اصحاب السفر الكثير كرما معلومة

+ زيد على ذالك لو بغيت تعدل حجز تذكرة راح يقولك ارجع للتطبيق اللي حجزت منه مثل ويجو او فلاي ان او المسافر او تطبيقات اخرئ ، ماراح تقدر تسترجع ولا تعدل وفوق هذا الشحن مبهم في التطبيقات يعطيك شحن وتتفاجاء عند كونتر المطار يقولك ادفع

الافضل الحجز من موقع الخطوط اللي بتسافر عليها
عشان لاسمح الله لو بتعدل حجز او ترفع قريد او تسترجع يمديك

__________________
‏هلا بالصمت دام الصمت ما يجرح مشاعرنا.

بالفعل هذا الحاصل فقط ويجو للبحث وعند وجود السعر المناسب يتم الانتقال الى الموقع الرسمي لان مثل ما تفضلت الافضل موقع الخطوط الرسمي..

بالفعل وهذا الحاصل .. الى في نطاق ضيق اذكر في ماليزيا كنت انتقل الى احد المدن التابعة لها استخدمة التطبيق ولكن المخاطره بسيطه لان السعر 250 ريال يعني ما تفرق كانت تجربة والحمد لله عدت بنجاح،،ولم يكن معنا حقائب بغير حقيبة الظهر

الحجز بدري زين بالسعر
لكن وضع الدولة المستضيفه و حالات الكرونا لديها لازم الواحد يتاكد ان الامر يساعد ع السياحه .
اقترح من نهاية ابريل هو الصح وهذا التاريخ اجمع العالم انه تتضح الرؤية بذلك الوقت .
لا للمغامرة الفيروس ما يلعب و حالات كثيرة تسببت بموتها بمجرد التهاون بالاجراءات الاحترازية .
كفانا الله واياكم كل شر .
مجرد رأي

نعم تم إرجاعها بعد مماطلات شوي
وبالنسبة للضرايب مااتكلم عن ضريبةالقيمة المضافه ولا لها علاقة
مليون الف ضريبه للتذكره رسوم مغادرة ورسوم قدوم وضريبة جمارك و.......

ولما قلت اكسبيديا والمواقع الرسمية للخطوط هي اضمن من بقية المواقع والتطبيقات لأن اكسبيديا وسيط مباشر لك مع الخطوط المختاره ومو مثل سكاي سكانر لأن الأخير يعتبر وسيط لمجموعة من الوسطاء لدى شركات الطيران .
يعني مثلآ في اكسبيديا تدخل تبي تحجز لأي بلد تحط التواريخ المطلوبة وبيانات الجواز اذا ماكانت لك عضوية عندهم وتسدد بالفيزا وتطلع التكت على طول


ولكن سكاي سكانر تحط التواريخ والوجهة ويطلع لك مجموعة من العروض وتدخل اي عرض فيهم يحولك لمجموعة من الشركات الوسيطه الأخرى مثل رحلات و... ومن ضمن العروض تلقى عرض الخطوط اللي انت مختارها ولاحظ فرق السعر بين اقل عرض واعلى عرض فيه لحسة مخ ويبي له شوي تركيز

يعطيك العافية ومعوض خير
اكسبيديا بالاساس شركة سفر اللهم حطّت لها محرك بحث لانها شركة قديمة جدا وبالتالي تواصلها اسهل ومباشر مع شركات الطيران
لكن اكسبيديا احيانا تحجز لك عن طريق وسيط ولا تكتشف الا اذا جيت تعدل على التذكرة وهذا طبيعي
وعلى فكرة تبعها كم شركة مثل ترايفاجو اللي ازعجونا فيها بالخليج وهي نفس نظام سكاي سكانر وغيرها
بس فعلا الحجز عن طريق شركات السفر متعب ويبغى لك تقرأ نظامهم وتعطيهم من وقتك ما ينفع تحجز وتمشي زي شركات الطيران بالنسبة لي اكتسبت خبرة وصرت اعرف نظام كم شركة لكن فيه شركات جديدة هذي انتبه لها ... يهمني كثير التوفير في رحلة الطيران لو 200 ريال.

**********

نقطة خارج النقاش
ترى المستقبل للشركات بيتخلصون من المقعد الاقتصادي economic seat وبدوا يستبدلونه بمقعد prime economic seat من زمان موجود بس توسّعوا فيه
اذا حجزت رحلة اقتصادية عادية مستقبلا حط باعتبارك انه ممكن لا لك عفش ولا التذكرة مرنة ولا تقدر تختار مقعد هم يختارون لك قبل الرحلة بساعتين واخر من يركب الطيارة بينما الاقتصادية البرايم فيها هالمميزات واكثر (هالفكرة بدوا يطبقونها بأمريكا واوروبا) والهدف رفع سعر التذكرة بس بتقديم خدمات اكثر (تبرير)
اقول هذه النقطة للجميع علشان ينتبه لحجزه لا تاخذها زي العادة لان شركات الطيران تغيّر انظمتها باستمرار

وللمعلومية موجوده الحركة هذي ولها فوق خمسة عشر سنة بعض التذاكر ماتحجز لا كرسي ولا لك الا شنطة ظهر
وتوها تاصلنا قبل سنه يمكن طبقوها للرحلات الداخلية.
في عام 2006 مستخدمها من أوكلاند إلى سدني

بالله وصلتنا انا ما اسافر داخليا الا للقصيم ويا بالسيارة يا بالقطار هههه
ايه توها توصل للشركات الامريكية اللي حاليا ولا شنطة طبعا المقصد checked bags لو تشوف الامريكان كيف يشيلون من الشنط الظهر واليدوية اللي تدخل الطيارة (مرة شنطتي اليدوية حوّلوها ل checked لان الطيارة امتلت بس ما دفعوني شيء) بأمريكا تقريبا:

اول شنطة ب 30$
ثاني شنطة ب 40$
ثالث شنطة ب 150$
الرابعة وفوق ب 200$
اتكلم عن تجربة مع اميريكان ايرلاينز واعتقد اغلب الشركات الاسعار متقاربة
زمان كان اول شنطة مجانا ما بدوا بالرسوم الا قبل سنة اعتقد فشكل شركاتنا تتبع النموذج الامريكي
هههههههه تخيل معك ثلاث شناط ابلش يصير الشناط يبي لها ميزانية

وحتى في أمريكا من ألف سنه موجوده
وبصراحة مدري من وين جايب المعلومه انها شي جديد

موجودة بالشركات الاقتصادية سبيريت Spirit وطقتها من زمان هذي شركات تاخذ رسوم حتى على الموية
الشركات الرئيسية اميركان ودلتا وساوثويست كانت تذكرتك يجي معها شنطة مجانا بوزن 25 كجم او 50 حسب كل شركة لكن تغير النظام بالسنوات الاخيرة (تقريبا اخر سنتين) ... أنا اسافر لامريكا وداخل امريكا لي فوق 10 سنين
ساوثويست الى اليوم ما طبقوا نظام كل شنطة برسوم ... الشنطة الاولى بدون رسوم مسافر عليها قبل ايام ولا اخذوا علي ولا دولار

أجل حقك علي
أنا فهمت قصدك انه مو موجوده أبد