تجربتك مع الدرك في في حالة مداهمة الشقة او الفيلا

السلام عليكم
حبيت اطرح تجربتي للفائدة
استاجرنا عن طريق وحدة سمسارة اسمها فاطمة بحي التارقة قريب من كارفور طمعاً بالسعر الرخيص وعلى قولتهم الرخيص مخيس طبعا هذي اول رحلة لنا للمغرب مانعرف شي وبكل شارع يوقفنا الدرك والامن الوطني وعليك مخالفة ونعطيهم لاجل يسكتون 400 درهم و300 وبعض الاحيان 500 درهم المهم جلسنا اول يوم بالفلة الوضع طبيعي وثاني يوم طبيعي وثالث يوم صحى واحد من الشباب الساعة 11 صباحاً على مكالمة من واحد يقوله ترى فيه مداهمة قفلو الابواب طبعاً السمسري يقول الفله امان وفيه واحد من الشباب معه ضيف ويطالع خوينا مع النافذة الا والشرطة تنقز الجدران ويجري يقفل الابواب الا واحد رفض ينقفل طبعاً في رمشة عين دخلو علينا وحطو الكلبشات بخوينا والضيف ونزلونا كلنا الصالة واحذو جميع اغراضنا وقلنا لهم بنعطيكم اللي تبونه وننهي الموضع ماكنا ندري ان مدير الولاية معهم وكانو بيضربونا
وحولونا على شرطة الولاية وتم توقيفنا وتوقعينا على الاوراق بالقوة حتى المساء وبعدها تم اطلاق سراحنا الا صاحبنا الذي لديه ضيف وقالو له تحضر المحكمة بعد يومين للقاء وكيل الملك الاسم لحاله يخوف واخذو جوازه وراح معنا وبعد يومين حضرنا لوكيل الملك وسالهم ودخلهم المعتقل اللين النطق بالحكم يقول لنا صاحبنا المعتقل قانووووون الغابه ارحم منه وبعد العصر نطق بالحكم عليه 10000 درهم اللي ابي اقولة لكم واستفدناه يلعن ام الفلوس اللي تذلنا استاجر بمنتجع ماحد يقدر يجيك فيه مثل الروز قاردن بمراكش مثلاً والضيف بعد صلاة الفجر خله يمشي لايصير امور تتحسف على الساعة اللي جلست فيها الضيف ولا تستاجرو بالفلل الخاصة مهما كانت زينة وللعلم بعض الاحياء ممنوع ايجار الفلل فيها للاجانب مثل التارقة والواحد يكون حذر للغاية فالمغرب في دستورها انها دولة اسلامية

الحمدالله علي سلامتكم اول شيء و كان ممكن تدفعو الفلوس من الاول و تتفاهمو معاهم قبل خروجكم من الفلة وتسكرو الموضوع

بغيت غير افهم منين جابو دولة إسلامية و هي جميع المحرمات فيها

حاولنا قلنا نعطيكم 5 الاف 10 الاف درهم وكان معهم واحد شايب كان بيضرب خوينا يمكن لو مدير الولاية مو معهم بيقبلو الفلوس

صح او ادا كان عندهم امر من وكيل الملك لا يقبلون الفلوس لان التقديم ضروري في هده الحالة اما الضرب فليس لهم الحق المادة ١٠ من قانون العقوبات خصوصا مع الأجنبي

الحمدالله علي سلامتكم علي قولتك الواحد يسكن بفلوس اكثر و بأمان علي ينقص الثمن و يجيب مشاكل لنفسه

اذا صار خصمك القاضي من تقاضي يوم رحنا لشرطة الولاية اخذو جوالاتنا قلنا نبي محامي قال اقول وقع بالطيب ولا انزلك للمعتقل بعد ماطلقونا سراح مشروط بحضور المحكمة اتصلنا على السفارة قال المفروض انكم ماتوقعون على اي شي ماتعرف وش فيه سواء ببلدك او بالخارج

فيه مثل يقول النار ماتحرق الا رجل واطيها صاحبنا اللي معه الضيف اول ماداهمونا قالواه انت راح تسجن ثلاث شهور تخيلو عاد مره يفكر بعمله ومره يفكر باهله وش بيقولو ومره يفكر بالناس ومره بالسجن صار ماينام بسبب فرق 2000 درهم وش تسوى مع الراحة الواحد يكون حذذذذذر ويسأل عن الامان قبل كل شي ولا يسأل الا ربعنا بالذات

الحمد لله ع سلامتكم
وكل دقة بتعلومة