ابي نصيحه منكم

ابي فندق ممتاز في كازا حق ٣ ليال وش تنصحني فيه

فال دي أنفا club val de anfa

ارشح لك بستاناعلى شاطى عين ذياب مطل على البحر جنب مول انفا بلس ومقابل قصر الملك عبدالله رحمه الله روعه جدا جدا انا لم اسكن فيه ولكن في زيارتي الاخيره في ابريل زرت صديق فيه واعجبني تحياتي لك ..

فندق غراي بكازا وابعد عن فال انفا كلوب صح موقعه حلو بس استغلالي وغرفه مو قد كذا
غراي نظامه سويتات مافي غرف وفندق مزبوط والسبا فيه خيالي حمام مغربي ومساج محترم مافي نص كم

اسمه بالانقليزي

Gray

كازا يمدحونها ليا بس اسعار تذاكر صارت نفس بعض يعني احجز ع اغادير نفس قيمه لكازا
واليوم بحسم حجز وبتوكل وبقرر لاكن سكن
احجز عن كريق البوكنق ولا في موقع افضل منه عشان الاسعار وضرايب وابي سعر مناسب

لك رساله على الخاص

وانا مالي رسالة

اخوي وافي السبيعي
انا سافرت 10 شعبان وصلت المطار مرتب حجزي للسيارة استلمت السيارة وكل شي واخذت شريحة النت من المطار ومسكت خط اغادير عشان تشتري دماغك من نقاط التفتيش خلك نظامي 100 بالميه السرعه 60 خلك 60 السرعه 100 خلك 100 وحزام الامان لا تفكه ابد واذا معك شي من السوق الحره حطه بالشنطه من المطار عشان لا يتلبش فيك شو هذا حرام شو وشو عشان 300 درهم في الاخر حطه في الشنطه واشتري دماغك طال عمرك الخط كان من كازا الى اغادير 3 ساعات وشي وصلنا واحد مرتب لنا حجز في المارينا بس في الشقق مو في الفندق مستوى الاثاث متوسط اخذنا غرفتين وصاله 2100 الميزة اللي فيها ضيوفك يدخلو بأي وقت عط بس الحارس 100 درهم اللي عند العمارة وانتهى موضوعك عكس الفندق اللي في المارينا محدد وقت الدخول والخروج ويسجلو الضيف عند كل مره دخول والافضل اللي اشوفه انا انك تروح هناك وتحجز راح تجيب سعر افضل من اللي في بوكينج وتحياتي لك

بخصوص مراكش جميلة سعر الشقق فيها غرفتين وصالة من 1000 درهم الى 1600 وشي نظيف صراحه سكنت فيه ضبطها لنا واحد الله يجزاه خير واي استفسار تأمر ي الامير