رحلتي إلى مملكه تايلند

السلام عليكم ورحمه الله وبركاته
مساء او صباح الخير على الجميع
أتمنى ان تكونوا بأتم الصحه والعافيه
كعادتي بالسفر تمسك معاي مرات السفره قبلها بيوم وهذا اللي صار وأنا جالس مع خويي في مقهى بمدينه الخبر بالمنطقة الشرقيه وأنا جالس أسولف مع خويي اقوله طفشان ويبي لها سفره وكان مابقى الا أسبوع وتنتهي اجازتي والله وبنص السوالف تمسك معي الا أكون بكره مسافر بااي طريقه وعشان ابدا للرحله سويت اهم اتصال وقتها لخويي بالعمل انه يمدد لي الإجازة أسبوع وبعد مااخذت الاوكي.
عدلت جلستي بالكوفي وجلست أقول لخويي وين اروح دوله مسموح يسافروا لها السعودين بدون فيزا جلست اقلبها تركيا رحتها مرتين ومالي كم شهر من جيت والمغرب زرتها خمس مرات خلال سنتين تقريبا وكنت جاي منها من سته شهور ولزوم التغيير جت في بالي جورجيا واذربيجان بس حسيتها مو وقتها كنت محتاج لدوله فيها جزر وشواطئ بمعنى اصح رحله استجمام وريلاكس وأنا اسولف مع خويي وين وماوين إلى قالي عليك بتايلند واعطيه هذيك النظره مع الابتسامه وأقوله كيف ماكيف وممنوعه ومن هالكلام قالي توكل على الله وموضوع المنع بسيط كنت وقتها محتاج بس تعزيز ومسكت على تايلند واشيك على الحجوزات لقيت رحله بعد عشر ساعات من مطار البحرين إلى بانكوك مباشره الذهاب يوم الاثنين 2019/8/26والعوده2019/09/5 بسعر 1850 ريال سعودي على طيران الخليج وعلى طول من شفت الرحله احجز وأسلم على صاحبي وأروح البيت وأسلم على الأهل وارتب الشنطه وعينك ماتشوف الا مطار البحرين.

ههههههههههه كفو

__________________
الشجر يموت واقف

كفوك الطيب????

عليكم السلام

اكمل بانتظار التقرير لحد الان احنا بالبحرين

ابشر

ونا بمطار البحرين قبل الرحله صرفت دولارات خذيت معاي 1500 دولار كاش والباقي بالبطايق وبعدها جلست بمقهى افكر وين اروح وقررت تكون رحلتي ثلاثة أيام بانكوك - ثلاثة أيام بتايا- ثلاثه أيام بوكيت- اخر ليله بانكوك بعدها دخلت بوكينج حجزت ليلتين في بانكوك مع إمكانيه الالغاءوشريت لي كرز دخان وبعدها اقلعنا وحنا بالطائرة وزعوا علينا كروت نعبيها مثل نظام المغرب سابقا وصلنا مطار بانكوك تقريبا الساعة 8:30 الليل وصلت قريب الجوازات عبيت الكرت وجيت بدخل وقالي العسكري عندك فيزا قلتله لا ياشرلي بيده يقولي تشوف هالاوراق خذ وحده وعبي بياناتك خذيتها والبيانات تشمل رقم جوازك ورقم رحلتك ووين بتسكن واسم الفندق ولازم تكون عندك صوره تكون بالورقه صرفت ميه دولار=2800 بات بعدها رحت محل تصوير جنبهم على السريع صورت وجهزت اموري ورحت عندهم وخذوا الجواز وقالوا لي ريح شوي وجلست اقل من خمس دقايق وعطوني الفيزا بعدها رحت للجوازات وختمت وعلى الشنط وخذيتها وطلعت شريحة اتصال بحدود 700 بات تقريبا.
في واحد من اخوياي راعي تايلند توصلت معاه واتس قلتله انا الحين توني واصل بانكوك وش الوضع جلس يضحك قالي انا الحين في بتايا كانت صدفه بعدها كلمني واتفقنا نتقابل في بتايا رحت مكتب تأجير سياره وطلبت انه يوصلني لفندق في سي بتايا وكانت السياره جيب تويوتا قيمه المشوار 2300بات صرفت بمكتب جنبهم ميه دولار ثانيه ومسكنا الخط وبعد ساعه ونص تقريبا وصلت الفندق في بتايا وكان خويي منتظرني سلام وحضن وعلى الفندق على طول حجزت بالقسم الجديد غرفه بسعر 1300 بات وشور سريع وطلعنا نتمشى ويعرفني على اخوياه صرنا قروب من سته أشخاص .

كمل اخي محمد ..
متابعينك وبقوووووة

حياك اخوي

ياه يا تايلند
توي جاي منها

كمل حبيبي متابعينك

ولايهمك تركي