حكايهـ عشق .. تقرير واقعي ( مواقف غريبه)

عندي أسئلة وملاحظات واستفسارات لكن مأبي أطرحهم الآن عشان مأشوش على التقرير ويتحول المسار لمناقشة تضايق المتابعين وراح أطرحهم عليك بالأخير
أهم شي لاتسوي زي بعض أصحاب التقاير وتوصل لنقطة معينة وتنسحب وماتكمل التقرير

بالتوفيق لك

يعطيك العافية اخوي محمد،والله يخلف عليك التعب،بس عندي سؤال ليش الإصرار على الزواج من مغربية بالذات ليش مو من جنسية عربية ثانية مثلا،مع كامل احترامي وتقديري لبنات المغرب اللي رأيي فيهن معروف ويستحقن من يتعب عليهن ويرتبط فيهن، بس سؤالي للاستفادة ومعرفة الميول الشخصية لان الزواج رابطة مقدسة وتستحق الاحترام ،مع اعتذاري للخروج من مود تفاصيل السفرة

الله يحفظك ويبارك فيك أخوي
صراحه أكثر سؤال حيرني خلال وجودي بالمنتدى واني اجاوب عليه هو سؤالك إنت بس ببدا بالجواب تدريجي:-
١:- من بعد المغرب ماكانت في دوله حاب أتزوج منها الا الشيشان بس أستبعدتها لكذا سبب اولا عدم معرفتي في اي شخص يساعدني بالزواح من هالدوله وثانيا عامل اللغه وثالثا احس فيها ظلم اذا جبتها هنا ممكن تجيها صدمه .
٢:- البلدان العربيه كلها مع احترامي لهم مايناسبوني .
٣:- من سنين وانا اسمع مجرد سمع مثلي مثل اي شخص المغربيه(( صبوره قنوعه ربه منزل من الدرجه الاولى اهتمام بالزوج دلع اناقه طبخ )). بس في امور لاحقه بالتقرير كل هالكلام في اختلاف لان الكلام غير اللي تسمعه ولما تتعمق وتشوف امور في الواقع تربطها مع بعض وتطلع بنتيجه.
٤:/ مقارنه قبل سفرتي الاخيره هذي بين الشباب اللي اعرفهم متزوجين من هنا وبين الشباب اللي متزوجين من المغرب (( اللي متزوجين من المغرب مرتاحين نفسيا اكثر حسب كلامهم مع ملاحظه انهم كلهم الزوجه الثانيه ماعدا شخص هي الاولى )).
واشكرك مرورك وطرحك للسؤال
تحياتي الجميله لك.

اهلا وسهلا بك اخوي
من حقك اخوي تطرح اي شي في بالك والوقت اللي تحب ولو حاب تطرحه في اقرب وقت عشان اجاوبك ماعندك مشكله وان شاء الله التقرير مايتشعب واجاوب على استفسارك مثل ماانا اطرح تجربتي وتقريري وانت تقرا من حقك تسالني اي سوال يخص التقرير ولك حريه الاختيار والرغبه لك سواء تطرحه الان او بعد ماانتهي من التقرير لان احنا لسى في بدايه البدايه والتقرير بياخذ وقت وعندي سبب لطرح التقرير هذا خصوصا بغض النظر عن اللي ممكن يستفيد منه سياحيا اللي بيتعمق في تقاريري من البدايه الى الان ممكن يطلع باامور ماكان حاسب لها حساب وتقاريري هي :-
١:- عقد من الزمان ... أغرب من الخيال .
٢:- هذا ماحدث في كازا.. العشق الممنوع .
واشكر مرورك وتواجدك الكريم

شكراً لك أخي
أنا أفضل الأسئلة والمناقشة تكون بالأخر لأسباب كثيرة مثل :
1- عدم أخذ حيز من الصفحات وهذا يتسبب في ملل المتابعين ويبعد كاتب التقرير عن التركيز في القصة من خلال كثرة الردود
2- احتمال الاقي أجوبة لأسئلتي واستفساراتي وملاحضاتي في ماتكتبه فيما بعد ولذلك لأحب الحكم والتسرع قبل أخذ تصور كامل
3- غالباً المناقشات يتدخل فيها أطراف أخرين وممكن تتحول الى نقاش بيزنطي لافائدة منه

على العموم الوقت اللي أتأكد إنه مناسب لطرح أسئلتي واستفساراتي وملاحضاتي ستجدها في متصفحك حتى لو قبل نهاية التقرير

متابع معك للنهاية

تحياتي

العفو اخوي
فهمت عليك وخذ راحتك
تسعدني متابعتك
تحياتي الجميله لك