعمة ابدددد .. خوينا هذا صار له موقف مع واحد وانسجنوا .. بعد شهرين طلع خوينا بصك الحكم بالبراءة .. يوم راح ياخذ زوجته يطردونه اهلها ودخل فيها العُقلاء ورجعوا الزوجة لزوجها طبعاً ام الزوجة ملعونه تحب المشاكل وجالسه تتحكم فيهم خويي غبي طول هذي المدة يسلك لهم خصوصاً ان عنده بنت عمرها سنة ونص تقريباً .. يوم قلب عليهم خويي وصار مايحترمهم ابدددد راحوا واشتكوه بالشرطة على اساس انه يهددهم جت الشرطة وقبضت عليه طبعاً الزوجة قالبه البيت فندق تنام بس وتجي امها تاخذها وتطلع بدون اذن زوجها يوم القبض عليه رايح المسكين بيعطي بنته مصروفها يوم وصلت الشرطة طلعوا اهل البنت وقالوا هذا هو جاي بيقتلنا!!! الشرطة ماصدقت خبر مسكته وسلموه للشرطة وحققوا معه وانكر كل الكلام وحاول يثبت انه مظلوم لكن لاحياة لمن تنادي بعد التحقيق راح للمحكمة وحكم عليه الشيخ تقريباً سجن 9 شهور و300 جلدة .. اعترض على الحكم وجلس يمكن 5 شهور آخر شيء ثبتوا الحكم .. يوم راحوا اهله لبيته لقوا الذهب وعقد الزواج وكل شيء ثمين بالبيت مو موجود وبعد ماجت الشرطة على اساس ان بيته انسرق طلعت زوجته ماخذه كل شيء هههههههههههه قايلكم بنت فقر .. واليوم ولله الحمد جاه عفو رمضان لكن كعادة دوائرنا الحكومية المعاملة اللي تخلص خلال يومين تاخذ اسبوعين والا الآن بالسجن ننتظرهم يرسلون المعاملة لمركز الشرطة عشان نكفله ويطلع .. ومن الساعة 9 الصباح وانا بالمركز الى الساعة 3 العصر آخر شيء يقولي العسكري تعال بعد يومين [emoji17][emoji17][emoji17]


لاحظوا ان خويي عمره 28 سنة ويملك ڤيلا جديدة وربي منعم عليه ماشاء الله لاقوة الا بالله يعني كانت عايشه احسن من غيرها بكثيررررر بس بنت الفقر تبقى بنت فقر ماقد شافت نعمة .. وفوق هذا كله صار اللي صار .. بعض البنات ودك تمسك امها وتشنقها وترتاح المصايب داااااايم من اهل الزوج والزوجة والا الرجال يعرفون يسيطرون على زوجاتهم

المشاركة الأصلية كتبت بواسطة ابو يوسف الشمري (المشاركة 601189)

هلا عبودي انت تتكلم عن ادعاء وتحقيق ومحكمه وقضاء مااكذبك لكن مستحيل يحكمونه وهو ماسوا شي تحصل صاحبك مخبي عنكم شي والا مايحكمونه الا انه في دليل انه مهددهم او من هالقبيل وبالاول والاخير القضاء له كلمه ودور والله يفك كل سجين ويرجعه سالم معافى

المشاركة الأصلية كتبت بواسطة عبودي $ (المشاركة 601191)

الادعاء العام كاتبين بلائحة الدعوى ان التهمة محاولة القتل والتهديد بالانتحار ههههههههههههههههه وخويي لو اذبح خروف قدامه اغمى عليه [emoji23]


طبعاً اعتذر للخرفان انا اقصد الخروف اللي ينذبح للأكل [emoji231] [emoji23]

المشاركة الأصلية كتبت بواسطة ابو يوسف الشمري (المشاركة 601194)

ممكن مثل ماقلت مايقدر يذبح لكن بوقت الغضب الانسان يخربط بالكلام واتوقع مثبتين عليه الكلام وعلى كذا حكم عليه