سجل حظورك بأبيات من الشعر

أخوياي مهما صار هم درع وحزام
واخذ مشورتهم .. ب حليّ وربطي

نوعن معودني .. على أبشر وقدام
ونوعن معودني ب والله لـ / تبطي.

خويكك ثم خويكك

كم حي مايسوى وجوده ولاشي
يضيق صدر الارض من ثقل دمه

وكم ميت(ن)يسوى وجوده مية حي
ميت ويخدم صـيتـه عـيـال عـمـه

صح لسانك ..

مصيري انسى الجروح اللي معي منك
يبغالي ايام لين انساك وانساها

قد كنت ما ارضى تجيني كلمةً عنك
ياكثر ناس(ن) على شانك خسرناها !!

«يقول من عدى على راس عالي

رجم طويل يدهله كل قرناس،

في راس مرجوم عسير المنالي

تلعب به الأرياح مع كل نسناس

في مهمه قفر من الناس خالي

يشتاق له من حس بالقلب هوجاس

قعدت في راسه وحيد لحالي

براس الطويل ملابقه تقل حراس

مندكر في مرقبي وش غدا لي

وصفقت بالكفين ياس على ياس

أخذت أعد أيامها والليالي

دنيا تقلب ما عرفنا لها قياس

كم فرقت بين غالي وغالي

لو شفت منها ربح ترجع للإفلاس

يقطعك دنيا ما لها أول وتالي

لو أضحكت للعين تقرع بالأجراس

المستريح اللي من العقل خالي

ما هو بلجات الهواجيس غطاس

ما هوب مثلي مشكلاته جلالي

ازريت اسجلهن بحبر وقرطاس

حملي ثقيل وشايله باحمالي

وأصبر على مر الليالي والاتعاس

لا خاب ظني بالرفيق الموالي

ما لي مشاريه على نايد الناس

لعل قصر ما يجيله ظلالي

ينهد من عالي مبانيه للساس"


هنا الكويت

اغليك و احبك بعد و اموت فيك
يا دنيتي يا احلى مفاهيم الغلا

ابيك و افهم ليا من قلت ابيك
يعني عشقتك انت من بـد الملا"

ㅤ ㅤㅤㅤㅤ
ياراسي اللي مسهره كم موضوع
الناس ناموا وأنت لازلت قاعد ؛؛

أصعب عليك النوم من حبة الكوع
وجفون عينك عن بعضها تباعد ؛؛

راحتك ليله والتعب طول الاسبوع
متى عن هموم الليالي تقاعد ؛؛

في كل ليله وأنت جايٍ بـ مشروع
وأشغلتني مابين نازل وصاعد ؛؛

وأيامنا ماهـي بـ دايم لنا طوع
ولاتوخذ الدنيا بشـد السـواعد ؛؛

ذكر الحيا متبوع والزين متبوع
مير الـبلا ان ظـروفنا ماتساعد ؛؛

نبني أمانينا على أفـراد وجمـوع
وما يثبت المبـنـى بليّا قـواعـد ؛؛

علّقت هقواتك على جذوع وفروع
ولاشفت لك بارق ولااوحيت راعد ؛؛

والفـزعه اللي مالها سـيـوف ودروع
تخلف لها هقوه وتخلف مواعد ؛؛

وان شـانت الأيـام ماشـانت طبوع
رجلٍ إلى حان اللـقـى ما تراعد ؛؛

لكن ياراسي ترى النوم ممنوع
لين الهـمـوم القـاربـات إتّـبـاعد ؛؛

فكّر عسى بالفكر تلقى لك نفوع
وأوقف الى شفت إزدحام المقاعد ؛؛

لو القلم عن عاقل الناس مرفوع
انباعت جلود الاوادم جـواعد ؛؛.

دنيا شقاها بين مسرا و مسراح
ولحدن تشوفه سالمن من غثاها
واللي مضى معاد يرجع ليا راح
والمقبله مدري وش اللي وراها

ليا نامو العربان يطرقني الهاجوس
أسامر نجوم الليل وحروف قيفاني

أغني على هجيني واغني على منكوس
ويطلع علي الصبح والنوم ماجاني

وصلك يخيط الصدر والبعد يفريه
ويابري حالي كان صديت برياه


ويلي على ادري حبنا ويش تاليه
وويلي على ادري وش ورى الغيب ويلاه


عشان اشوف اذا محبتك ترفيه
والله لاقفي عنك . استغفر الله

__________________