وش هالمبزره الي في مراكش واستعراضهم بالبنتلي والروز رايس ????

مرحبا ب الكل ..
الموضوع عادي جدا ..و سؤالي وين المشكلة..
اخي الكريم .. سواء الناس المريشين والا الناس الفقرانه.. الغالبية تحب المهايط.. وهذي بالاول والأخير طباع والطبع يغلب
لو شفت اللي ب أوروبا كيف عيال الأكابر يستعرضون بسياراتهم وغيرها .. وما ودنا نتعدي ونقول اسماؤهم والكثير منهم من العوائل المحسوبة مخملية
طبعا الكثير من الناس .. تسافر ..
لكن بالغالب العبد لله يجمع هالمقسوم طول السنه ويخطط خط سيره و وين اسكن و وين ادج ومن بيروح معاه وعسي يطلع فلتة زمانه .. وقطة .. وبطاقات وهلم جرا
وما الومه .. فيما لو صادف .. هالنوعيات اكيد ب يجي له احبااااط (مع نفسسسك) محد درا عنك
الناس رايحه تنبسط وكل واحد يمثل نفسه وما اعتقد ان أهل البلد بيشوفون الكل .. سواسية الا اذا !!!! و حط تحتها خطين ..
اذا سياحته مقاربه لهالاشكال.. ويتخللها.. الكثير من عرض العضلات ..
بالنسبة للمغرب بالذات
يبقي المغاربة شعب ذكي ويعرف الكفت ويميزون بين السياح .. ومستوياتهم
المشكلة .. بالصيييييييع سواء صغار والا كبار بالسن...
هم من شوه النظرة ..

اذا الواحد سافر .. لبلاد .. وما حط بباله كيف يكسب له ناس ويكون صداقات و علاقات طيبة .. هذا ما عنده سالفه ..
ومربط الفرس .. ب ايدك انت
مدري ك أني ب شطح واجيب العيد ..
نكتفي

ذكرني بذيك المصرية الى تقول
(((انا اعرف اتحشا خليجي وايد وايد)))

تغافل وغمض وطنش وركب سماعات في اذنك

طبيعة اي موضوع يكون فيه مؤيد ومعارض ولكن اظهار انك غني وثري باستعراض مجوهرات او سيارات فاهره حذرت منه السفارات السعودية في عدد من البلدان مثل اليونان وبريطانيا وفرنسا .. انت كذا تعلن للعصابات انك غني وهناك من يترصد لك شفنا شخصيات كثيرة انسرقت بسبب هالشي لعل ابرزهم ع.ف.س في فرنسا لذالك ياسائح احرص دائما على على عدم لفت الأنتباه من اجل مصلحتك الأمنية اولا واخيرا بغض النظر عن اي شيء ثاني .

الناس الكلاس ومواترهم خليجية تحصلهم نازلين بروز ولا بنتلي ولا بورشيه تقول في خاطرك هذه المواتر اللي تستحق تدفع عليها وتشحنها وتتمشى فيها اما اللي نازل ب جي تي ولا سلكا ولا طرانز ام من سنة جدي ومشغلي بشير شنان و عزازي بجليز سلامات هههه ولا مابقى طير ماصور على شنطة الموتر وجنب اللوحة اهم شي كأنه الموتر معلم ويمثلنا ويمثل ثقافتنا طبعا مع اغانيهم الفاشلة فشلتونا والله
لازم تغيير البوصلة والبحث عن اماكن مايصلونها الناس ذي

مشكله الهمج الرعاع مع الفقده يحسبون الناس تضحك لهم
وفي الحقيقة عليهم.

من تابع الناس مات هماً
خلو الناس تعيش واسهر واستانس

والناس مايعجبها العجب حتي لو اركب حمار ينتقدوني

هذوول شباب مراهقين صغار ودهم يكشخون ويستعرضون خلووهم يعيشون ويفرحون

خذوها مني الي يبي ياخذ راحته لايسافر في الاجازه الصيفيه الي تصادف اجازة الطلاب والموظفين. سافر اذا رجعو دواماتهم واستمتع ي حبيبي

اتفق معاك ، فعلاً

يااخوان انتو مكبرين الموضوع شوي طبيعي اذا كنت مرتاح مادياً بكشخ بروز والخ كل يمد رجله ع قد لحافه
مسالةانها بتغلى عليك مراكش هذي حال الدنيا حتى ف ديارنا الاسعار بزود والله يلطف بالمسلمين ..