العفش عالخطوط المغربيه

الخطوط السعوديه والمغربيه بينهم تعاون فبعض الرحلات تكون مشتركه وهذا من مصلحة المسافرين..
لانه صار عندك خيارات اكثر بالوقت..

لانه مثلآ الخطوط المغربيه ماعندها عوده من كازا الا الساعه ٢:٤٥ الظهر
كان المسافرين يعانون لأنه وقت سيء للي جاي من مدينه بعيده عن كازا..
فصار الحين تقدر تحجز على رحلة المساء على الخطوط السعوديه وكأنه حجز واحد..

ونفس الشي في الذهاب مثلآ من الرياض يوم الجمعه الساعه ١ صباحا هاذي رحله وقتها حلو وكانت خاصه فقط للخطوط المغربيه ولكن الان تقدر تحجز عليها من الخطوط السعوديه ...

فصار بإمكانك تضبط لك رحله وقتها مناسب بالذهاب والعوده

وترى مافيه فرق بينهم حاليا من ناحية الطيارات
صحيح انه اول الخطوط المغربيه كانت معاناة ومافيها شاشات ولا اي شي كأنك فباص..
ولكن الوضع تغير من فتره وصارت طيارتهم افضل بكثير ..

هذا المختصر المفيد للي متلخبطين بالرحلات

انا حاجز على السعودية ولكن طلع الذهاب على المغربية والعودة على السعودية


وبصراحه انا جربت المغربية عام 2014 كانت جداً سيئه


هل تغير الوضع والأن فيه شاشات وترفيه ؟

بالنسبه لي قبل شهرين رحت عليها
ورجعت على السعوديه
كان فيها شاشات بالذهاب على طيارة المغربيه والامور تمام..
وحتى بالعوده على السعوديه..
ومثل ماقلت زمان 2014 وقبل كانت سيئه جدآ..

والحين حاجز الاسبوع الجاي بنفس الطريقه ..
ذهاب المغربيه العوده السعوديه ..

وبخصوص اللي قال انه راجع قبل رمضان باسبوع وكانت سيئه
تقصد الذهاب والعوده؟؟؟ ولا بس العوده؟؟
الذهاب من الرياض مو صحيح انا متأكد وسافرت هالسنه كم مره
كانت من الطيارات الجديده وفيها شاشات ..
يمكن العوده اللي الساعه ٢:٤٥ الظهر من كازا هاذي ما ادري عنها..
لاني صرت ارجع على السعوديه رحلة المسا..