لهفتي تشبه : شعور الابرياء
في ملامح طفل يخفي غلطته

جيتك بـ عفويتي ماهو رياء
حبك اصدق شي نفسي سوته

لا حل طيفي على بالك تراسلني
وان غاب طيفي .. تراسل واحدٍ ثاني

شهرين تنساني .. ويومين تذكرني
خلاص مابيك .. تذكرني و تنساني

عطيته اللي ماهقا به باله
وعطاني اللي ماهقابه بالي

عطيته الحب العفيف لحاله
وعطاني الحزن الرقيق لحالي

في ذمـتـي ما يجـرحك إلا الـغـدر
من صاحـبٍ يـشـبهه بعينـك دنيتـك

ياشينها لـ جـاكك خنجر بــ الظهر
من شخص غالي كان يسوى فرحتك

عايش حياتي رضا وعناد ومواجه
وان طال فيني فرح حنيت لاوجاعي

مااقدر اردّ البحـر وآغيّر امواجـه
لكني اقـدر اغيّر وجهة شراعي

سؤال ❗️
كيف خليت غصني ينتظر طيرك
وطيور غيرك : اليا جتني اطيرها

الوضع صاير ماش والنفس قشرا
وحنا تعبنا بين تلميح و وضوح

ياناس لو الحب والوصل يشرا
شريت حب اللي ملك مهجة الروح

لا تعاتب الغايب ولا تقول وش فيه
ولا تسيء الظـن حتى تشـوفه

من الغـلا إن غـاب عـنك تحاتيه
ومن الوفـآء أنك تقدّر ظـروفـه

الذيب يرثع في حلال المساكين
واليا أصبحو قامو .. يمدحونه

مثل الذي في رصيده ، ملايين
يهين بعض الناس..ويقدرونه

ودعتها عقب الغلا والموده
وراحت بستر الله يستر عليها

مهوب لا ودي ولاهوب وده
حكم الزمن غصب على وعليها.؟