لماذا لا يضعون لكل سيارة سعرها في التأجير؟؟؟

انا حصلت لي تجربه سيئة مع معلن في المنتدي ولا وفر لي سيارة
المصيبة يدعي انه سعودي ويستغل اسم قبيلة سعودية وهو مغربي.
وعندي إثبات رسايل وتس اب.

ما ادري يقصدون المعلن اللي يبدا بحرف ح ؟

هل اقدر اكتب موضوع عام عنه او أراسل الادارة.

بالتواصل مع الإدارة اكتبوا كل اللي عندكم مع ارفاق صور المحادثات واي ادله ثانية

__________________

السلام عليكم ورحمة الله وبركاته
أخوي عمر سؤالان بسيطان
هل يوجد مكتب رسمي باسم الشمري كار ؟ هل يوجد مكتب رسمي باسم الحربي كار؟
واذا الاجابة بنعم، وين مكانهم؟


وتقبل تحياتي.

بكل أمانة ما أعرف عنهم شي ولم يسبق لي التعامل ولا التواصل معهم , أخر عهدي مع تأجير السيارات

بالمغرب كان في نوفمبر 2015 وبعدها ارتحت منهم واللي كنت اتعامل معه مكتبه بكازا في المعاريف

__________________

بالنسبة للشمري كار تعاملت معه في ابريل 2015 اتفقت معه يوصلي سيارة لمطار الرباط، وكانت أول وآخر تعامل معه، وأقولها واتحملها في ذمتي لا يوجد له مكتب بهذا الإسم، الرجل سمسار، وبكل بساطة لو كان له مكتب يحط لنا موقعه وعنوانه.

ومو عيب أنه يكون سمسار، العيب انك تتفق معه على سيارة ويوم تجي ما تحصل أي سيارة ويعطلك وتضطر تنلطع بالساعات وتاخذ سيارة ثانية، لأنك اعتمدت عليه وما اتفقت مع غيره.

انا استخدم تطبيق الجوال ولا يظهر لي منو المشرف. ممكن تحدد لي المشرف عشان أرسل له إثبات.

واللي اقصده هو مكتب الحربي ابومحمد. الله لا يوفقه. انتبهوا منه.

عندك قسم التواصل بالاداره ارفق مالديك
من اثباتات

انا حصلت لي مشكله
كلمت احد المعلنين بالمنتدي و اتفقت معه على سيارة متوسطه وكان الاتفاق
و عند وصولي غير السيارة حتى صورها كان مرسلها لي و قلت هذي السيارة لم يتم الاتفاق عليها و كان حجته انها بالصيانه و لما احس بالضغط مني بعمل محضر له بالدرك جاب لي سيارة مشابهه
و اكتشفت ان كفراتها ممسوحه و رحلتي كانت ل طنجه ثم ل اكادير
تركته ولقيت شخص محترم و شركه ممتازة تم الاتفاق معهم ب ٥٠٠ درهم
وكان لمدة ١٤ يوم علماً ان المعلن تم الاتفاق معه ب ٤٥٠ درهم
وبعدها عملت للاول محضر بالشرطة و وعدوني بالاتصال بي
هذا الكلام من ٣ شهور
ولازلت بانتظار الاتصال ههههههههه
اتضح لي بعد الفحص و السؤال انها شركه وهمية و هو مجرد سمسار يستغل المنتدي لصيد الزبائن
المشكله انه هو من تواصل معي ع الخاص
و قدم لي عروض ع الواتس يسيل لها اللعاب

اوه انتبهو من سماسرة تأجير السيارات في المطار نصابين وسيارات اي كلام خلك في المضمون وروح المكاتب اللي تحت عند القطار أو الشركات العالميه بس احذر من السماسره

اخي عمر بارك الله فيكم ونشكر لكم جهودكم انتم و القائمين على هذا الصرح لخدمتنا و نعلم ما تبذلونه و تحملونه في خواطركم بالسعي لخدمة الجميع ولكن نأمل تقبل النقد بكل صدر رحب لانه طريقة للتطوير

هناك مشكلة حقيقية في المنتدى مع بعض المعلنين الوهمين فمثلا شخص يعمل في مكتب تأجير سيارات حب انه يكبر فايترك المكتب ويجلس يسمسر للمكاتب في المطار تجده في المطار يلاحقنا مستغلا بطاقة دخول المطار السارية معه و بطاقة العمل و المشكلة معلن في المنتدى ويتم التطبيل له بقوة و المسكين وانا اقولها بصراحة انه مسكين تتواصل معه من خلال المنتدى و يعطيك اسعار و نوع السيارة و تتفق انت معه لكن المسكين هوا وسيط ( سمسار ) مايملك السيارة و لايعمل في مكتب التأجير فياتي زبون للمكتب مباشرة و ياخذ السيارة او يسحبون عليه المكتب و توصل انت و يكتشف هوا ذلك ويمرمطك في مواقف تاجير السيارات في المطار عشان يحصل لك سيارة و مسوي انه صاحب مكتب و قوي و واضح انه ماعنده الا الضعوي يجلس يكلم بالتلفونات الين يحصل ضالته لو سيارة اقل من الي طلبتها و هذا الي دايم يصير

و تراها صارت معي و من خلال المنتدى وصلت و لا لقيت السيارة وقدمت شكوى و رد علي احد المشرفين مشكورا وانا اقولها مشكورا لاني اقدر الجهد و قالي هل وثقت في المنتدى ، طيب اذا ما وثقت هل يستمر هذا المسكين معلن على انه مكتب كذا في مطار محمد الخامس و هوا شاب بسيط يبي يترزق الله على حساب تعبنا ورحلة شاقة و مرمطة و يمرمط غيري بعدي انا شكاوي مو على ان مالقيت السيارة شكاوي على انه معلن انه مكتب في المطار و ما اعرف ايش و اخرتها خرطي و اعرف انه مقنعكم بهذا الشي لكن والله المسكين مايملك كفر سيارة

و هذا اتمنى تطويره في المنتدى ان اعلان السيارات لمن يملك مكتب فقط او يعمل في مكتب مع تأكيد المكتب لذلك من خلال الوثائق

و الله الكثير عانى و يعاني من هذا الامر المزعج و نتمنى منكم تقبل ذلك بصدر رحب و ترا والله مو الناس و انتم مشغولين و ارسال اثباتات و اروح وانسخ المحادثات و احولها لملف pdf اسويها لما يروح علي المبلغ او نصب علي و ترا هذا مو تكاسل لكن انتم واحنا مشغولين في مشاغل الحياة و لكن اريح لكم واريح لنا تقيد المعلنين لتاجير السيارات بان يكون موثق اي يوثق عمله بان يكون مكتب في المطار و ليس شخصي كما حدث لي مع الشاب المسكين