راجع من الروز قاردن قبل كم يوم

الله يسلمك...وصادق اخي الكريم ولكن من لايشكر الناس لايشكر الله والجميل اللي انا اقصده ماكان ودي اتكلم فيه ولكن الرجال ماقصر وفعلا كان له جميل انه معطيني بسعر خاص الله يوفقه

مو مسألة كذا اخي الكريم ولكن وضحت الجميل بردي على الأخ اللي فوق....وبخصوص الجميل ترا الكلمة الطيبة والتعامل المحترم والاستجابة السريعة لطلباتك انا اشوف انها بعد جميل بغض النظر اني دافع او لا الجمايل مو بالفلوس بس الجمايل بالأفعال الطيبة والكلمة الطيبة بعد!!!

معوض خير اخي الكريم...وغلطي وغلطك اننا ماشيكنا وقد تكون نهاية المطاف والايام الجميلة مع الروز والله اعلم...وابو ادم احيان مافكر اني الومه لأن الموظفين اذا تكلموا معه يكبرون الأمور ويبينون له ان الشخص هذا سيء وغلطان والمضحك في الأمر يوم اقولهم عادي عندكم تظلمون الشخص يرد ويقولي احنا ماظلمناك ونعرفك شخص محترم بس الاشخاص اللي عندك اكيد حارقين الكنبه ههههههههه يعني الا والا الموضوع راكب فيك ولو قلنا انه نصب من الموظفين ماتوقع لأن المبلغ مسجل بالدفتر وعندك ايصال فيه وسبق وقلت انه جاني كلام ان ابو ادم يسمع من طرف واحد واللي هم موظفينه مع ان الشي هذا غلط ولكن تبقى حرية شخصية له واذا كثر الكلام عن الروز راح يقلون الزباين وحنا مانبي الشي هذا يصير لأني اشوف ان الكلام بالمنتدى كثر على الروز...انا صراحة اتمنى من ابو ادم يوضح لنا بخصوص الأمر هذا وليه ان يوم تجي مايقولون لك روح شيك مع الموظف زي لمن تستأجر سياره تروح تشيك مع الموظف ولا حنا ندخل بدون تشييك وهم حلال فيهم يشيكون بعدنا......وسالفة الجوازات للمعلومية قانونياً لايحق لأي مكان انه يسحب جوازك ولو احد كلم السفارة راح تصير مشاكل بخصوص الموضوع ذا ولكن انا اخليه عندهم لأني احس انه بأمان هناك فقط لاغير ولا لو جينا للنظام لايحق لأي مكان انه يسحب جوازك قطعياً!!!

ههههههه والله ياخوي انا ول مره تصير معي عشان كذا الموضوع زعلني!!! اما سعر السائق ثابت 650 اليوم واكرفه لين الصبح والايصال عندك صورة منه!!!

الاسعار كل واحد وشطارته...لعلمك كنت ماخذ فله غرفتين ارخص من سعر الدرقاوي وماراح اتكلم بالسعر وبس....وحكاية ادفع لهم انت اي بدفع لهم اجل بسكن بلاش....ياخوي الله يهداك ترا الكلام اخذ وعطى ليش معصب ههههه حياك اخوووي وكون هاااني

بالنسبة للسائقين انا وصلت لمرحلة ان كل واحد يعطيني سعر تخيل !!!

اقسم بالله اللي في الرسيبشن لابس نظارة ووحدة اسمها سكينة هي اللي عطتني السعر الحقيقي وابو نظارة زود علي 300 درهم يحسبني اهبل مثله

لين جبت سكينة وخليتها تقول سعر سائق سيارة فان 900 او 950 ما اذكر ابو الشباب صفقني 1400 جبت سكينة قدامه وخليتها تقول السعر وتلعثم الرجال وماعاد عرف ايش يقول قام يخربط يوم انحشر


زي هالمنتجعات مالها امان في تعاملها ما انكر اني انسبطت فيها بس خلاص لازم تاخذ درس منهم تفتش الفلة مسمار مسمار لايمسكون عليك شي

هذا اللي صار معي والله على ما اقول شهيد

انا سكنت بالروز قاردن في شهر خمسة والحمدلله ماواجهت مشاكل بالتشيك اوت
احتياطاً صورت الغرفة عند الإستلام واماكن حروق الاثاث ووثقت كل شي ولا أحد كلمني
وعشان نكون منصفين مع ادارتهم ترى موجود باعلانهم ان المستأجر يتحمل تكاليف اي شي يتم تخريبه
انا انصح الجميع وبالذات المتوجهين للمغرب ان يوثقوا بالصور الشقة او السيارة وأظمن له عدم المسائلة
وابتعدوا عن الثقة والاخذ بالكلام

انت تقصد عبد الرحيم اللي يلبس نظارة غريبة ماجاني منه الا كل خير واخر مره ماخذ السيارة بالسواق ب 650 يوم كامل من عنده هذا سعرهم ثابت والاسعار موجوده بالمنتدى وترا ابو ادم حاط رقمه الشخصي على اللوحة اللي بالرسيبشن مفروض انك كلمته بالذات ان في تلاعب في الاسعار....وبخصوص انك تقلبها مسمار مسمار اتفق معك وبقوة وهذا اللي بيصير هذا لو فكرت اني ارجع لهم....بالتوفيق اخوي وهذي الدنيا تجارب لازم نتعلم منها!!!

صادق اخوي بكل حرف قلته ومو بس هم ترا اي مكان بالدنيا لو احد خرب فيه شي راح يدفع بس اللي يقهر انك تدفع شي انت ماسويته يعني انا دافع حرق ماسويته ويمكن حتى اللي سواه دفع زيي ههههه صار الحرق ذا لحاله اغلى من سعر ايجار شقة بطنجة على البحر...وصراحة اهنيك على الشي اللي انت سويته وهذا دليل على انك انسان واعي وحذر...ولكن مانقول الا لايلدغ المؤمن من جحر مرتين!!! وفقك الله

الجمايل ما يعرفونها الا اهل الجزيرة العربية

شكرا على رحابة صدرك اتمنى لك التوفيق