عقد من الزمان...أغرب من الخيال

أفرحني كلامك العذب والجميل أيها النبيل الصادق
شكرا لتواجدك ومتابعتك لي
تحياتي الحاره لك

الجزء الرابع عشر:
اليوم الرابع:-
2016/9/6
بعد أنقضاء سهره جميله في ليله الامس صحيت من النوم الساعه العاشره صباحا وكلي نشاط وحيويه ألتفت على نسيمه ألقاها نايمه في سبات عميق خليتها تكمل نومتها رحت الصاله واتصل على السواق وكان الحوار:
انا: صباح الخير
السواق: صباح النور
انا: كيفك
السواق: بخير كداير خويا
انا: الحمد لله لاباس وينك
السواق: ههههه تعلمت مغربي قريب تحب اجيك الحين
انا: ميت جوع ابي فطور دسم وتعال لاتطول
السواق: كون هاني خويا
انتهى
رحت تروشت ترويشه بطله والبس واتعطر وفتحت الثلاجه اشوف وش فيها خذيت عصير واروح الصاله شربت شوي من العصير مع قطعه حلا واولع سيجاره لابدا بالبرمجه وجالس اقول بعد ساعتين بينتهي ايجار الشقه هل اطلع منها واروح اغادير ولا اكمل جلستي في مراكش وبعد تفكير قلت لسى مراكش مااخذت كفايتي منها ولازرت اغلب الاماكن السياحيه اللي فيها فخليني ازيدها واجلس يومين زياده وبعدها اقرر.
مسكت جوالي ادخل على الواتس رديت على بعض الكلام اللي جاني وتجاهلت بعضه من أرقام غريبه بعد ربع ساعه يدق الباب وأفتحه ويدخل السواق ومعاه الفطور حطينا الاكل رحت الغرفه:
انا: قربت من نسيمه وقلت لها يالله قومي أفطري جاء الفطور
نسيمه: مو جوعانه حبي وفيني نوم
انا: اوكي
خليتها على راحتها تكمل نومها وجلست اتكلم مع السواق طبعا السواق صار خويي والمستشار التقني والسياحي :
السواق: وش قررت تكمل في مراكش ولا تغير المدينه
انا: لا بجلس فيها زياده يومين بعدها أقرر
السواق: عجبتك مراكش هههه
انا: كنظره مبدئيه مدينه حلوه وجميله ولسى باقي مااحس اخذت كفايتي منها
السواق:طيب الحين كيف بيكون الوضع على الشقه
انا: دقيقه اصبر خليني اتصل على المندوب واشوفه وش صار عليه هل لقى لي شقه ولا باقي
اتصلت على المندوب وكان الحوار:
انا: السلام عليكم
المندوب: وعليكم السلام
انا: لقيت شقه ولا باقي
المندوب: اي موجوده في حي جيليز وقريبه من كل شي بتعجبك وحلوه الشقه
انا: الشقه امان
المندوب: اي اكيد
انا: اوكي شوي ونرتب اغراضنا ونروح الشقه بعطيك اللي معاي واوصفله مكان الشقه
انتهى
جلسنا شوي نتكلم انا السواق ويقولي وش راح تسوي الليله قلتله خليها بظروفها وبعدها بدقايق صحت نسيمه اخذت شور وجت الصاله شربت عصير وقلت لها نسيمه شوي وبنطلع من الشقه رتبي اغراضك قالت اوكي بعدها رتبنا اغراضنا وشيكنا على الشقه فيها شي نسينا شي امورنا في السليم عطيت نسيمه مبلغ500 درهم قلت خليها معك نزلنا سلمنا المفتاح للعساس سلم علينا وودعنا ركبت السياره مع محمد ويسالني:
السواق ؛ كيف نسيمه معاك
انا: كويسه البنت ليه
السواق: طلبت منك فلوس
انا : لا ليه
السواق: غريبه مو متعود اشوف هالشي في العاده يطلبوا فلوس بس الصراحه من اول يوم شفتها وحسيت انها محترمه ومو مثل باقي البنات
انا: اصابع ايدك مو سوا
السواق: صحيح
انتهى
طبعا لما نزلنا تحت وقفنا تاكسي لنسيمه وخلينا التاكسي يلحق ورانا وصلنا العماره قابلنا المندوب كنا مواعدينه طلعنا الشقه فوق شفتها عجبتني احلى واشرح من الشقه اللي قبلها .
انا: بكم سعرها
المندوب: كم يوم تبيها
انا: مبدئيا يومين
المندوب: 1500درهم يومين
عطيته المبلغ واكراميه لحسن تعامله وقالي اذا محتاج اي شي كلمني قلتله مشكور وتوادعنا .
جلسنا بالصاله انا ونسيمه والسواق لنبدا مشاريعنا فكان اول مشروع لي اخذ حمام مغربي سالت السواق قلتله تعرف حمام مغربي قالي اي بوديك حمام ممتاز انا اروحله قلتله تم أستاذنت من نسيمه لذهابي الى الحمام المغربي وهي قالت انها بتكمل نوم الين ماارجع طلعنا انا والسواق رحنا الحمام المغربي وداني حمام شعبي اول مادخلنا انا والسواق اخذنا صابون مع شويه اغراض ماكلفنا حتى 100 درهم صراحه لما دخلت كنت مبسوط لاني حاس بيكون الشغل بذمه وضمير والله واقول للسواق وين الكسال ويجيبه لي واشوف يده قلت بس هذا المطلوب وهاتك تفريك وتمغيط حسيت انه طلع مني غبار السنين مخلص الكسال بعد ماخلصنا اكرمت الكسال لاخلاصه في العمل وطلعت من الحمام وانا مبسوط على الاخر حسيت هموم كثيره انزاحت مني بعدها نمر مقهى ونتقهوى وبعدها وينك يالمطعم فيني جوع رهيب قلت للسواق يلا نرجع الشقه عشان ناخذ نسيمه ونطلع نتغدى وقتها اتصل على نسيمه وترد علي قلت لها:
انا: مساء الخير
نسيمه: مساء الورد
انا: متى صحيتي
نسيمه: قبل شوي
انا: طيب تجهزي دقايق واحنا عندك
نسيمه: وين بنروح
انا: بنروح نتغدى في مطعم
نسيمه: اي احس اني جوعانه
انا: حلو اول مااتصل انزلي تحت
نسيمه: اوكي
انتهى
قلت للسواق ابي اليوم نتغدا غداء مغربي ويكون حلو ومطعم جميل قالي واخا بوديك مطعم يتقن اكله اسمها طنجيه مراكشيه قلتله تم قبل لااوصل الشقه بدقيقتين اتصل على نسيمه واقولها انزلي نزلت ركبت تاكسي ولحقت ورانا وصلنا المطعم طلبنا طنجيه مراكشيه مع اكله اتوقع اسمها زعلوك ومقبلات وكولا وهاتك ياضرب وش هالاكله الخطيره لذيذه جدا كل ماابي اوقف مااقدر ارجع اكمل الين ماخلاص حسيت اني مااقدر اقوم جتني دوخه وبعد ماخلصنا الحمد لله على النعمه والاكل الطيب الذيذ شكرت السواق على حسن اختياره للمطعم وتوجهنا بعدها للشقه واول مادخلنا وينك يالاتاي وتضبط لنا نسيمه اتاي ومع زقاره واحلى روقان ومخمخه عشان نكمل مشاريعنا ورانا يوم حافل من المغامرات والاكشن.
يتبع

حسب معلوماتي الاستخباريه نسبمه يوم صورت اوراقك تبي تسجل البنت باسمك ههههههههه

كلامك هذا يابو فالح أنا هز كياني فكيف أخي محمد الذي يجب عليه التأكد قطعيا بأن نسيمه مسحت كافة صور الوثائق
هذا كلام تشكر عليه يابو فالح أن نبهت محمد له وهو بالمقابل كلام خطير لابد أن يأخذ محمل الجد وهذا والله ليس تخويف لصديقنا محمد بل من حبنا له وحرصنا عليه
تحياتي

الله يجزاك خير كان هدفها أبعد من كذا وبتعرفه من خلال الاجزاء القادمه

من خلال كلامها أن البنت ان الدوله اختارت لها اسم

الله يستر ابعد من كذا بعد
شوقتنا المهم لا تبطي علينا
نبي جزء مطول الليله

ولايهمك ياابو فالح ابشر

أحس هالتقرير اصدق تقرير من بين المتواجدين حاليا

أشكر كلامك الرائع والاخوان مثل أشرف وخالد وولد الهواشم فيهم الخير والبركه والكثير غيرهم مما استفدنا منهم