همساااات صقر الجنوب

الجوّ ملهِم .. و السّما تمتلي غيم
و آشوف نجمتها تناجي قمرها

و آصدّ عن كلّ المخاليق و آهيم
و اتأمّل غْيومٍ يسولف عطِرها

هذا المسا مَسكونْ مَسكونْ يا الريم
بـــ اشيا كثيره متعِبه في حصِرها

الناس و الهوجاس .. و افكار تنجيم !
و استغفر الله و الذنوب و عذِرها

القيد و الخِذلان .. رفضي لــِـ تحريم
إحساس حــوّا .. و حرْفها معْ فكِرها

الخوف و الحِرمان .. شوقي لــْ تقاسيم
ذِكرى رمتني بين مدْها و جزِرها

الاسئله و البرْد .. رغبات ترميم
روحٍ كسرْها الوقت .. يا كم كسرها !

و احلامي اللي صدّقت كذبة الديم
و اشياء أخرى ما أروم أختصِرها

و العين تتحامل بلا أيّ تسليم
لـــ الدمعه اللي تحتِبس في نظَرها

و تْناست السين الذي ما لقى جيم
غضّتْ عن اوجاعِ الليالي بصَرها

و الرّوح لاذتْ بـ انعتاقٍ و تكميم
لـــ افواهِ ذاكرْةٍ لِسَعني جمِرها

يا الذاكره عفواً .. بليّا مَراسيم
لــ الحزْن .. خلّي الروح تزرع زهرها

يا الذاكره عفواً .. و خلّيني آهيم
و اتأمّل غْيومٍ يسبِّح مطَرها

__________________

بعض الأحبة إن شفتهم ترجع بي الذّكرى وَرا
في عْيونهم قد صافحتْ عيني السّنينِ الماضيه


ضِحكاتهم ترنيمةٍ ما تنّسي مهما جرى
ألطف مِن ألطف نسمةٍ في الرّوحْ هبّت حانيه


و وْجوههم .. كالدفترِ المَفتوح .. سهْلٍ تنقرا
من صفحةٍ لي صفحةٍ تلقى النوايا صافيه


أصحاب " أيام الصِّبا و اليوم و الآتي " وْ ترى
قد ريت فيهم من نقا مْياه العيونِ الجاريه

__________________

‏“إبتسم حتى ولو تقسى آلظروف
من سحاب الكون ما ضاقت سما

كم كفيفً قلبه ...المبصر يشوف
و كم بصيرً قلبه آلميّت ، ،،عمى”

‏ليت القلوب تكون مثل الاسامي
تبقى ولو طـال الزمــن ما تــغير

‏آمنت.
أن الوفآطبع القلوب الأصيله
وأن لونك بيغلبك
مهمآ تلونت
إلا أنت
يلي خوُنتك مستحيله
كنت أعتقدلوخآنوالنآس
مآخنت

‏بحساسك انت كل عمري شريته
واللي جمعنا حب غالي لغالي
حبٍ يفوق الوصف مهما عرفته
لو اوصفه وصفه يفوق الخيالي

صح لسانك
تسلم ايدك على الاهداء الجميل
دمت بود وصحه

‏لآصرت متعافي وطيب ومستور
غيرگ تمنى العآفيه والستيره

العآفيه تسوى ملآيين وقصور
يعرف ثمنهآ من يلآزم سريره.

ياكثر ما حنيت لك
وغنّيت لك
إشتقت لك !!
والشوق لا ما يقتلك
مات الأمل
في : هاللقا !
ورضيت
أعيش بهالشقا
بنموت:
ماشفنا بعض
روح ، ولله البقى !

‏خذ دفترك :
و كل ذكرى تكسرك !
و أكتب هروبك فـ القصيد
و أحذر تقول إنك وحيد
فضفض و لكن بـ إختصار
و غيب و أنسى عسى جرحك يطيب