عقد من الزمان...أغرب من الخيال

ولايهمك ياابو فالح ابشر

تقبل تحياتي ومرورك الكريم اخ بيضاوي

أشكر كلامك الرائع والاخوان مثل أشرف وخالد وولد الهواشم فيهم الخير والبركه والكثير غيرهم مما استفدنا منهم

مرورك الكريم الاروع واسعدني تواجدك ذكرتني بمطار الدوحه وانا كنت في قمه سعادتي يامحلاها من ايام

ان شاء الله دوم تكون رايق ومزاجك يكون عال العال
عفوا لك وتحياتي لك

شربنا الاتاي وجلسنا نتكلم انا ونسيمه والسواق كيف نقضي باقي اليوم كل واحد يقترح شئ ويجيهم رد مني وكان هو الفاصل والقاطع خلوها تجي مثل ماتجي بدون مخططات لتتم موافقه الجميع جلسنا مابين الضحك وبعض التعليقات المضحكه ويجيني اتصال من عبدالعزيز أستغربت وكان الحوار كالتالي:
عبدالعزيز: السلام عليكم
انا: وعليكم السلام
عبدالعزيز: بشر يالذيب كيف امورك عساها طيبه
انا: الحمد لله كل شي بخير وانت
عبدالعزيز : الاوضاع حلوه واحسن مماتتخيلها
انا: عساه دوم
عبدالعزيز: وياك... محمد ابي اكلمك في موضوع ومنحرج منك والله
وقتها انا استاذنت من نسيمه والسواق ودخلت الغرفه
انا: ابد قول وخذ راحتك بالكلام
عبدالعزيز: والله ماني عارف كيف اقولك
انا: يارجل انا مثل اخوك قول وش فيك
عبدالعزيز: محتاج مبلغ 5000 درهم منك وانا كلمت اخوي يحولي بس توصل الحواله ارجعها لك
انا: يارجل خوفتني بس كذا اعتبر موضوعك منتهي
عبدالعزيز: بيض الله وجهك والله انك كفو
انا: ووجهك ابيض ماسوينا شئ انا الحين بالشقه بس ابدل واطلع وادق عليك نتقابل
عبدالعزيز: اوكي يابو حميد
انتهى
رجعت الصاله قلت لنسيمه بطلع بعد شوي عندي كم شغله بخلصها وارجع واقول للسواق تجهز عشر دقايق واحنا طالعين قالت نسيمه وين بتروح قلت لها بروح ارتب امور الليله قالت طيب دخلت الحمام ترويشه سريعه بدلت لبست شي خفيف وتعطرت واقول للسواق يالله مشينا واول ماركبت السياره يجيني اتصال من عبدالعزيز وكان الحوار:
عبدالعزيز: ابو حميد
انا: هلا
عبدالعزيز: أبشرك الامور طيبه وانحلت الامور
انا: اسالك بالله تتكلم جد
عبدالعزيز: اي والله بيض الله وجهك وماقصرت تسلم يالذيب
انا: ابد ماسوينا شى حق وواجب
عبدالعزيز: وين راح تسهر اليوم
انا: لسى ماقررت
عبدالعزيز: جهز نفسك تعال انت ومن يعز عليك السهره بتكون اليوم في w
انا: تسلم ماتقصر خلها بظروفها
عبدالعزيز: ضروري تجي
انا: عبدالعزيز مايحتاج لاتخلي الوضع بينا رسميات خلها تجي مثل ماتجي
عبدالعزيز: طيب اللي تشوفه انتبه على نفسك واذا محتاج اي شي كلمني
انا: ماابي الا سلامتك ومشكور ماقصرت
عبدالعزيز: اشوفك على خير
انا: بحفظ الرحمن
انتهى
قلت للسواق مر على كوفي خلنا نتقهوى رحنا كوفي في جيليز ماني عارف اسمه بس حلو فيه جلسات خارجيه والكوفي المظلات اللي فيه لونها احمر تقهوينا انا والسواق ضحك وسوالف بعد ماخلصنا قلتله خذ فيني جوله على مراكش لف فيني وجلست اتامل العالم اللي يضحك هو وصاحبه واللي ماشي مع صديقته وعوائل مع بعضها وناس تضحك وناس حزينه على ايامها وسنينها بس اتامل واللي جالس بكوفي لوحده والشوارع مزدحمه والي بالسياره رافع صوت المسجل وبنات يمشون مع بعض يمزحون ويضحكون كنت مستمع بعدها اتخذت قرار ان اليوم راح تكون ثاني سهرات في مراكش الحمراء بديسكو كاش واقول للسواق روح كاش خلنا نحجز وصلنا كاش دخلت قسم الحجز لقيت فتاه شابه قلت لها ابي طاوله وبمساعده البودي قارد والسواق اخترنا طاوله خلف البست وموقعها حلو وكل شي مكشوف امامي وسالت عن سعرها قالت1800 درهم دفعت وطلعت وركبنا السياره وكان السواق وقتها مبسوط ويضحك كانه هو اللي بيسهر مو انا وحسيت انه يبي يسهر بس مستحي يقولي قلت والله مااخليها بخاطره واحنا ماشيين بالطريق قلتله:
انا: تجهز اليوم بنسهر مع بعض
السواق: كان مبسوط ويبتسم قالي ماودي اضايقك واحرجك
انا: يارجال ضبط امورك الليله وخلنا ننبسط مع بعض
السواق: مشكور خويا
انا: ماسوينا شي
انتهى
واحنا بالطريق اتصلت على نسيمه تبين شي ناقصك شي محتاجه شي قالت ماابي الا سلامتك بس اجي قلت لها مسافه الطريق وانا عندك وصلت الشقه دخلت قلت لها اليوم بنسهر في كاش ضبطي امورك عطيتها 1000 درهم تروح الصالون وتاخذ لها كم غرض قالت بطلع الحين عشان مافي وقت قلت بحفظ الله جلست بالصاله متمدد اقلب بالجوال شوي وكان السواق جنبي قلتله يالله خلنا نطلع نحرك رجولنا شوي تماشينا بالاماكن القريبه مننا بعدها رجعنا الشقه واتصل على نسيمه وينك قالت شوي واجي عطيت محمد 500 درهم يجيب عشاء خفيف ويعبي بنزين راح جلست لوحدي رحت غرفه النوم طلعت لي بدله السهر اخذت مبلغ لاباس به معاي حطيتها في المحفظه انتظرت نسيمه وصلت واقول لها وش هالزين وش الحلاوه لا لا متاكده انك نسيمه ولا وحده ثانيه جلست تضحك وتقول وحق الله مسطي استاذنت منها اخذ دش طولت وانا اتروش دخلت جو مع الترويشه كنت متحمس واطلع وابخبخ من معطرات الجسم واحلى تبديله واتعطر واروح الصاله ودقايق بس يجي السواق ومعاه العشاء الخفيف واقول للسواق الله الله وش هالكشخه و هالحركات طلعت خطير جلس يضحك يقول مو مثلك انت احلى قلتله يالله خلنا نتعشى تعشينا ويالله هوبا على كاش نزلنا مع بعض راحت نسيمه مع التاكسي واحنا بالطريق شغلنا اغاني وكنا مبسوطين وصلنا كاش ودخلنا وجلسنا على الطاوله نزلت المشاريب جلسنا نمزمز وشوي شوي ندخل بالاجواء الدي جي خطير وعجبني وبدينا نرفع شوي شوي وضحك وكذا ويقوم السواق يرقص وانا ونسيمه ضحك عليه كان رقصه تحفه ويتكلم خليجي مع البنات وعايش الجو انه سعودي واحنا ضحك طبعا اول مره اشوفه مرفع طبعا نسيمه مجرد مشاهده ماتسوي شي وفجاه جيت برفع الكاس والقى جنبي كاس غريب والتفت على نسيمه وكان الحوار:
انا: كاس مين هذا
نسيمه: لي
انا: اسحب منها الكاس ليه شربتي وكيف ومتى طلبتي وانا مدري
نسيمه: بليز محمد خليني اشرب مره مبسوطه والجو عجبني
طبعا وقتها انا تنرفزت لاني ماابي اكون السبب في رجوعها للشراب قلت لها لا مافي وكلمه مني وكلمه منها مع بعض الاحتكاك بالخدود وابتسامه غنج ودلع ونظرات جذابه بالنهايه انتصرت علي وحضنتني رجعنا لجونا ويجي السواق وهو مرفع ويقولي انت مثل خويا اهم شي انت مبسوط وانا اضحك اقوله مبسوط ويرجع يكمل رقص ونسيمه بدات تزيد بالعصير كاس ورا كاس ورا كاس والسهره ولعت والناس في قمه الانتعاش والشباب رقص وبسط والبنات اانواع الرقص الاغرائي مع نظرات منهم استباقيه عشان تضمن فيرستها الليله والكل عايش جوه وقامت نسيمه ترقص عندي على الطاوله بكامل اناقتها وجمالها ومعظم الحاضرين انظارهم موجهه الي دقايق وجلست تقولي جوي حلو حبي قلت هذا المطلوب اانبسطي قد ماتقدري وفجاه وعلى نهايه السهره وبدون سابق انذار اشوف مجموعه من البوديقارديه شايلين واحد ورافعيه ومسرعين بيطلعونه مع الباب ماركزت بالشخص لانه ضاع بينهم وماكان واضح وتقولي نسيمه محمد شوف اللي طلعوه السواق انا وش تقولي من جدك نسيمه والله السواق واقول لنسيمه خلك لاتتحركي بجيك واسحب الكرسي واطلع وراهم على طول وكان السواق مره مضيع ومرفع وسب وشتم والرد من البوديقارديه بالسب والشتم وانا امسك السواق بقوه بيدي واهديه اقوله بس اهداء ويزيد يرفع صوته عليهم وهم ماسكينه واقولهم نزلوا يدكم منه الحين واثبته اقوله اسكت ولا كلمه اهدا اروح عند المسوول عليهم وش فيكم وش صار وش سوا الرجال قالي لما كان يرقص اشتكوا عليه البنات واقوله ليه قالي يحتك فيهم بجسمه انا اها اوكي ماصار شي واتصل على نسيمه اقولها بسرعه انزلي الحين وهالسواق مرفع مره فل يقولي محمد خويا امانه روح كمل سهرتك وانا بنتظر قلتله خلاص بنمشي وجلس يحب راسي ويحاول فيني اكمل ويعتذر مني قلتله ماصار شي اصلا السهره انتهت ونزلت نسيمه وتقول وش في وش صار قلت لها بعدين اقولك طبعا بهالوقت وانا مع السواق ونسيمه بدوا يطلعوا العالم وتجي بنت تحاول تتحرش فيني وتكلمني ماارديت عليها ماسكه جوالها وتاشرلي وهي جنبي تبي رقمي وانا ماكاني اشوف احد قلت يالله وش هالورطه اللي انا فيها هذا جوه مرفع ومدري كيف بيسوق هديناه الين مابدا يصحصح وتاكدت انه يقدر يسوق ركبت نسيمه مع التاكسي ورحنا وراها وجلس يعتذر ويتاسف وانا اقوله اعتبر انه ماصار شي وعيش جوك وصلنا الشقه لقيت نسيمه عند العماره تنتظرني طلعنا مع بعض كملنا السهره وكانت في قمه الضحك والوناسه ونتذكر السواق والفيلم اللي سواه ونضحك وعلى قريب الصبح دخلنا الغرفه ونمنا وانتهى اليوم الرابع مع بعض المغامرات.
الجزء القادم:
١:- نسيمه كيف كذا ؟! متى صار؟! وكيف صار؟! صدمه!!!!!
٢:- رساله غريبه من اميمه؟!
٣:- ماذا حدث مع رجل الدرك السري في جيليز؟!

والله انك كفو عليك يا محمد
السواق انا متاكدة بيحطك فوق راسو بعد تعاملك معاه
والبنات لو صار اللي صار مع خليجي كانو هما اللي تحرشو فيه ورمو نفسهم عليه

__________________
سأظل أتنفس الأمل والتفاؤل وأضيء الكون بابتسامتي رغم كل شيء

رائع مبدع ومسكين السواق شكله كثر ومو متعود علي الشرب ورفع وشاف المزز وما قدر يقاوم بانتظار جديدك يا بطل

شوقتنا للجزء الجاي ننتظرك يامبدع

كفوك الطيب أختي فطوم وماسوينا الا الواجب
والسواق للامانه ماقصر معي في اي شي
شاكر مرورك الكريم وكلامك الجميل
تحياتي لك