اطلس مارينا بيش (وماتم ملاحظته)

والله يا غالي انا اول مرة اطلع المغرب
وطالعها مع صديق لي له اكثر من 15 سنة يرتاد المغرب و عارفها حتة حتة على قولتهم
لكن بعد هالكلام اللي قريته صراحة شيء يكدر الخاطر
يعني كل الدول العربية تتشابه في عملية النصب والاحتيال والشحتة بالطريقة القذرة هذه
ماعندي مشكلة في قيمة السكن و تهمني النظافة والخدمة لكن بحقي يعني انا دفعت لك في غرفة 1500 درهم اذا خلاص تخدمني وانت طيب ورجلك فوق رقبتك لاني دافع لك هالمبلغ يشمل هالخدمة وكل شيء
اما تاخرني وتستخبث وتعطلني عشان اعطيك بخشيش لا يفتح الله

انا من رواد مصر ورحلاتي لها تعدت الـ 50 رحلة
لفيت مصر بكاملها و سكنت فيها فترات طويلة
والله ثم والله ما عمري دفعت جنيه بخشيش لاحد الا بمزاجي و من طيب خاطر ، بدون ما يطلب
لكن اللي اشوفه يفكر يشحت ولا يعملي الخدمة اللي هي عمله اصلاً في الفندق او في اي مكان داخله بفلوسي والله وقتها لا يلوم الا نفسه
فاروح للمغرب واتعرض لمثل هذه الامور ايضاً وخصوصاً انها اول زيارة لي ؟ هذه مشكلة صراحة
انا عموماً رايح و حاجرب ولو واجهت هالتصرفات
غيرت الحجز ورجعت ثاني و كبرت دماغي تماماً لاني ماني ناوي انكد على نفسي في الرحلة واقلبها مضاربات
واقفل الباب من ناحية السفر للمغرب نهائياً لو واجهت مثل هالامور

اما اذا انك زي ما تقول هالفنادق اللي ذكرت انت مافيها هالاستغلال فانا ان شاءالله اني انزل فيها المهم الراحة و بدون المسخرة هذه حقة الاستغلال