سجل حظورك بأبيات من الشعر

لعل مآ جابه الوقت مبروك
ولعل مآ قفى به الوقت خيره ."

على حالنا ما غير الوقت فينا شي
نعيش بكرامة نفس و نموت ما خنّا

ندور بياض الوجه يا أهل الضمير الحي
نعز الرفيق .. ولا يجيه الخطا منّا

أنا الغريب الصادق الطيّب .. الليّ :
ما عاد يستغرب .. من الناس حاجه !

المهره اللي شفتها قبل العصر صادفتها
معذور لو وصفتها وغنيت عذبات اللحون

بعيونها الموت الحمر والخد يشبه للقمر
والشعر ليل منثر واميل فوق المتون

رموشها مثل الجنود نظراتها تفتن وفود
دستورها اغرا اليهود هاموا ليدها يسلمون

اليا مشت فيها الدلع فيها الغنج فيها الولع
كن البدر منها طلع مدري سحر والا جنون

فيها الوصايف كلها من دقها لاجلها
يغار منها ظلها جمالها سحر العيون

ياويل منهو شافها قليل يلقى اوصافها
الزين كله لافها والناس منها يفغرون

العنق عنق لضبي والخصر ناحل مختبي
لوشافها ابليس يهبي ماتطالع اللي ينظرون

يا اهل الطرب غنوا لها بالشعر ثم ابدو لها
راع الردى مايطولها لو يكون اللي يكون

بنت الاصايل للاصيل لاهل الردايا ماتميل
ياسعد منهي له حليل ياللي لشعري تسمعون

انا اشهد انها مملكه من ماعجبها تهلكه
ياحظ قلبً تملكه ياكثر ناس يحسدون

بالزين محدنً قدها بالطيب توفي مدها
ابوالجمايل جدها لافعال ابوها يشهدون

اتبع هوى نفسي ولا اتبع هوى الناس
ماكل من يتبع هوى الناس عاقل ....

ودعتني تضحك وانا رحت مقهور
وكل يوم اقول اليوم يصحى ظميرك


ماني على تجديد الاحزان مجبور
بلقى مصيري وانت تلقى مصيرك


كنت الوحيد الي اراعيه بشعور
واليوم لا احبك ولا احب غيرك


انا اللي الشرهه علي وانت مشكور
هذا جزاي وكثر الله خيرك

ﺍﻟﻄﻴﺐ قصر .. ﻣﺎﻳﺸﻮﺑﻪ ﻋﺬﺍﺭﻳﺐ
ﻭﺍﻟﺘﺮﺑﻴﻪ ﻫﻲ ﺳﻮﺭ ﻗﺼﺮك ﻭﺳﺎﺳﻪ

ﻣﻦ لا ﺗﺮﺑﻰ ﻓﻲ ﺷﺒﺎﺑﻪ ﻋﻠﻰَ ﻃﻴﺐ
ﻣﺎهو بـ ﻣﺘﺮﺑﻲ .. ﻟﻴﺎ ﺷﺎﺏ ﺭﺍسه..!

أشـنع مـواقـيـف الـحـيـاه الـتـودد
في حاجةً ماهي تحدد مصيرك

وأصعب من ضروف الحياه التردد
في حاجة ً فيها تعلق ضميرك

اذا لم يكن صفو الوداد طبيعة
فلا خير في ود يجيء تكلفا
ولا خير في خل يخون خليله
ويلقاه من بعد المودة بالجفا
وينكر عيشا قد تقادم عهده
ويظهر سرا كان بالأمس قد خفا
سلام على الدنيا إذا لم يكن بها
صديق صدوق صادق الوعد منصفا


" في عيني اليمنى من الورد بستان .. وفي عيني اليسرى عجاج السنيني"

رجع يسأل عن أخباري بعد غيبة سنه وشهرين ،،
رجع شايل وجع صدره وقال أرجوك واسيني ،،

رجع كنه يحسبني سعيد بدنيتي أو زين ،،
واهو مـا يدري الدمعة لو تراخت تسليني ،،

دمع.هالوجه..كنه جمع في غيبته جرحين ،،
وأنا عيني بدت تدمع على حزنه وتبكيني ،،

يقول الدنيا خانتني وبعدك يا وله سكين ،،
ولا أحدن يا وله غيرك يقدرني ويراعيني ،،

حبيبي ضقت بغيابك حبيبي حيل أنا مسكين ،،
وأنا جيتك بهاليله وتكفـــــــــى لا تخليني ،،

وأنا لامن نطق تكفى عطيته لوطلب هالعين ،،
وأجود بكل ما يملك خفوقي وتملك إيديني ،،

وقلت: ابشر ولايهمك تدلل وش تبي يا زين ،،
تراني فدوه عيونك لو إنك جيت تشقيني ،،

حبيبي لو تبي القمره عطيتك فوقها ثنتين ،،
بعد لو تطلب النجمة ابنطق جيتك اضويني ،،

بعد هذا ضحك و..بعثرت همومه سلهم الرمشين ،،
وقـــــال الله يا الطيب وأنا ظنيت ناسيني ،،

صراحة حيل تحرجني يا طيب يا أطيب الغاليين ،،
ولا ادري كيف بوفيلك حبيبي وأنت تعطيني ،،

بعد هذا تسامرنا وتواعدنا بعد يومين ،،
ووصيته على قلبي وهو مثلي يوصيني ،،

تواعدنا على الجمعة ولا جاني إلى الاثنين ،،
ومر أسبوع والثاني وشوقي يشتعل فيني ،،

تصدق عاد يا السامع !! ولا جاني الين الحين ،،
وقبل تسأل عن أسبابه بجاوب وأنت واسيني ،،

لأنه مـــــــــات في حادث وأنا مت بغيابه لين ،،
عرفت إني كذا ببقى ولا احد يقوى يحييني ،،