الرحلة الشعلانية إلى المملكة المغربية - اكتوبر 2013

هلا بك والله ، مشكلة خطوط الخليج هي سالفة الترانزيت الممل ..

الخطوط القطرية مثلاً ، الرياض - الدوحة - كازا ... !!

الرحلة تصير طويلة مرة ومملة ، والترانزيت في الدوحة ممكن تسع أو 12 ساعة ..

بداية جميله اخي يزيد 000

قيمة المشوار من مطار كازا لاغادير تكسي كبير 2000 درهم وبعد شد وطراره يصير 2200 درهم

السياره اللي وصلتكم سعرها الف درهم باليوم اجار وبسواق بعد 00

هي الحياه تجارب ودروس 000

هلا بك مشرفنا العزيز ، لقيت تكاسي في الشارع توصلنا لأقادير بـ 1700 درهم ، لكنها سيارات كحيانة ومنتهية وقدرت إنها راح تكون متعبة في السفر ..

وأنت أبخص مني طبعاً ، لكني درت على أكثير من محل وسألت أكثر من مكتب ولقيت أسعارهم بالمتوسط الي ذكرته.

بداية مشوقه وانيقة

تقبل مروري

أشكر المشرف الذي ثبت الموضوع كرماً منه وتشجيعاً لي ، وإلا فإني أعلم علم اليقين بأن رحلتي لم ولن تقدم جديداً ، بل هي نتاج لخبرات الأعضاء المخضرمين ، الذين جعلوا رحلتي أجمل وأسهل ...

الأخوان فهد ومصطفى ، شكراً على والمتابعة والإطراء ..

أبو زياد و مزعوط كازا ..
شكراً لكما وابشرا بباقي التقرير ..

ولد الشرقية ومبلي تبويقة ..
ألف شكر ، وبالفعل يوم العودة كان يوم حزين إلى حد ما ..

وصلنا أقادير بعد ست ساعات من السفر ، وكانت بحلول الساعة الثامنة مساءً ..

استقبلونا فندق السوفيتيل بشكل حافل ..

حتى ما خلوني أوقف عند الرسبشن ، بل طلبوا مني الجلوس ، وهم جوا عندنا لتنفيذ الإجراءات ..

المهم ، قالوا في البداية ما فيه حجز ..

وبعدين قالوا ما لقينا إلا حجز غرفة وحدة ..

ويوم شفت الدعوة بدت تبربس ، قلت للموظقة لو سمحتي نادي المدير ..

قالت ليش؟ ماله داعي الموضوع بسيط ..

قلت معليش أبي أتكلم مع المدير ..

وبالفعل نادته وجا ، وسلم علينا ، ورحب فينا ، وقلت له يا أخي أنتم فندق محترم وسمعته عالمية ، وحنا اخترناه من بين مئات الفنادق في أقادير ..

عيب عليكم تصير هاللخبطة عندكم ، انا حجزت بالبوكنق ، وهذا رقم الحجز ، الشغلة مو كيميا ، إذا فيه غلط من عندكم فاعترفوا به وعالجوه ، مو تنكرون إن فيه حجز !

اعتذر لي الرجال ، وقال لحظات أشوف ..

وبالفعل شاف الجهاز ولقى اسمي واسم صاحبي ، وقال متأسفين صار لخبطة في كيت وكيت ، وقام يصرف ، قلت حصل خير ...

وهذي بعض الصور من الفندق ...




هذه صورة الشارع الذي يؤدي إلى الفندق وفنادق أخرى كقصر الورود وغيرها ..



هذا مدخل الفندق من الخارج ..





وهذا اللوبي حق الفندق ..




وهذي غرفتي


وكل ما نظفوا الغرفة ، يحطون أشكال جمالية زي كذا .. :)




وهذا الحمام الله يكرمكم ..


طبعاً لوبي الفندق جوه خيال ، فهو مكشوف ، وفيه خدمة قهوة وشيشة .. وجلسات كايفة ..
والشيشية ب 80 درهم ..
وفيه شي عندهم اسمه سيرو مدري زيرو وهو سائل من النعناع تحطه مع القهوة أو مع العصير مذاقه جميل جداً ..

ويوم الإثنين ينظمون برنامج سهرة يشمل عروض شعبية وفنية وفلكلورية وغنائية وعشاء بمبلغ 600 درهم لشخصين ، من الساعة الثامنة والنصف وحتى الساعة الحادية عشر والنصف وهذي بعض الصور :












والسوفيتل يمتلك أفضل إطلالة على المحيط ..

مثل شواطئ ميامي ،،

مطعم ومقهى وهذه بعض الصور :














أمواج المحيط تختلف عن أمواج البحر ..

للذك تبرز رياضة ركوب الأمواج في المحيطات ..

استأجرنا مدرب وألواح الركوب ب 300 درهم للشخص الواحد ..

ومارست رياضة ركوب الأمواج لأول مرة في حياتي ..

وكانت تجربة ممتعة ..

المياه كانت باردة نسبياً ، لكن مو لدرجة إنك ما تقدر تسبح ..

أما ضوء الشمس الدافئ كان كفيل بأنه يجعلك تسترخي وأنت مستلقي على الشاطئ ..

والجرسونات ما يقصرون في احضار ما تريده من لذيذ العصائر والمشروبات ..

وللحديث بقية ..

تقرير واعر بسيط غني بالمعلومات وسرد رائع عجبني فيك حجزك بالنت ريحت بالك من سماسرة السكن هناك واحلى شي انك بعدت عن اماديل وصحاري في انتظار بقية التقرير يا مزعوط