سجل حظورك بأبيات من الشعر

مطنــــووخ واحب الرجال المطانيخ

هـات الـقـلـم واحـفـظ كلامــي يـتـاريــخ

وردد كـلامـي بـيـن تـاره وتــاره

مـطــنــوخ واحــب الـرجـال الـمـطـانـيــخ

وراع الــوقـار اقـدره مـن وقـــاره

والاّ انـت يـاراع الـركـاب الـمـنـاويــخ

أبــســـألـك ويـنك وويـن الصــداره

راع الخطـا يكـوى لسانـه مــن الصـيـخ

إلـيـن يـعـرف ويـش مـعـنـى الـحراره

وانـا خــوي اهــل الـيــديــن الـمـبـاذيــخ

أهــل الـكــرم واهـل الـوفـا والــنـعـاره

مـانـي خـــوي اهـــل الـدجــاج المـفـاريـخ

انـا خـوي اهـل الـهــجــن والـصــقــاره

إلــى اعـتـزوا نـرقـى الجـبـال الشـوامـيـخ

ونــشـن غـــاره وانــتــصـــدى لـغــــاره

نــارد عـلـى حـيـاض المنـايـا مصـالـيـخ

ألـنــصــر والا الــمـوت قــبـــل الـخــســاره

أجـســادنــا ضـد الـفــشــق والـصــواريــخ

وان مــات احــدنـــا يـبـتـســم فـحـتـضــاره......