تغـريداتــ المزاعيــط

لا طالت الخوة تبين العذاريب
وتعرف قراح البير وإلا هماجه

أبعد عن اللي لـ زعل ينكر الطيب
اللي تقلّب عشرته مع مزاجه

إن راق رقاها طوال المراقيب
وإن ضاق ضيقها على أدنات حاجه

حنا تربينا على منهج الطيب
ونعرف دروب المرجله والسماجه

من اجمل ماقال رشيد الزلامي رحمه الله :

يا متعب الأقدام ماشي على وين
مـع جـرّةٍ جاهـا العجـاج ودفنهـا

أرجع وعـدّ خطـاك وحـده وثنتيـن
واكبح جماح النفس والزم رسنهـا

لاتامن الدنيا تـرى وضعهـا شيـن
ماعـاد بـه دنـيـا صحـيـح بدنـهـا

لاصاروا العقّـال مثـل المجانيـن
واصبح ردي العرف يامر وينهـى

أنا مجـرّب والتجـارب براهـيـن
اراهـن الأيـام واكـسـب رهنـهـا

منها عرفت الفرق بين الفريقين
سبحان من صاغ العقول ووزنهـا

وان كان صح ان التجارب براهين
ضمنتهـا إن كـان ربـي ضمنـهـا

رفقة ردي المعرفـة بعتهـا ديـن
على زبـونٍ ضمّـهـا واحتضنـهـا

بغى يجيني بالثمن قلت بعدين
امسك فلوسك لين ننشـدك عنها

مابعتك الاّ سلعةٍ يا أحمر العيـن
ابيعـهـا وابـيــع حـتــى ثمـنـهـا

بعض المواقف من وراها محاصيل
تكشف لك إسدود الرجال وخبرها

يا تكسب قروم الرجال المشاكيل
والا تجي من دونــها وتخسرها

الكلمه العليا وجزل الأفاعيل
تغنيك عن سبـع البحــور ودررها

وما دامها ما وصلت الحط والشيل
فاصمل وإذا راد الولي تقــتدرهـا

قولة ( كفو ) تتعب عليها الرياجيل
اللي على روس النوايف نظرها

يا كثر صدقان الصحن والمعاميل
ويا قلهم لامن تقادح شررها

إعلم ترى الخوه فعول وغرابيل
في دورة الأيام يجنا ثمرها

بعض العرب للتمشيه والتساهيل
وبعض العرب للمعضلات وخطرها

أحدن توصل به بعيد المواصيل
وإذا معه لك حاجتن ما ذخرها

وأحدن هبيل ويحسب انا مهابيل
نستر عيوبه والله اللي سترها

ظهره ظهر عقرب وبطنه بطن فيل
ووقفات سمحين اللحى ماقدرها

أنا غرامي خوة أهل المواجيب
والي يحب الطيب فيه أتهقوى

إن صابت الهقوات طيبن على طيب
وإن خابت الهقوات حيل الله أقوىج

الدنيا علمتني ...


الوقت لي دوزناه مع شي ناس

كون غير شبعنا فيه نعااااااااس

ما بين إسم شرقي و فعل غربي ...تاهت الشِّيم العربية

ياالظما ..ماوردتك عن قناعه ...
وانت مالك أمان .. ولاشريعه...
مااكذب من السراب إلا اتّباعه ...
ولا اصعب من الفراق إلا ..القطيعه

كلام في المستوى

أشكرك أخي العزيز ،هذا من طيب أخلاقك ،

الواقع يبقى هوا الواقع

من اي بلدة اخي

‏كثيرون يكرهون الحقيقة لكنهم يحبون من يلعب بعواطفهم ومشاعرهم، لذا يرفضون الواقع ويعيشون على أوهام ،،