حكايهـ عشق .. تقرير واقعي ( مواقف غريبه)

جميل التقرير و لكن اتمنى طرح جزئين او ثلاثه في اليوم الواحد
لترابط الموضوع و عدم تشتيته و افقاده اهميته
محبتي

عندي أسئلة وملاحظات واستفسارات لكن مأبي أطرحهم الآن عشان مأشوش على التقرير ويتحول المسار لمناقشة تضايق المتابعين وراح أطرحهم عليك بالأخير
أهم شي لاتسوي زي بعض أصحاب التقاير وتوصل لنقطة معينة وتنسحب وماتكمل التقرير

بالتوفيق لك

يعطيك العافية اخوي محمد،والله يخلف عليك التعب،بس عندي سؤال ليش الإصرار على الزواج من مغربية بالذات ليش مو من جنسية عربية ثانية مثلا،مع كامل احترامي وتقديري لبنات المغرب اللي رأيي فيهن معروف ويستحقن من يتعب عليهن ويرتبط فيهن، بس سؤالي للاستفادة ومعرفة الميول الشخصية لان الزواج رابطة مقدسة وتستحق الاحترام ،مع اعتذاري للخروج من مود تفاصيل السفرة

وجودك الأجمل عزيزي
تدري مع العمل والتزامات خارج العمل وانا لما اكتب جزء قبلها أحاول أسترجع كافه اللي حصل بهذا اليوم وأهم الاحداث اللي صارت فيه بعدها أبدا أكتب الجزء وفيه تنسيق وتدريج للاحداث ومع الصور ورفعها وادراجها بالمنتدى ومع ترتيب الكلام ياخذ مني وقت فثلاثه أجزاء صعبه جدا أني أنزلها يوميا يطلب وقت بالساعات بس عشانك وعشان المزاعيط بيكون ايام العمل بنزل جزء وايام الويكند جزئين.
شاكر تواجدك ومرورك الكريم.

اهلا وسهلا بك اخوي
من حقك اخوي تطرح اي شي في بالك والوقت اللي تحب ولو حاب تطرحه في اقرب وقت عشان اجاوبك ماعندك مشكله وان شاء الله التقرير مايتشعب واجاوب على استفسارك مثل ماانا اطرح تجربتي وتقريري وانت تقرا من حقك تسالني اي سوال يخص التقرير ولك حريه الاختيار والرغبه لك سواء تطرحه الان او بعد ماانتهي من التقرير لان احنا لسى في بدايه البدايه والتقرير بياخذ وقت وعندي سبب لطرح التقرير هذا خصوصا بغض النظر عن اللي ممكن يستفيد منه سياحيا اللي بيتعمق في تقاريري من البدايه الى الان ممكن يطلع باامور ماكان حاسب لها حساب وتقاريري هي :-
١:- عقد من الزمان ... أغرب من الخيال .
٢:- هذا ماحدث في كازا.. العشق الممنوع .
واشكر مرورك وتواجدك الكريم

الله يحفظك ويبارك فيك أخوي
صراحه أكثر سؤال حيرني خلال وجودي بالمنتدى واني اجاوب عليه هو سؤالك إنت بس ببدا بالجواب تدريجي:-
١:- من بعد المغرب ماكانت في دوله حاب أتزوج منها الا الشيشان بس أستبعدتها لكذا سبب اولا عدم معرفتي في اي شخص يساعدني بالزواح من هالدوله وثانيا عامل اللغه وثالثا احس فيها ظلم اذا جبتها هنا ممكن تجيها صدمه .
٢:- البلدان العربيه كلها مع احترامي لهم مايناسبوني .
٣:- من سنين وانا اسمع مجرد سمع مثلي مثل اي شخص المغربيه(( صبوره قنوعه ربه منزل من الدرجه الاولى اهتمام بالزوج دلع اناقه طبخ )). بس في امور لاحقه بالتقرير كل هالكلام في اختلاف لان الكلام غير اللي تسمعه ولما تتعمق وتشوف امور في الواقع تربطها مع بعض وتطلع بنتيجه.
٤:/ مقارنه قبل سفرتي الاخيره هذي بين الشباب اللي اعرفهم متزوجين من هنا وبين الشباب اللي متزوجين من المغرب (( اللي متزوجين من المغرب مرتاحين نفسيا اكثر حسب كلامهم مع ملاحظه انهم كلهم الزوجه الثانيه ماعدا شخص هي الاولى )).
واشكرك مرورك وطرحك للسؤال
تحياتي الجميله لك.

(( الجزء السادس))
(( مراكش الحمراء مدينه النخيل ))
[IMG]‏[/IMG]
بعد النومه الجميله مسكت الجوال أتصل على السواق أنه يجيني قالي نص ساعه وأقل أكون عندك بعدها أخذت دش كعادتي ولبست وأسوي تسجيل خروج من الفندق ركبت السياره ولضيق الوقت ولاني بغير المدينه قررت تكون زيارتي لمراكش لساحه الفناء والغداء يكون في أوريكا وبعدها نغير المدينه وصلنا ساحه الفناء
[IMG]‏[/IMG]
تمشينا فيه بين الناس بعدها أخترت أحدى المقاهي
وطلعنا فوق المبنى وأخترنا طاوله وصارت أطلاله الساحه قدامنا من تحت وكان منظر حلو
[IMG]‏[/IMG]
رجعت ذكرياتي الجميله الى هذه الساحه وتذكرت البنت اللي شفتها تصفق وتضحك في أحدى عروض الساحه وكانت جالسه مع صديقاتها وتذكرت أبتسامتها وضحكتها وقتها تمنيت أني أقابلها مر على هالموقف سنه وأكثر بقليل ولازالت في مخيلتي بعد ماشربنا القهوه وأفطرنا وأخذنا كفايتنا مسكنا الخط وعلى أوريكا وانا بالطريق جاني أتصال من البنت اللي في طماريس وقالت أنها كلمت اهلها وأنهم خايفين عليها أنها تكون بعيده عنهم (( طبعا كانت لي محادثات معها قبل هالمكالمه وكان عندها تخوف من الكلام اللي سمعته وعندها نظره سلبيه أن حسب الكلام اللي جاها أن اهل الزوج يعاملوها معامله غير حلوه وانه ممكن اني اتزوج عليها وأعاملها معامله مو كويسه بعد الزواج عششوها بالكلام الناس الله يهديهم الين ماتناقشت معها وغيرت نظرتها)) وانها تبي تكون قريبه من اهلها فقالت نتزوج ونعيش مع بعض في المغرب طبعا أنا شرحت لها أن هالشي صعب ومستحيل بعد ماعطيتها الاسباب بعدها تمنينا لبعض التوفيق وتوادعنا طبعا بعد المكالمه كميه يأس كبيره لان الاحداث اللي صارت معاي جت ورا بعض صدمه ورا صدمه وأحنا بالطريق رايحين أوريكا وقفنا عسكري طبعا وقتها مالي أي مزاج أتكلم وقلت للسواق تفاهم معه وخلص ألامور بسرعه طبعا نادى هو السواق ينزل من السياره وعرف اني خليجي مدري ليه هالنقطه التفتيش بالذات يعرفون من بعيد صارت معي من قبل رجع عندي السواق وقالي يقول اللي معك خليجي خذ من عنده فلوس وعطيني هم عندهم فلوس ومن هالكلام طبعا أحنا نظاميين بكل شي السواق سحب عليه حاول يطلع اي حاجه يخالفنا مالقى شي بعدها مشانا وصلنا أوريكا
[IMG]‏[/IMG]
النفسيه تغيرت للامانه هالمكان يعجبني والجلسه فيه ترد الروح أتامل بالطريق والباعه والاجواء الجميله أخترنا أحد المطاعم وطلبنا طاجن مع كولا وخلينا جلستنا بطاوله على الشلال طبعا تكرمون فسخت الحذاء ورفعت البنطلون شوي عشان الجلسه على الشلال بس بصراحه كان الشلال بارد مره ماقدرت أحط رجولي عليه وغيرنا جلستنا الى الطاولات اللي قريبه من الشلال ونزل الطاجن والسلطه والكولا
[IMG]‏[/IMG]
وجلسنا مبسوطين على الاخر وختمناها بااتاي
[IMG]‏[/IMG]
وانا في اوريكا جلست أفكر أي مدينه أزور وكنت محتار أبدا بالرباط أو فاس وقررت تكون فاس نقطه الانطلاقه تقريبا لنا ساعتين وأحنا بااوريكا بعدها مسكنا الخط ووقفنا عند ماكدونالدز على طريق الرباط نريح شوي تعشينا وكملنا طريقنا وأحنا بالطريق أشيك على الفنادق في بوكنج وأخترت أني أسكن في فندق ايبيس وصلنا فاس دخلت فندق ايبيس حجزت من عندهم تقريبا بسعر 400 درهم والفندق نظيف وتعامل الموظفين فوق الممتاز خدومين اذا طلعت من باب الفندق تشوف شعار مرجان امامك قلت للسواق موعدنا بكره ونام وارتاح ودخلت الغرفه نومه عميقه.
الجزء القادم:-
١:- مكالمه من الرباط؟! امراه كبيره بالسن ؟!
٢:- محادثتي مع بائعه الحلويات في قلب فاس؟!
٣:- تحضيرات وخوف في ازرو أستعداد للخطوبه؟!

يا هلا ومرحبا باهل الدمام والله

بالله كيف الحزم والشمال وش مسوي مع المربعانية :)

الله يتمم لك علي خير ان شاء الله ومبدع كعادتك

تم تسجيلك
يسعدني تواجدك
تحياتي اك

ياهلا ومليون غلا بالشرقاوي نورت
يارجل ذبحنا برد عرعر
اللهم امين يارب
انت الابداع
اسعدتني بمرورك وتواجدك بين تقريري
تحياتي الحاره لك