| سعود بن فهد |
2017-04-07 12:48 AM |
اكمال الرحلة للناظور الطريق ساحلي وشئ خيالي مروق اخر روقان وجهتي الناظور وصلت هالمرة بدري بالدخلة حقت الناظور وقفت بمقهى وطلب نص نص وجلست اخذ واعطي مع الولد اللي جاب لي القهوة نصحني اطلع سبتة قلت له مامعي فيزة سالته عن الفنادق الحلوة قالي فيه فندق على البحر حسب كلامه انه لرشيد اخو محمد السادس وصف لي مكانه وطوالي على الفندق واخذ الغرفة غالي شوي ب ١٢٠٠ درهم مع الفطور بس يستاهل حطيت شنطتي قلت خلني استكسف على رجولي الكورنيش وانا اتمشى الا اشوف طلبة وطالبات الظاهر عندهم مظاهرة دخلت وسطهم عجبتني المظاهرة شوي الا قامو يناظرون فيني وانا اعطيها وضعية اعمل نفسك ميت جاء واحد منهم قام يكلمني بالريفية وانا اللي اطق الحولة واسوي نفسي اطرم قلت مالها داعي انطق جاء صديقه اللي فهمت من صديقه كانه قاله شكله اطرم المهم اني زبنت منهم وكملت تمشية طبعا بشكل عام اقليم الناظور يستحق الزيارة انا اتكلم عن الاقليم كامل موب مدينة الناظور فيه اماكن حلوة وتستحق الزيارة خاصة ان الاقليم مختلف التضاريس مرتفعات مثل جبال كوركو ومنخفضات كأشهر منخفض الغارب وسهول لاتنسون زيارة رأس الماء شرق اقليم الناظور طبعا لاتفوتون الجزر الجعفرية هي جزر محتلتها اسبانيا بس يلزمك فيزة عندكم الطريق اللي من رأس الماء الى اركمان الناظور خاصة وقت الربيع مناظر سبحان من خلق هذا غير منطقة أوسامر وجبال اسمها سبعة رجال واهم جبل بالناظور جبل كوركو الظاهر كذا اسمه الكورنيش رائع بالليل واهم مكان بحيرة مارشيكا بين الناظور وبني انصار اما بالنسبة للتسوق عندكم سوق اولاد ميمون يحتوي على ملابس ومستلزمات منزلية باسعار معقولة سوق شعبي وفيه سوق المركب التجاري المهم استنشقت هواء نظيف على الكورنيش رجعت للفندق وربي ناسي اسمه تعشيت وطقيتها نومه
|
