بعد اول سفره لكازا قررت اشتري شقه

bnfll · 2011-02-19T17:57:30+00:00

ا[SIZE="6"][justify]اول رحله لي للمغرب كانت قبل15 سنه كنت اول مدمن سوريا ولبنان كدول عربيه واندونيسيا كشرق اسياء كنت اسمع عن المغرب بس ما جاء في بالي اني بروح لها بعد ما كثر الكلام عن المغرب وجمال المغرب قلت ياولد روح جرب منت خسران شيء قمت ادور ناس اعرفهم قد سافروا للمغرب إلا واحد من العيال ابوه رحمة الله عليه عنده فله في كازا قال ياولد وشرايك تروح للوالد هو هناك قلت ياخي شايب وجوه مو زي جونا قال ماعليك الوالد يعجبك وقد سافر معه مره وانه فري قلت خلاص كلمه كلم ابوه رحب الرجال وقال يجي ما عنده مشكله على طول حجزت من الخطوط المغربيه الي في الملز درجه اولى بعد ما سمعت ان الرحله تسع ساعات عشان الواحد ياخذ راحته في النوم طبعاً اول كانت رحلة الخطوط المغربية إقلاع الساعه الثانية فجراً وعلى طول من الرياض لكازا مباشرة مو زي الوقت هذا لازم تمر مصر وتنطق في الطياره ساعة ونصف من حسن الحظ ان الدرجه الاولى مافيها إلا اربعه اشخاص ركبوا معي من الرياض وعدد قليل من الي مسافرين للمغرب عن طريق الامارات المهم ونا رايح الدرجه الاولى ادور على المقعد حقي إلا ذاك الطير جالس جنب الدريشه الي هو مقعدي اساساً وقفت شوي اطالع فيها ابتسمت وقالت هذا المقعد حقك طبعاً هزيت راسي ونا فاق الابتسامه الي مدري وين رايحه قامت بتوخر وتجلس على كرسيها الي على الممر قلت لا عادي المهم شكرتني وجلست انا على الممر وقلبي يرجف وش اقول كيف افتح موضوع معها سحبت مجله وقعدت اقراء شوي ولا الباب يوم سكر اطالع ولا الكراسي الي قدامي صفين مافيها أحد قلت في نفسي يالليل ذلحين بتقوم وتجلس قدام بحكم انها فاضيه.[/justify][/SIZE] [CENTER][/CENTER]........يتبع........

bnfll

مزعوط ذهبي

المشاركات: 1,020

تاريخ التسجيل: Feb 2011

الدولة: الرياض ـــ السعودية

2011-02-23, 11:14 PM

المشاركه #1

شكرا على ملاحظاتك وبالنسبه لاكلامك عن الثانويه الي فيها --------- عادي ماعندي مشكله هذي حريه شخصيه تبغا تصادق هذا شي راجع لها هي وبعدين هذا منتدى مافيه خطوط حمراء واذا انتي مو عاجبك الي يطرح في المنتدى تقدري تلغي عضويتك وتريحي راسك

nadine

مزعوط نشيط

المشاركات: 104

تاريخ التسجيل: Feb 2011

2011-02-23, 11:31 PM

المشاركه #2

اقتباس:

المشاركة الأصلية كتبت بواسطة bnfll

شكرا على ملاحظاتك وبالنسبه لاكلامك عن الثانويه الي فيها بنات سعوديات عادي ماعندي مشكله هذي حريه شخصيه تبغا تصادق هذا شي راجع لها هي وبعدين هذا منتدى مافيه خطوط حمراء واذا انتي مو عاجبك الي يطرح في المنتدى تقدري تلغي عضويتك وتريحي راسك

كل انآآاء بما فيه ينضح

المواضيع المتشابهه للموضوع: بعد اول سفره لكازا قررت اشتري شقه
الموضوع	آخر مشاركة
بغيت اشتري شقة في الشمال المغربي	2018-05-06 09:22 PM
المختصر في اشتري شقة او استأجر كل ما نزلت	2017-04-11 02:00 PM
ابي اشتري شقة!!!	2014-05-02 01:08 AM
كيف احصل على اقامه في المغرب حتى اشتري سياره	2013-04-25 07:00 PM
المساعدة ابي اشتري سيارة بي ام دبليو 320 موديل 2009 بكازااا	2011-03-11 12:36 PM