وش هالمبزره الي في مراكش واستعراضهم بالبنتلي والروز رايس ????

شي غريب والله ... معروف أن مراكش مكلفه ، من وين لهم المال؟!
على ايامنا ندور ارخص دوله،، هذا وحنا موظفين ونصرف من رواتبنا.

اللي صاير بسبب الايفات السناب عشان كذا اكثر هالمظاهر وصغار السن في مراكش

فعلا أسعار مراكش طارت وزادت ١٠٠ ٪؜١٠٠ والله اشوف تصرفات مالها دأعي حتى أماكن السهر صار سعر الطاوله ٣٠٠٠ و ٤٠٠٠ الألف وش ذَا ي جماعة الخير اركدوا والله كذا غلط ،، للامانه بعض الناس وقلت بعض عشان لحد يقول تعمم الطير يوديه يمين ويسار وأخونا في الله مسوي نفسه صاحب المليارات ويهايط بفلوسه فطبيعي الإسعار توصل لهدرجه غير الاستعراض ألي ماله داعي ،، اذ عندك فلوس استعرض ولاكن بالمعقول ،، عالعموم

السلام عليكم انا تابعت الردود كلها وهي محصوره بين رواد المغرب القدامى والشباب حديثي العهد بالمغرب والكل يتغنى ع ايامه لكن من واقع خبره المغرب سابقاً كانت للنخبه فقط الان بعد مشاكل السياسية والربيع العربي فتح مجال كبير لرواد سوريا ومصر خاصتاً انهم يجون للمغرب بافكارهم السياحيه بهذي الدول وخربوو الدنيا ودمرو اخلاق الشعب والنظره للخليجي بشكل عام الى الان رواد المغرب القدامى يستطيعون التحرك بسهوله ويسر وامورهم تمام بس مناطق معينة تعتبر شبه مظروبه عليهم مثال مراكش التي اصبحت مرتع للاطفال والاسعار الي تفوق اسعار لندن وباريس من ناحية السكن والسهر والاكل

بالنسبه للاجار السياراات انصح كل واحد جاي فتره بسيطه ياخذ سواق مغربي يكون عارفه لان اجار السياره 250 درهم والسايق 500 درهم ومريح بالك معاك 24 ساعه هو الي يوديك ويجيبك ولاتبلش بالزحمه والمواقف وانت طالع من السهره والله مالك خلق للسياره وخاصتا اذا ساكن بفيلا دايما مكانها خارج مراكش فا نصيحه خذ سواق

لكن الحمدلله الى الان انا اموري تمام اجي وكل شي جاهز بس الاسعار مرتفعه وهذا مالوم الاخوه المغاربه فيه هذا سوق وحقه يرفع ويستفيد

ونصيحه الي يبي يتمشى يطلع شمال لين يوصل مليليه

ولكم تحياتي

من راقب الناس مات هما ....مراكش من عرفت وهي غالية .

والمغرب هو غالي من زمان .
اخواني الكبار من رواد المغرب قبل ١٩٩٣م.

الدنيا تغير حتى في بلادنا والخليج والعالم أجمع .
بالنسبة لتصرفات الصغار ....صبيانية ....ومشكلة اذا صغير السن تولع فالمغرب ؟!

بس على فكرة وأمانة الأجيال الأخيرة تشوف يمكن بعضهم سبك ....والله خطيرين ولايدفع الابمزاجه .
عكس اللي اعمارهم الان من ٤٠الى٥٠ أكن لهم كل تقدير وفائق الاحترام ....كانو يدفعون في الطالعة والنازلة .
كلامي من تجارب سمعت وشفت وعايشت ....وااله صبيان ماهم سهلين ....اتركو عنكم ....لا وصل في البعض هو اللي يخرفن ويستغل اموره ١٠٠% .

اللي يبي يتوكد من كلامي يتنشد ويتهسس ....

المغرب ارى انه افضل من ذي قبل بكثير ......واكيد الكل عارف وملاحظ هذا الشئ وخصوصا ط ن ج ة .....ومافي اطراف طنجة .

طنجة من تركوها حكام الخليج وخوياهم ورفقاهم وحاشيتهم واللي مع الحاشية ....الأمور في صالح السائح البسيط .
اسأل وترى كلامي ١٠٠% .

دمتم بود .

وصلت خير يالامير

اي خير،،، ههه راحت فيها طنجه الباقية ماهو العاليه ،،، وعلى فكره. ترى الريال اول يسوى. بين 3 الا 4 درهم مغربي. وين كانت غاليه!!! وليت الواحد يعرف وش كان تسوى 4000 درهم ذاك الوقت.. بمعنى ثاني ماكانت غاليه. العيب أخلاق وتصرفات العالم هذي اللي ماتعرف تتصرف وتفسد كل شي حلو. كانت بعيده عن كل المبزره وايضا كانت تايلند وبعدها سوريا ومصر مبعده عالم ماودك تطب الديره ويكثر الهرج والمرج. ولكن ......
سلامتكم.

اللحين هم يعانون من ازمه اقتصاديه بسبب تحديد سعر الصرف وفي اخبار ان حكومة المغرب راح تقوم بتحرير العمله تجنبا للتضخم
واحتمال راح نصرف الريال باربعه او خمسة دراهم زي ماصار في مصر بس راح يبقى الوضع نفسه او يتغير الله اعلم

عفوا اخوي متى وصل الريال 3درهم ؟

كل العالم زادت اسعرها حتى اندونسيا كنت تفل ب ٥٠ ريال الى ١٠٠ ذلحين حدود ال ٥٠٠

كل شي تغير اه يا زمن