كمل ترانا فالمتابعه

ابداع سريع سريع .. واصل متابعين

تقرير جميل ومميز واصل بكل مختصر مفيد
ورحلة موفقة بإذن الله

طولت علينا اخوي سعود
بإنتظار التكملة

رجعت لكم صحيت الصبح افطرت نسيت اقولكم الفندق فيه كل شي وصراحة الغرف اللي تطل على البحر روعة فهمت منهم ان وقت الصيف ماتلقى لك ماطأ رجل من الزحمة طلعت لسوق اولاد ميمون وفرة على السريع بعض الاماكن اللي قلتها بالرد السابق لين اغربت الشمس رجعت تمشيت شوي على الكورنيش رجعت للفندق طلبت عشاء من عندهم تعشيت واحلى نومة اصبحنا الصبح فطور على السريع خذت شنطتي طلعت من الفندق كملت بقية الاماكن ومريت المركب التجاري وطلعت من الناظور والوجهة الحسيمة

عاش حنا راكبين جنبك بالسياره معاد يمدي نلحقك واصل يا بطل [emoji123]

هالمرة بتكلم عن الاماكن بالحسيمة وانت وضميرك اختر اللي يجوز لك بشكل عام مناطق الريف المغربي تتشابه من ناحية الشواطئ السكن كان بفندق السواني روعة صراحة ب ٦٢٠درهم مع الفطور الفندق ميزته جنب غابة وقدامك البحر يعني ٢ في ١ فيه جلسات برا ومسبح وبار ومطعم ونادي صحي زي العادة قالو لي بالصيف ماتلقى فيه مكان موقعه دخلة الحسيمة طبعا لتقارب الشواطئ جنب بعض مريتها كلها بنفس اليوم تمشت شوي بالغابة كان الجو غيم وخوقاقي قلت بكره امر هالشواطئ تعشيت من مطعمهم مشكل مشوي دجاج ولحم وهي النومة الصبح كلمتهم قلت لهم يجيبون لي الفطور بالغرفة خاصة ان الغرفة تطل على الغابة وتشوف البحر افطرت كان هاليوم جمعة قلت اجل بطلع شنطتي باللوبي وبطلع اخذ فرة بالسيارة على المنطقة اللي حول الفندق اكتشفت فيه زي الجزيرة بالبحر وعلى اساس بسال عن اسمها ووضعها نسيت رجعت للفندق طلبت كسكس بالدجاج والزبيب كلام كبير ياعومر بصوت رؤوف خليف بعدها طلعت من الفندق ووجهت للشواطئ حقت الحسيمة شاطئ الصفيحة والسواني بوسكور كلابونيطا مدري صح علي الاسماء والا لا وافضلها شاطئ كيمادو طبعا قريبات من بعض وتكثر الفعاليات فيها بوقت الصيفية نظافة ورمال صفراء وشغل كبير

طبعا مانسى اشهر شي بالحسيمة المنتزه الوطني يحتوي على انواع كثيرة من الاسماك والطيور ومناظر حلوة لاتفوتون فرصة الروحة له طبعا هنا انتهت رحلتي مع الريف الوجهه الجاية ماراح اتكلم كثير لان الموقع موب مقصر فيها وهي شمال المغرب شفشاون اقشور طنجة تطوان مارتيل المضيق الفنيدق اعتقد اشبعت بالتقارير جلست في هالمناطق مدة ٥ ايام السكن ليلة بشفشاون بفندق اسمه بارادور ب ٧٢٠ درهم مع الفطور الصبح تمشيت بشفشاون وراس الماء بعدها وجهت لاقشور مناظر روعة بالطريق خاصة على السد والختة لاقشور وشلالاتها الثلاث قبل ماتوصل الشلالات فيه مطعم على اليسار انصح تتغدى فيه وتشرب اتاي فيه شلال صغير الجلسة رايقة فيه بعدها وجهت طنجة ومثل ماذكرت بداية موضوعي ماحب المدن الكبار وصلت طنجة تعشيت بكنتاكي السكن بالهيلتون ليلة ب ١٣٠٠ درهم بعدها وجهت تطوان لفيت فيها وسكنت بمنتجع مارينا سمير ٣ ايام الليلة مع الفطور ب ٩٠٠ درهم قضيت هالثلاث ايام بمارتيل والمضيق وتمشيات على المارينا وسوق الفنيدق المشهور بالبضاعات المستوردة من اسبانيا

اكثر تقرير حديث حبيته لانك اوجزت وانهيت التقرير في فترة قصيرة ولأنك ايضا ببساطه تغرد خارج السرب وانسان واقعي وبسيط واكثر ماعجبني انك لفيت اغلب المغرب وتسمي الرحلة بالخطافية هههه هذي رحلة العمر.

س: اللفه هذي في كم يوم من طلعت من سلا الين رجعت ؟؟

بما ان انهيت التقرير فسيكون مناسب جدا انك تنزل الصور فهذا التقرير سيظل ناقصا مالم يكن مدعما بالصور
تحياتي وهذه المواضيع التي تستحق التثبيت عن جدارة واستحقاق.

الف شكر لك رحله جميله ومعلومات قيمه فعلا اثريتنا بكم المعلومات واسلوبك البسيط ... تقبل تحياتي