راجع من الروز قاردن قبل كم يوم

المشاركة الأصلية كتبت بواسطة mak90

هلا بالمزاعيط...ابشركم توي جاي من المغرب قبل كم يوم وتحديداً الروز قاردن وراح اكتب كل شي شفته وان شاء الله مانسى شي..المهم اول شي احب اتوجه بالشكر للأخ ابو ادم على اخلاقه الراقية في التعامل واسلوبه اللبق وهذا ماعهدناه منه ولا انسى الأخت سلمى ذو الأخلاق العالية واللي تحاول تخدم باللي تقدر عليه وفقها الله...والحين نجي للروز واللي شفته بالروز...طبعاً نظامه تغير الخيمة اللي جنب المسبح صارت فله وماصار فيه حلاق اظن لاني اذكر ان كان فيه حلاق...وابشركم الاثاث تغير وتجدد بالنسبة للفله اللي عطونا يعني مو جديد جديد بس افضل من لمن نزلت فيه قبل 8 شهور كان الاثاث سيء وقديم ومتكسر...عموماً ان كل شي كان تمام بس عتبي عليهم في شي واحد اللي هو الهاوس كيبنق والله اني ادق عليهم من العصر ويجوني اخر الليل ويمكن جوني بس مرتين والايام الباقي انا وخويي ننظف الفله بانفسنا...وايضاً اللي زعلني شي مره ماتوقعته اللي هو اتهموني بحرق في الكنبة اللي بالصالة وانا على يقين كااامل وتام بأني ماحرقت وان الحرق كان موجود من اول ودفعوني مبلغ وقدره بشي انا مالي ذنب فيه!!! طبعاً انا كنت غلطان يوم وصلت وقعت على الورقة ومارحت اشيك على الفله وهذا من باب الثقه اني واثق فيهم لأن اخر مره نزلت عندهم ماصار الا كل خير بس الواحد يتعلم من غلطه والمصيبه ان الأخ خالد يقولي روح تفاهم مع الهاوس كيبنق هم اللي يشيكون بالفله ورحت اتفاهم مع اثنين هناك اظن وحده اسمها اسماء واتكلم معهم وطال النقاش ومافي اي فايده وماكنت ابغى اكلم ابو ادم لأن الرجل هذا جمايله مغرقتنا والوقت كان متأخر والمصيبه ان يوم اقول لهم بكلمه يقولون عااادي كلمه براحتك راح تدفع يعني راح تدفع هههه شي غريب قلت حسبي الله عليكم ونعم الوكيل المهم يامزاعيط اذا جا احد فيكم يستلم الفله يشيك عليها زين ويسجل كل شي بالورقه...وصار فيه نايت كلوب اسمه ديابلو طبعاً الكلوب روعه ودي جي سبايدر والغريب مشعللينه بقوووه...على الأيام الجميله اللي قضيتها هناك بس اذا فكرت ارجع للروز صراحة راح اكون في قلق اني اذا جيت اطلع راح يتهموني بأي مصيبه وادفع شي مالي ذنب فيه!!! مع اني كنت ادافع عن الروز من الناحية ذي يوم كنت اشوف المزاعيط يتشكون من سالفة الاتهامات الباطلة ولكني ايقنت الأن يوم انحطيت بنفس الموقف!!! وهذي كل الحكاية...ياترى هل ستكون نهاية الايام الجميلة مع الروز؟؟!! الله اعلم!!!

المشاركة الأصلية كتبت بواسطة شارع الحب

بعض المنتجعات يطلبون جوازك يكون عندهم خوفاً عليك تضيعه او يسرقه منك الطير ويبتزك فيه

واذا رحت للسفارة حقتك تبلغ عن فقدان جوازك بتفضح منتجعهم وتخرب بيتهم

لذلك هم يبون جوازك عندهم آمن لك ولهم

المشاركة الأصلية كتبت بواسطة ali99ali

وش الي حادكم عليه وربي انه زباله خاصه الفلل الي سوها الجديده الحشرات معك والنظافه يجونك اخر الليل والشغاله تمشي بدري ولازم قبل تسلمها يستفزونك في اي شي سكنتها يوم وطلعت اليوم الثاني ولا سهرت فيها وتقول سلمى ادفع ضريبه الف درهم علشان الي جبتهم عملو مشاكل قلت ماجبت احد ولا بدفع وطلعنا وسكنت سكن خاص افضل بمليون مره

المشاركة الأصلية كتبت بواسطة beckham

شباب جوازك ما تسلمه احد أبد أبد أبد حتى الدرك يشوفه ايه بس ما ياخذه الا بحضور محامي السفارة نصيحة لا تسلم جوازك لأحد أيا كان وخلقك واثق من نفسك طول ما انت على حق حتى لو السالفه فيها طيور لا تخاف انت مو قاتل ولا انت مجرم