ارغب في شراء عقار في طنجه

اول شي السلام عليكم وكل سنة والجميع بصحة وسلامة وشف وانا اخوك انا بعطيك نصيحة لوجه الله اذا كانت الشقة في عمارة فيها سكان و هدفك سكن خاص لك وبتأجرها على ناس ثقة ومن طرفك وتعرفهم فتوكل على الله واشتر اما غيره انا ما انصحك وبعطيك الأسباب اول شي لو بتأجاهر على ربعنا ماهو كل واحد ثقة وفيهم الصالح وفيهم المنتهي وبتدخل في متاهات مع الجيران حتى لو كان ملكك وانت عارف قصدي اغلبهم يبيها بحري و الصراحة ربعنا هم اللي يدفعون مبالغ فلكية في السكن وغيره وهم اللي وراهم بتلقى مدخول كويس اما اذا قلت بتأجرها على المغاربة او الأجانب الخواجات ما راح يدفعون اللي يدفعون ربعنا يعني بعطيك مثال مثلا في الشقق اللي حول الكورنيش اسعارهم تبدأ من 300 درهم إلى 500 درهم وتاصل 700 و800 وأكثر بس اغلب المغاربة المغتربين والخواجة ما يدفعون اكثر من 500 الغالبية منهم وبالنسبة لشقة سعرها يوصل في ذيك المناطق حول المليون درهم وأكثر ما تسوى الشغلة وبالنسبة للأحياء في طنجة عندك ايبريا وشارع فاس والمصلى وشارع مولاي يوسف وشارع محمد الخامس وحول الكورنيش والاحياء اللي حولها وفيه أماكن كثيرة وعندك موقع افيتو المغرب فيه شقق وبرضه اكتب في اليوتيوب فيه معلنين ومبوب المغرب ولاكن انا اشوف انك تاخذ لفه عليها وخاصة اليوتيوب وتروح تدور بنفسك أفضل وبتلقى ما يسرك والله يعينك وانتبه لا تأخذ شي ماهو محفظ لو ببلاش ورح للسفارة قبل كل شي وهم يفيدونك اكثر واذا لقيت شي واعجبك مر أقرب موثق وخله يشيك على الأوراق ومن بعدها شف لك محامي ويفضل عن طريق السفارة وانا الصراحة ما اعرف كم حدك عشان اعطيك الشور صح لاكن اذا تبي مدخول استثماري كويس مالك الا تشوف كمباوند فيه فلل وشقق أفضل خصوصية اكثر عشان تأجر على ربعنا وابشر بالفلوس وهاذي اغلبها في مراكش واتمنى اني افدتك واي خدمة انا حاظر