اقتباس:
المشاركة الأصلية كتبت بواسطة Mohd Alhmodi
يا هلا وغلا باقدع ناس
بس حلوه دولة زرتها تبوك هههههه
ما تدينا موقف حصلك في تبوك
شرفني مرورك
دمت بود
ياهلا وغلا بحمود ومحيميد
شكل اسمك كذا صح هههه
وش نسوي نعتبر تبوك دوله لانها بجنب الاردن واكبر موقف حصلي فيها بنشرنا 3 مرات في يوم والمصيبه الكفرات جديدة وكل بنشر في كفر مختلف
المواقف كلها بمصر ام الدنيا
كان عندنا شغالة وجايبين معنا قهوة وتمر وثاني يوم انسرقت القهوة والبهارات والتمر وخويي اللي معي اذا ماتقهوى الصباح والعصر يجيه صداع ويخرب جوه
لما عرفت الشغالة بموضوع خويي قالت لنا انها تعرف مصرية عايشه بالسعودية تجيب اغراض من السعودية وبروح اكلمها اذا عندها قهوه وتمر او تعرف احد يبيعه
قلت لها روحي ولاتجين الا معك قهوة وتمر عشان خويي المدمن
بعد 3 ساعات جت وجابت معها شوي قهوة وشوية تمر وقالت ان صاحبتها لما عرفت بموضوع خويي كلمت ناس وجابت لنا من النوع الفاخر مثل ماقالت وعطتنا سعر غالي ودفعنا عشان خويي مدمن القهوة
المهم صارت على هالحال اسبوع كل يوم تروح كم ساعة وتجيب لنا القهوة وحنا ندفع وبعد اسبوع تهاوشت شغالتنا مع شغالة في شقه في الدور اللي تحتنا واكتشفنا ان شغالتنا هي اللي سرقت قهوتنا وتمرنا وكل يوم تبيع منه علينا
المشكله خويي مدمن القهوة المفروض يكتشف هالشي لانه يعرف ويميز القهوة لأنه هو اللي شاريها من السعودية لكن هالقصة عرفتني ان ادمان خويي وصل انه ماعاد يميز
اللي كشف لنا السرقة الشغالة اللي بالشقة اللي تحتنا بعد هوشتها معها جت لنا في اليوم الثاني وافضحتها ومسكنا الشغالة ورجعنا المتبقي من قهوتنا وتمرنا وجزء من فلوسنا
المهم الشغالة جالسه تبيع علينا قهوتنا وتمرنا لمدة اسبوع هههههههه
وبص حزرتك مصر منوره يابيه
تحياتي
تراني احتري النصايح
2017-11-01, 10:28 AM
وما اختلف الطعم
المواضيع المتشابهه للموضوع: لماذا الاحتكار على المغرب ومناقشة / دول زرتها - دول تتمنى زيارتها - دول لا تت...
العرض المتطور
الدرهم المغربي مقابل عملات الخليج