السلام عليكم والرحمه وبركاته
الجزء الاخير
التاريخ: 7 مارس 2014
حبيت انوهه ان هالمنتدى له افضال كثيره بنجاح سفرتي وذلك بسبب تجاوب اخواني الاعضاء واخص بالذكر اختي جوري واخوي روداني وكافة الاعضاء
نزلت موضوع عن المحطة اللي بنزل فيها وانا طالعه من مراكش الى الدار البيضاء.
اتوقع قيمه التذكرة للشخص 200 درهم مغربي على الدرجه الاولى
تذكرت البهدله اللي شفتها من كازا الى مراكش
وقررت اكلم السواق عن امكانيه توصيله لنا لكازا..بحكم انه ثقه
بعد ما انتهت سهره امس وفي طريقنا للفندق قتحت له الموضوع وقال لي ب 1200 درهم
قلت كثير ..حاولت معاه على ان يوصلني ب 1000 درهم رفض بحكم ان سيارته مكيفه
فاتفقت معاه ان عمه يمر علينا على الساعه 11 الصبح الفندق ياخذنا الى كازا وهو صاحب تاكسي كبير بقيمه 1000 درهم
كالمعتاد صحينا بدري..افطرنا وجهزنا الشنط
الساعه 11 الصبح اتصل فيني العم محمد حمل الشنط
طلبت منه اشتري ماي..اشترى لي ورفض ياخذ مبلغهم..
ووقفت عند صراف اصرف فلوس
ومن ثم انطلقنا الى كازا
صور من الطريق
وقفنا في محطة افريقا..للتزود بالماء البارد والعصاير البارده الجو الصبح حار عكس المسا باارد
صورة التاكسي
صورة المطعم في المحطة والمشتهره بالطاجين
مكان للعب الاطفال
وصلنا كازا بالسلامة..وتم التاكسي يسال عن مكان الفندق..وتاكسي كازا ما يساعدون
لفينا السبع لفات
تذكرت اني منزله برنامج sygic برنامج شبيه ل GPS
طلعت ورقه الحجز والحمد لله مكتوب فيها الاحداثيات..دخلت الاحداثيات..ومشى على وصفنا
وصلنا الفندق
الفندق: Novotel
تم الحجز عن طريق موقع بوكينغ
Booking.com: Novotel Casablanca City Center , الدار البيضاء, المغرب - 256 آراء النزلاء . احجز فندقك الآن!
سعر لليله الواحد شامل الافطار 113 يورو
وللامانه الموظفين متعاونين فيه لاقصى درجه
الريسبشن
غرفة للاطفال Kids Room
اللوبي
صعدنا لغرفتنا
الممر بين الغرف
الغرفة من الداخل
المني بار وهو فاضي وعلى اليسار باب الحمام عزكم الله
ريحنا في الفندق وما طلعنا..صاحبتي مرضت حمى
عرضت ادويها المستشفى ورفضت ..قالت برد الامارات وبروح المستشفى
على المسا..طلعنا نستكشف حول الفندق
الفنادق الملاصقه لفندق النوفيتيل هو ابيس ذو الثلاث نجوم ,والسوفيتيل ذو الخمس نجوم
صورة لابيس
منت مقرره اروح عين ذياب وماروكو مول..وسالت الموظف عند الباب سعر التاكسي فقال لي من 70 إلى 80 درهم
سالته ما يفتح العداد ..قال لي لا
قال في امكانج تستخدمين الترام ويبعد عن الفندق 5 دقائق مشي ..والترام جديد
بس صاحبتي جدا تعبانه
فقررت نتعشى في المطعم اللبناني بفندق السوفيتيل ونرد فندقنا عشان ترتاح
رحبت فينا الموظفة في المطعم اللبناني
صور مختلفه للمطعم
البار
المنيو
المقبلات..لذيذه
وصل الاكل وهجوم...لذيذ
طريقه اعدادهم للاكل المغربي تختلف عن اللي عندنا
الحمدلله على النعمه
طلعنا من المطعم
الفندق راقي..ندمت اني ما حجزت فه
الضيافه اول ما تدخل الفندق
جميله هالصوره
صحينا الفجر للصلاه.
وهذي صور الشروق
نزلنا بدري عشان نفطر قبل زحمه الاجانب..بس الاجانب مسابقينا
وفيه الكثير من الوفود
سوينا تشك اوت,,,واتفقت مع الموظف بان يلقى لي تاكسي يوصلنا المطار ب 250 درهم فقط
صاحب التاكسي طيرنا والسواقه في كازا مخيفه..سياره تدخل على 10 سيارات
المهم وصلنا المطار وعطيته 300 درهم وقلت له رجع 50 درهم
سوا لي فلم هندي..وانتوا جذي العرب ما تدفعون
قلت له انا اتفقت معاك على 250 وانت رضيت
سلمنا باقي الفلوس ههههه وهو معصب
اسلتمنا حمالي..واتفقت معاه على 20 درهم..رضى
دخل الشنط على حزام التفتيش عند البوابه الرئيسيه..قلت له يللا ادخل عشان تشيل شنطي
ما دخله الشرطي لانه غير معتمد
طالب فلوسه!!!
قلت له تلعب علي ادخل ووصلهم لفوق عند البوردينغ
ما دخل..شلت شنطي بنفسي وماعطيته فلوس
وايد في بداخل المطار يعرضون خدامتهم...سو لهم اكبر طااااف
قبل ما ندخل داخل في مفتشين من الجمارك
الحمد لله من حظي ان الموظف قال لي طوفي بدون ما يفتش او يفتح اغراضي..كنت احاتي هالنقطه
وفي سيده يمه تفتح الشنط وتقلبها فوق تحت
الحمدلله والشكر
وصلنا لمنطقة البوردينغ..ووعبينا الكروت ..
كلمني المسؤول عن حظنا حلو لان الطياره تأخرت بس ساعتين
وقبلها بيوم اتصلوا فينا الاتحاد وعطونا الوقت اللي بتطير فيه الطياره بعد التاخير ووصلنا بعد عن طريق الايميل
الموظفه شكلها يديده ووزنت شنتطتين بس..ومن كثر المسافرين قلت لها عندي بعد شنطه ثالثه وكسيه حطيتها على الوزن..ومشيت بدون ما تحسب علي اي وزن زياده..مع ان شخص كويتي راح يدفع الوزن الزايد ورجع يعطيهم الورقه عشان يدخلون باقي الشنط
المطار حاصل على شهادة الايزو
الصاله الداخليه
وصلت طيارتنا
طرنا بالوقت المحدد بعد التغيير..والحمد لله وصلنا ابوظبي بالسلامة
وبجذي خلص تقريري
اتمنى ان نال اعجابكم
تحياتي لكم
2014-04-29, 07:11 PM
العرض المتطور
الدرهم المغربي مقابل عملات الخليج