مقتطفات

سر ياقلم مالي على الصبر طاقه
صبري تعدى الحد ماعاد ينطاق
أكتب لمثلي قصته واشتياقه
في خطك الواضح على بيض الأوراق
قصة حزين صافي المر ذاقه
الياذكرماصار له خاطره ضاق
باقو به الأصحاب والوقت باقه
وصار الضحيه بين بايق وبواق
يمشي وهو ماحس في كسر ساقه
امسى على ساقين واصبح على ساق
هذي سواة الوقت شين اصطفاقه
الوقت لو يصفى لك ايام دراق
الله خلق خلق تحب اللباقه
كما خلق له خلقٍ ما عندها اخلاق
احدٍ يعيش بخير واحدٍ بفاقه
واحدٍ يعيق ايام وايام ينعاق
واحدٍ معه حكمه وصبر ورواقه
سبحان منهو للمخاليق خلاق
لكن يامن معك عقل ولباقه
ابنشدك كانك للأمثال تشتاق
صادق رجال يعرفون الصداقه
يقفون صفك يوم يبسات الأرياق
ومن يرغب فراقك فعجل فراقه
جاز الذي يجزيك أفراق بفراق
تعلم التعشيق قبل السواقه
لاتحسبنك بالدركسون سواق
ورزقك يجيك دون تحضر بطاقه
وعند الله المعبود تقسيم الارزاق
يقوله اللي جاير الوقت عاقه
ولازال في غيبوبة الهم مافاق

عبدالله باتل

__________________
لاتسمع كل ما يقال ولا تقول كل ما تسمع.

صح لسانك

'' صافحي الورد إذا مررتِ بهِ
فَصلةُ الأرحامِ واجبُ ،،

انا طفران لماذا ؟

خلك بحر ماتعرف الناس سره
لوهاج موجه غبته تستر السر
وحكم بعقلك كل كلمه تمره
لاينطق لسانك على كل مامر
للصمت وقت وكلمة الحق مره
كم كلمة جابت لمن قالها شر
لاتشيل في قلبك من الكبر ذره
من يحقر العالم يجي يوم يحقر
واعجابك بنفسك تراها مضره
مهما تسوي طيب حذراك تغتر
شف الجدي اوضح نجم بالمجره
على افترار الارض ماعمره افتر
والبوم له مخلاب بس مايسره
ماكل مخلاب مثل مخلب الحر
ترى الرجال افعال والعمر مره
اظهر بفعل يطلق الوجه ويسر

كلن ووجهة رايه والشي اللي يناسبه
بس بالعكس انا مع~ خلك واضح وصريح وتعامل بشخصيتك الحقيقيه ووجهك الحقيقي بايجابياته وسلبياته ... واللي عجبه يا هلا ومسهلا واللي ما عجبه يا الله مع الف سلامه ونشدو له الطاكسي بعد
والعمر مره ...

__________________
سأظل أتنفس الأمل والتفاؤل وأضيء الكون بابتسامتي رغم كل شيء

صح لسانك ههههههههه .

__________________
لاتسمع كل ما يقال ولا تقول كل ما تسمع.

صح بدنك وكلك يا الغالي
خذ رشوة اني كتبت بصفحتك ههههههههههههههه

__________________
سأظل أتنفس الأمل والتفاؤل وأضيء الكون بابتسامتي رغم كل شيء

تنورين الصفحه باي وقت ياغاليه

__________________
لاتسمع كل ما يقال ولا تقول كل ما تسمع.

مافي احلا من شعب المغرب . رغم كل الهموم والمشاكل شعب طيب