راجع من الروز قاردن قبل كم يوم

هلا بالمزاعيط...ابشركم توي جاي من المغرب قبل كم يوم وتحديداً الروز قاردن وراح اكتب كل شي شفته وان شاء الله مانسى شي..المهم اول شي احب اتوجه بالشكر للأخ ابو ادم على اخلاقه الراقية في التعامل واسلوبه اللبق وهذا ماعهدناه منه ولا انسى الأخت سلمى ذو الأخلاق العالية واللي تحاول تخدم باللي تقدر عليه وفقها الله...والحين نجي للروز واللي شفته بالروز...طبعاً نظامه تغير الخيمة اللي جنب المسبح صارت فله وماصار فيه حلاق اظن لاني اذكر ان كان فيه حلاق...وابشركم الاثاث تغير وتجدد بالنسبة للفله اللي عطونا يعني مو جديد جديد بس افضل من لمن نزلت فيه قبل 8 شهور كان الاثاث سيء وقديم ومتكسر...عموماً ان كل شي كان تمام بس عتبي عليهم في شي واحد اللي هو الهاوس كيبنق والله اني ادق عليهم من العصر ويجوني اخر الليل ويمكن جوني بس مرتين والايام الباقي انا وخويي ننظف الفله بانفسنا...وايضاً اللي زعلني شي مره ماتوقعته اللي هو اتهموني بحرق في الكنبة اللي بالصالة وانا على يقين كااامل وتام بأني ماحرقت وان الحرق كان موجود من اول ودفعوني مبلغ وقدره بشي انا مالي ذنب فيه!!! طبعاً انا كنت غلطان يوم وصلت وقعت على الورقة ومارحت اشيك على الفله وهذا من باب الثقه اني واثق فيهم لأن اخر مره نزلت عندهم ماصار الا كل خير بس الواحد يتعلم من غلطه والمصيبه ان الأخ خالد يقولي روح تفاهم مع الهاوس كيبنق هم اللي يشيكون بالفله ورحت اتفاهم مع اثنين هناك اظن وحده اسمها اسماء واتكلم معهم وطال النقاش ومافي اي فايده وماكنت ابغى اكلم ابو ادم لأن الرجل هذا جمايله مغرقتنا والوقت كان متأخر والمصيبه ان يوم اقول لهم بكلمه يقولون عااادي كلمه براحتك راح تدفع يعني راح تدفع هههه شي غريب قلت حسبي الله عليكم ونعم الوكيل المهم يامزاعيط اذا جا احد فيكم يستلم الفله يشيك عليها زين ويسجل كل شي بالورقه...وصار فيه نايت كلوب اسمه ديابلو طبعاً الكلوب روعه ودي جي سبايدر والغريب مشعللينه بقوووه...على الأيام الجميله اللي قضيتها هناك بس اذا فكرت ارجع للروز صراحة راح اكون في قلق اني اذا جيت اطلع راح يتهموني بأي مصيبه وادفع شي مالي ذنب فيه!!! مع اني كنت ادافع عن الروز من الناحية ذي يوم كنت اشوف المزاعيط يتشكون من سالفة الاتهامات الباطلة ولكني ايقنت الأن يوم انحطيت بنفس الموقف!!! وهذي كل الحكاية...ياترى هل ستكون نهاية الايام الجميلة مع الروز؟؟!! الله اعلم!!!

الحمدلله على سلامة الوصول
وتشكر على شفافية التعبير بالشئ الي شفته ومعوض خير في الي دفعته

الحمد لله ع سلامتك ،،،،، فداااااا

__________________
ياراعي الغر العذاب المباهيش
رش الكبود اليابسه من عطشهااااا
دنق علي وطمن الراس بشويش
واحي العروق الذابله وانتعشهااااااا

الله يسلمك...والعفو اخوي وهذا واجبنا تجاه المزاعيط...والله يعوضنا خير ويوفقك

الله يسلمك اخوي

الحمدلله على سلامتك ومعوض خير وانا اخوك
نفس الحركة صارت معي عام 2012 يعني قبل 5 سنوات

وهذا هو نظام ابو ادم يضحك بوجهك ويدز الموظفين وراك عشان الف او الفين درهم
بس كان بوقتها ما فيه خيارات سكن في مراكش لكن الان توفرت البدايل بكثيييير

المفروض الواحد اذا استأجر شي سواء بالروز او غيره يدخل ويشوف المكان ويدقق علي كل شي واذا شاف شي يبلغهم فيه ومو شخص واحد اكثر من شخص لانه هالامور تحصل بالروز واغلب اماكن السكن مثل النخيل وغيره

حمدلله على السلامة اولا...
ثانيا... انا أتذكر دخلت الروز عشان اشوفها وأخذ فيلا فيها لكن من دخلت جهة المسبح وقلت الروز شطب عليه. دخلت الفيلا لقيت الاثاث والأرضية متهالكة. تقدر تقول الروز راحت أيامه بسبب نقص الجودة وسوء خدمة العملاء.

__________________

الحمدلله على السلامة
و هذي والله مشكلة اذا انك قبل لا تاخذ الفلة لازم تشيك عليها لانك مهما كنت حريص ما راح تقدر تلاحظ كل شي شي يعني لو النية مبيته راح يلاقو لك مصيبة يلزقوها فيك يا الكنبة محروقة يا كاس مفقود يا صحن مكسور يعني بالنهاية زي ما قلت دافع دافع و من رأيي لو توصل الموضوع لابو ادم عشان ما يتكرر مثل هذا الموضوع

__________________
لا تأسـفن لغـدر الـزمان لـطالمـا
رقـصـت عـلـى جـثـث الأســود كـلاب
لا تحسبن الكلاب تعلو برقصها
تظل الأسود أسود و الكلاب كلاب

حمدلله ع السلامه ومعوض خير '' وبالنسبه للروز انا ما افضله ونظرا لسمعته وجودته من ناحية الأثاث. والعاملين عليها. وكذلك بعد المنتجع عن سنتر المدينة. وسلامتكم