زعطه مغربيه لا كانت على البال والا على الخاطر ,, وحضور زواج مغربي

ارسنال · 2017-11-13T20:39:23+00:00

سلام عليكم صباح / مساء ,, الخير اسعد الله أوقاتكم بكل خير ورضا ونعيم يارب أخواني المزاعيط تقريري اليوم بيكون عن زعطه مفاجاه ولا كانت والله لا على البال ولا على الخاطر رحله مفاجأه على الطاير بدون اي ترتيبات مسبقه بدون اي شيء بدون اي حسابات طبعا وصلت الصباح اليوم الساعه 3 الفجر وتوني صاحي قبل شوي وبذكر كل شيء طبعا هالرحله بصفه عامه كانت مليئه بالاحداث الجمميله والصدف الاجمل رحله صراحة كانت ممتعه وأتمنى يكون موضوع بسيط خفيف عليكم وتتقبلونه بكل صدر رحب بداية الرحله كانت من الرياض لباريس ع الخطوط السعوديه قبل اسبوعين الهدف كان باريس بجلس فيها 6ايام وبعدها ارجع دبي اخذ لي اسبوع وبعدها على الرياض هذا كان المخطط طبعا لحالي اقلعنا ووصلت صباح اليوم الثاني باريس إجرائات جدا سلسه تدقيق امني بسيط عند الخروج من بوابة الطائره من قبل الشرطه الفرنسيه تختيم جوازات ع السريع بدون مايفتح فمه واستلمت شنطي كل هذا واكثر في اقل من 20 دقيقه ماهو زي بعض الناس طبعا طلعت ورحت مقر السكن وجلست السته ايام في باريس خلصت اشغالي ومن هالقبيل وتمشيت سهرت مرتين طبعا باريس واوربا بصفه عامه غاليه المهم باليوم الاول يوم الوصول تقريبا على الساعه 11 مساء رجعت السكن وجالس اطقطق ع الجوال دخلت ع الفيس بوك طبعا أنا فيسبوكي درجه اولى يعني نتصفح وندردش المهم فجاة طلع لي بوست شخص مغربي اسمه مروان عباره عن صوره له وكاتب تحت أنه زواجه في اليوم الفلاني طبعا الشخص هذا انا اعرفه وصديق سابق لي كان يشتغل باحد اندية وقت اللياقه في الرياض مدرب وكنت اتدرب عنده باستمرار لمدة سنتين طبعا منقطع عنه من فتره قسم بالله العظيم وناسي منه المهم دخلت باركت له وسولفت له شوي واقوله مزح اني ترى باحضر وماتعزمني ياتعبان ونسينا العيش والملح وقالي مرحبا بيك نورنا وتعال ومادري وش وأحضر زواجي وواتشرف فيك المهم كاني تحمست وشفت الرجال صامل قلت ترى امزح معك قال والله العظيم اتمنى تجي او يجي واحد من الشباب قروبنا في الرياض قلت له تعرف رقمي قال لا قلت خذ وارسل اللوكيشين والله ويرسله وقلت خير ان شاء الله هو يحسب اني اطقطق طبعا هو يقول انا من كازا تفاجات انه بمدينه بعد كازا اسمها بوزنيقه تبعد يمكن ساعه عن كازا المهم انها بدات تدور في راسي لفيتها يمين يسار المشكله اني مرتبط برحله ع الاماراتيه وحاجز بدبي ودافع فلوس ,, سويت لها حسبه ع السريع يمين يسار لفيتها في راسي منا منا دخلت ع موقع الاماراتيه عشان اشوف هل يتعدل الحجز حاولت اعدله يتعدل بس تدفع فرق ورسوم دخلت ادور رحله ع كازا حصلت ,, والله وأحجز من باريس لكازا واعدل رحلتي من باريس لدبي وأخليها كازا دبي دبي الرياض طبعا قبل اعدل لفيتها براسي كم بجلس في المغرب وين اروح هل اجلس بكازا هل اروح مراكش هل اطلع طنجه مادري وش اسوي بالظبط المهم اني حولت الأسبوع الي بجلسه في دبي على المغرب وخليتها زي ماتجي تجي واذا وصلت هناك يحلها الف حلال مع اني ماحب كذا احب ارتب كل شيء قبل اروح بس هالمره خليتها المهم اني خلصت وجيت افكر يبي لي اجيب له هديه مادري وش اجيب له راسلت الشباب في القروب في الرياض قالو مالها غير التمر نشحن لك من هنا تمر وشنطتين من الماجد للعود على كازا وانت استقبلها هناك قلت التمر بكل مكان عجوة المدينه افضل قلت طيب عن طريق وش طيب قالو ارامكس او فيديكس او اتش دي ال قلت طيب قدام ,, مين يتكفل ياشباب وله حلاوته ماقصر واحد من الاصدقاء الله يسعده جلست شوي فكرت وارجع اراسل خويي قلت شف انزل سوق المعيقليه وشف لنا مشالح ارسلي اثنين ع ذوقك كذا قال ماتحس انك فليتها قلت ماعليش صاحبك وحبيبك تحملني قال حسابك عسير اوكي والله ياجماعه في اقل من ساعتين سويت كل شيء وفكرت وقررت وهذا كله باليوم الاول توني وصلت طبعا الرحله صارت بعد 5 ايام المهم اني قضيتها بباريس وتمنيت لو انها في المغرب صاحبي ماقصر اخذ الاغراض ومر ع شركات الشحن يستهبلون اسعار خياليه اخر شيء رسيت على الارامكس وتواصلت مع السواق الي تعامل معه عشان يعطيني عنوانه تجيه الاغراض على بيته ويستلمها هو وعطاني وعطيت صاحبي العنوان وشحن الاغراض وقالو خمسه ايام قلت ياكريم طبعا اليوم الاخير صارت لي مشكله الله لا يوريكم كنت فاضي وقلت خلني انزل صوب برج ايفيل اتمشى حوله وحول النهر وامشي وأغير جو طبعا من قرادة حظي اني نزلت المهم كان فيه عربة فود تراك حول الحديقه الي بجنب البرج طبعا المنطقه هذيك مشهوره بالسرقات وقفت شريت لي مويه وكريب ,, طبعا وانا واقف ويجي واحد يدفني واناظر فيه ويبتسم لي ناظرت فيه طنشته وفجاة ويجي خويه ويدخل يده بالجايكيت سرقني بسرعه فظيعه وحط رجله لحقته ويوم شافني وراه اركض رمى المحفظه ومشى اخذت المحفظه طالع زارف الفلوس الي فيها حول 90 يورو وضيع رخصة القياده وضاعت فيزا وبطاقة صراف يوم رماها الله لا يوفقه المهم اخذتها وجلست ادور حصلت لي اثنين شابب سعوديين هناك واحد من حايل والثاني من ابها مبتعثين عسكر هناك ساعدوني ماقصروالله يوفقهم ويبارك فيهم وحصلو الفيزا والصرافه والرخصه ماحصلناها عزموني للعشاء واصرو علي واكرموني ونعم الرجال والله شرواكم ,, سريت ع السكن ونمت نومه سيئه وصحيت اليوم الثاني وع المطار هذا الجزء الاول , و انتظروني في الجزء الثاني بكمل نوم الحين

alwail2017

مزعوط جديد

المشاركات: 16

تاريخ التسجيل: Apr 2017

2017-11-15, 01:00 AM

المشاركه #21

يسعد ايامك سرد ممتع لاتتاخر علينا بارك الله فيك.

اديب

مزعوط خبير

المشاركات: 8,352

تاريخ التسجيل: Sep 2010

الدولة: رجعتُ أدراجي أصيدُ من المنى حلماً أنام بأفـقـه متوهما

2017-11-15, 01:05 AM

المشاركه #22

ارسنال انت اعطيت دروس مجانية بحسن التعامل و الاسلوب الحلو
واصل يا بطل

__________________

ناصر -777

موقوف

المشاركات: 3,825

تاريخ التسجيل: Dec 2015

2017-11-15, 01:09 AM

المشاركه #23

اقتباس:

المشاركة الأصلية كتبت بواسطة مراكشية doc

متابعة وجالسة بالصف الأول لا حدا يدفني

ماخذه كرسيين ما يصير عطيني واحد

زعطه مغربيه لا كانت على البال والا على الخاطر ,, وحضور زواج مغربي

مراكشية doc

مزعوط خبير

المشاركات: 5,724

تاريخ التسجيل: Nov 2015

2017-11-15, 01:27 AM

المشاركه #24

اقتباس:

المشاركة الأصلية كتبت بواسطة ابو فالح

ماخذه كرسيين ما يصير عطيني واحد

هههههههههههههههههههههههه والله ضحكتني صافي جيبليا مخدة أجلس عليها وخذهم لتنين

roomil

مزعوط مميز

المشاركات: 477

تاريخ التسجيل: Feb 2017

الدولة: مراكش

2017-11-15, 02:00 AM

المشاركه #25

يا مدفعجي
بإنتظارك لا تتأخر علينا

شموخ كازا

موقوف

المشاركات: 22,580

تاريخ التسجيل: Jan 2017

2017-11-15, 02:13 AM

المشاركه #26

دروووووس يستفاد منها

كمل يا برنس بالمتابعة

محمد انت بالصف الاول خلي مكاني جنبك

جيت متاخرة

Fdrel

مزعوط نشيط

المشاركات: 88

تاريخ التسجيل: Jul 2017

2017-11-15, 02:24 AM

المشاركه #27

انا جيت قبلكم من اخذ الكرسي حقى
يعنى اجى اول واحد اجلس وراء مو معقوله

متابعك بشغف لا تطول بليييز

مزاجية

موقوف

المشاركات: 13,246

تاريخ التسجيل: Jun 2012

الدولة: بيتنا

2017-11-15, 03:41 AM

المشاركه #28

بالانتظار

شبيه صويحبي

مزعوط خبير

المشاركات: 3,587

تاريخ التسجيل: Sep 2014

الدولة: دلوعه الغيم

2017-11-15, 03:43 AM

المشاركه #29

اوووف
يعني الواحد مايقدر يروح يشتري له حاجه ويرجع ويلقي كل شي مكانه

مين اخذ الكرسي حقي

__________________
الشجر يموت واقف

شموخ كازا

موقوف

المشاركات: 22,580

تاريخ التسجيل: Jan 2017

2017-11-15, 03:44 AM

المشاركه #30

اقتباس:

المشاركة الأصلية كتبت بواسطة شبيه صويحبي

اوووف
يعني الواحد مايقدر يروح يشتري له حاجه ويرجع ويلقي كل شي مكانه

مين اخذ الكرسي حقي

خد في كرسي ديالي جنب محمد ما بغيته

صفحة 3 من 8

الأخيرة »

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الانتقال السريع

المواضيع المتشابهه للموضوع: زعطه مغربيه لا كانت على البال والا على الخاطر ,, وحضور زواج مغربي
الموضوع	آخر مشاركة
ما كنش على البال ولا على الخاطر يالحبيبه ديالي :(	2021-02-03 03:31 PM
ودي أعرف المنتدى سعودي والا مغربي ؟	2013-12-04 09:07 AM

الساعة الآن 09:59 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

زعطه مغربيه لا كانت على البال والا على الخاطر ,, وحضور زواج مغربي

روابط سريعه