سجل حظورك بأبيات من الشعر

سخن ياخويه

الصبح ماهو طلعت الشمس للكون
واليوم ماهو يوم لو مر دونك
تدري لو ان الامر بيدي وش يكون؟
تعلن صباح الناس طلة عيونك!

قبل الغياب .. أرجوك .. لا تَقْفِل الباب
خل الأمل بابه .. على إنسان مفتـوح


و .. لا تظن بغيابك أنا فاقد ،، أحباب
و الله أني .. في " غيبتك " .. فاقد الــ روح !

مكررة غيرها

التفكير مشتت هالليله مدري وش بلاه ههههه الظاهر جته الطنقره حقتك

انا انتقلت لاعلى من الطنقرة الى القفلة

مشتاق للمغرب وانا توني جاي
والله يصبرني على حر شوقي

من يوم قفينا وانا مثقل خطاي
ماكني أمشي كن هالأرض فوقي

ماعاد تطرب هاجسي نغمة الناي
ماغير طاري الحب يطرب طروقي

من فقد غالي ماخذ القلب برضاي
قفيت عنه وخافقي له يتوقي

والله ماني هاجره ساعة إقفاي
لكن تلزمني لغيره حقوقي

ودعته الله واللقا كل رجواي
يالله عسى ما شر عنه يعوقي

وأصبحت بعده وجهتي مع مصلاي
وجهي مغيب وعفت وجه الشروقي

أتخيله صاحي..وفي لحظة إغفاي
آشوف طيفٍ منه بالي يروقي

ياحبي ذكرك عن طعامي وعن ماي
ذكرك صبوحٍ لي وذكرك غبوقي

يا بهجة الدنيا ويا غاية مناي
ذوقي رفيعٍ وأنت عنوان ذوقي

يا وجد حالي يا عذابي وبلواي
يا جادلٍ عن كل جادل تفوقي

آموت لا من داعب شفاه بشفاي
واموت بأشياء ذكرها ما يلوقي

ما همني راي البشر دام لي راي
ما أتركه لو تنزف دماها عروقي

والشامت اللي شمت في جرة عواي
شامت بخدٍ جرحه دمع موقي

ليته تحقق وش ورا حرة بكاي
ليته من اللي ذقت قبله يذوقي

يمديه يدرك شي من أسباب شكواي
يمديه يدري إن المفارق صدوقي

يمديه يشهد لي على صدق دعواي
ثمٍ يردد ماضيات النطوقي

مشتاق للمغرب وانا توني جاي
والله يصبرني على حر شوقي