#رباعيات_ولد_الهواشم

كنت جالس في مقهى في مارينا اقادير والجو بارد بروده منعشه وجالس في طرف المقهى في موقع استراتيجي صاد للهوى واكشف المكان كله (راعي مقناص ومتأثر شوي) وطالب براد اتاي واتقهوى واسامر موش زقارة الملبور احمر فقط ,

وسبحان الله في ذيك الليله نازل علي وناسه وسعة صدر غريبه وبدون سبب لم يسبق اني حسيت فيها من كم يوم ,قلت الله يستر من تالي هلوناسه ,
وماهي الا للحظات ودخل مخلوق وقف عندي النفس زادت نبضات القلب الى درجة نسيت اتنفس بغيت ادوخ نزلت علي كحه الله وكيلك هههه ,
لااله الاالله جمال ابغنج مختلط في كبرياء جسم مترف كله انوثه عيون شحكيلك ,
المههم بعد الي صارلي ونظراتي تسابقها جالس ادعي تجلس اقبالي يارب يارب وكالعاده حضي ردي اخذت كوب مدري وشهو حقيقه وطلعت ع طول,
في هلحظه اقتلب فرحي حزن واقتلب كياني كئابه قسم وتكدر خاطري بالحيل,وماهي الادقايق واحسني اشتقتلها واتلفت يارب ترجع يارب اشوفها مدري وش الي جرالي تقل احبها من سنين وصار واضح حزني علي وهمي وقلت:
الحنين الي سرابي من وسط لليل الفرح
وانتحابي للعذاب الي عرفني من زمن
تنبلج عوج المحاني فاضحه قلب انجرح
هيضت قلب المعنى فاضحه جرحن كمن
التوجد والهيام الي معه بالي سرح
مشغلن كلي عليك ومتعب عيونن عمن
الخشوف ام العيون من لمحها ماسترح
عكش الهدب زين الشفايا نعنبوهن مارحمن

وانتهت بتنهيده قفلت مود الشعر في خاطري كله وسلاامتك مجرد مشاركه بسيطه من محبه يعلم الله’’

ارررررررحب ملايين حي هالشوف ، تو ما نورت الرباعيات ولا عليك زود ، يا حي الله كرشاف الغالي ، ابد من تلاميذ الابتدائي عندك طال عمرك ، و دامك جيت عطنا من المواقف و اللحظات الشعرية اللي مرّت عليك ترى قلبي مليان منها ابي احد يذكرني بها ونتشاكس أنا وياه في ذا المدونه .


مدري ليش تذكرت" وَ عنى قلب المولع وَ عناه" ،
صح لسسسانك يا كنق والله يا إنها ابيات تدق بالقلب ، والله يا بعض الغنادير تشوفهم
خصوصاً فـ المغرب " تحس إنك فاقد حبيب" و أنت بعيد عن الحب و طواريه بس من تشوفهم ينقلب حالك لحال ثاني خصوصاً اللي صعب تضبطهم .


ابطي اجاريك لكن بحاول :

يا حلاة الشعر يا اعذب معانيه
قلبي لغيرك ترى بالحب ما طاع

ما شاء الله

لا اعلم ماذا اسمي هذا ابداع
ام اخلاص ام ثقافه ام تحدي
اذهلتني ابدعاتك المتناثره في ارجاء المنتدى
كل التقدير والاحترام لشخصك الغالي

والله يحفظك ويرعاااك

__________________

تصدق ودي اختار مما كتبت

واعلق عليها

ولكن للامانة احترت ما اختار او افضل

كلها درر وكتبت بأبدااااع واختيار للمفرده وتنسيق ممزوج بالصدق
وبعضها يحكي لنا موقف او لحظة
يعجز الانسان او الشخص عن التعبير مما يجول في خاطره
اويبحث عن وصف للحظة او وصف الموقف

شهادتي فيك مجروحه
اخي وصديقي بل عضيدي

حفظك الله واااعاك

ودي اكتب اكثر واكثر بس اخاف اخرب عليك
هههههههههههههههه
سلمت لي ياغالي

__________________

يا هلا والله ويا مرحبا فيك يا ابو سعد ،،

الله يسعدك شوفك غناه يا بعدي ، و شهاده اعتز فيها طال عمرك ، و أبد الصفحه ذي لكم قبل ما تكون لي ، ومرورك الدائم يسعدني يا نقي .

الله يحفظك ويسعدك

انا من المتابعين والمعجبين ولابد من المشاركه ....... تحياتي لك ياغالي.

__________________
لاتسمع كل ما يقال ولا تقول كل ما تسمع.

أخوي عبدالرؤوف شرف لي إنك متابع الله يسعدك و يعلِّي مقدارك ، تسعدني دائماً مشاركتك و مرورك .

لك محبتي و مودتي

كازا - مطار محمد الخامس

1434-8-20

" وداعية المغرب "

حان الوداع و خاطري صاير(ن)شين
و الحزن في وجهي تبدّت مواريه
ما طالب لي نومٍ(ن) ولا غمضّت عين
و قلبي من الضيقات محدٍ(ن) يواسيه
يا اللي سألتوني مسافر على وين
مسافرٍ (ن) يم القفار المهاميه
ودَّعت أنا المغرب وداعاً إلى حين
وشوقي على اهله و أنا جالسٍ(ن) فيه
يا المغرب الجنة ويا كامل الزين
فيك الشعر يفخر و تفخر قوافيه

في غيابك يزورني طيفك الخلاب
يسامرني الليل وفي وحدتي يسليني

أشكي له عذابي وازيده عتاب
ومن حسرتي ابكي وطيفك يواسيني

__________________
لاتسمع كل ما يقال ولا تقول كل ما تسمع.