|
تقرير جميل .
واصل ياسعود متابع.... |
تذكرت بندر وافي 2 الله يستر عليه .
متابعين ياسعود تقريرك جميل . |
والله ما شاء الله عليك عرفت من تقريرك أماكن انا بنت الديرة أجهلها
تسسلم يمينك وبانتظار باقي التقرير مودتي |
أحس أن في واحد يلاحق ابوفهد ويبي يخلص التقرير قبل مايوصله ههههههههه
واااااصل يابطل مستمتع بسردك الخطافي يسعدك ربي :D:D:D |
رائع ومبدع يافهد
صراحة هذا الموضوع يعطيك فكرة شاملة عن جنوب مراكش ألف شكر، وراح انسخ الموضوع عندي بالمفضلة |
واصل يا بطل
|
رحلة مستكشف ياسعود وقدرت تشوف اماكن اعتقد الكثير ماشافها :
اسني مولاي ابراهيم للاتكركوست اوريكا اوكايمدن ورزازات[ والفندق اسمه بربر بلاص-واد النجوم -استديو اوسكار واطلس] قرية ايت بن حدو زاكورة محاميد الغزلان مزروكة ماشاء الله عليك لفيت لفة حلوة وزين انك مادخلت الجزائر مابقى شي عليها. واصل وسجلني متابع معك وعجبتني بساطتك وخفة دمك وخصوصا موقف الشايب اللي يحسبك ولده |
عدت لكم من جديد المهم وانطلق بسيارتي الوجهة مرزوكة والمسجل يردح باغاني الكناوة ماش قلب مزاجي مزاج خوال طبعا وصلت لمدينة اسمها الريصاني بتكلم عنها نهاية هالرد تعديت الريصاني وجهت لمرزوكة طبعا الجو منعش مشكلتي ماحب امسك الخط الا بالليل وصلت مرزوكة بالليل واخذ لفة على فنادقهم رايقة بس بعضها مليان وعندي مشكلة بعد كثرت مشاكلي مشكلتي مانيب مرتب احب الهجولة وزي ماتجي تجي لاحجوزات ولا شي اصلا ماستر كارد وفيزا ماحب استخدمهم ولا اعترف بشي اسمه احجز فندق شغل هجانة المهم طحت بفندق حليو اسمه جوهرة الصحراء كان ماخانتني الذاكرة ب ٦٠٠ درهم مع الفطور الفندق نظيف ماعليه يجي منه والغرفة اللي خذتها تطل على الطعوس تعشيت عندهم وعينك ماتشوف الا الفراش واقوم الصبح وفطور رايق جنب المسبح وشوفة سريعة لمنظر الطعوس جاني اللي بالاستقبال قالي فيه واحد سعودي عنده محل دبابات يأجرهن مع المدرب قلت له خلاص شف لي دباب خلنا نطعس طبعا وانا جالس انتظر لفت انتباهي سيارات تطعس اعجبني الجو قلت له مايمكن تدبر لي سيارة اطعس فيها فهمت منه ان راعين هالسيارات اوروبيين عندهم هالرياضة طبعا عندهم برامج تقريبا نفس نظام زاكورة مخيمات وكذا لا وعندهم بعد ركوب على الجمال توصل مدة الرحلة ٦ ايام المهم شوي ويجي المدرب الا واحد صغير وشكله بثر ابثرني الله يبثره وانطلق بالدباب حسيت اني برالي والله اجواء عال العال ياطحت لكم طيحات ذا البزر ذلني بدبابه كل شوي موقف عندي يحرصني على الدباب تمردغت بالطعوس لين قلت بس خذيت لي ساعتين يمكن نسيت اقولكم السعر ب ٣٠٠ درهم بعد المكاسر طبعا خلصنا لعب بالدباب وارجع للفندق
|
اقتباس:
اي عدت لكم من جديد ياخوي سعود من بداية كتابتك للتقرير للحين ماكملت ٢٤ ساعة كنك ملحوق فمايحتاج تحط لنا عدت لكم ههههههههههه بس بصراحة اهنيك ع اللفه اللي سويتها وكل شوي بمكان بإنتظار التكملة |
بعد مغامرة حلوة بالدباب والطعوس رحت للي بالمطعم قلت له ودي اتكي فوق طعس دبر لي زولية وزمزمية اتاي منعنع قالي ابشر والله ويدبرهن لي واروح اتكي على راس طعس هواء يرد الروح وجلسة اخر روقان تكيت لين بدت تغرب الشمس وارجع للفندق كعابي طبعا الرمل قريب من الفندق واتعشى وادخل غرفتي وانام قمت من نومة حلوة افطرت قالي اللي بالمطعم ليش ماتروح للريصاني عندهم سوق حلو طبعا مرزوكة يجونها سياح اوروبيين بالصيف يسوون حمام رملي ينفع للي عندهم مشاكل بالمفاصل خلصت فطوري والقط عفشي واحرك على الريصاني وصلت للسوق حقهم هالمدينة تشتهر بالخزف والتمر والحناء عندهم السوق ٣ ايام بالاسبوع الاحد والثلاثاء والخميس طبعا اهالي مرزوكة ومدينة ارفود يتقضون من عندهم هالمدن تابعة لاقليم الراشدية خلصت تمشية بالسوق خذت لي شوي تمر يسمونه الفكوس حسب كلام اللي شريت منه افضل تمر ونوع بالمغرب واتكل على الله الوجهة الراشدية طبعا طريقها تطلع من الريصاني وتمر ارفود وصلت الراشدية طبعا هالمدينة تحتصن اكبر واحات افريقيا اسم الواحة واحة زيز هالواحة تصدر اكبر انتاج للتمور خذت لي لفة فيها بالسيارة بس ماش ماحسيت براحة قلت بنفسي خلني اجلس بكافي واخذ واعطي مع نفسي واقرر وين اروح طلبت لي قهوة نص نص قلت ياولد شكلي بقلبها شمال شرق صوب وجدة وفعلا مزمزت على القهوة واشغل سيارتي والوجهة وجدة
|
| الساعة الآن 02:58 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط