استفسارات هامة

ماقصروا الاخوان الله يعطيهم العافيه جميعاً فصلولك و وجهوك

الغالي issa888 برأيي لو ما القى احد يقبل فيني يزوجني ماتزوج من المغرب على هالمرمطه

بس السؤال اللي يدور براسي كيف اجراءات الطلاق ههههههههههه

isaa888
جعلك ووالديك بالجنه بيض الله وجهك كل شي واضح اعشق التفاصيل اشكرك بقوه
اما لو يسخر لنا الله احد يقول لنا طريقة اصدار التصريح من امارة الرياض من طقطق لسلام عليكم ادعي له من كل قلبي
بس فيه مواضيع ماقصروا المزاعيط القدامى بس بعضها قديم وتغير النظام

كوفيد
حبيبنا صح الاجراءات كثيره بس سهله وهذا حقها يمدي تخلصها باسبوع وانا احب اخذ وقتي بهالامور بعطيها شهر كل يوم اخلص حاجه صابرين +30 سنه مانصبر شهر
هو فقط التصريح اذا طلع التصريح الباقي سهالات باذن الله انا افكر اطلع تصريح بس الافضل تحدد الزوجه لان اظن التصريح له فتره ولازم يجدد وانا ما احب ضغط الوقت

اما اجراءات الطلاق بسم الله علينا ههه يخضع للعقد ونظام الاسره بالسعوديه والمغرب عادي يعني ترى المغرب ماعندهم نظام الغرب مقاسمة الثروه الخ الخ الا اذا مكتوب بالعقد
( اتوقع ) ان نظام الاسره عندنا اصعب للرجل هالحين من المغرب لاني اشوف شباب مطلقين ويعانون رواتبهم تروح نفقه واجار بيت الخ الخ شي بحق وشي بباطل خلنا على المغرب راحه من كل الجوانب بس اهم شي حسن الاختيار وعدم الاستعجال والدعاء وقتها ترتاح بدون نكد وهموم ووووووو مايخفاك هذا عدا التكاليف الماديه للزواج عندنا وعقب الزواج الغير مفهومه ومقبوله على الاطلاق

اهلين ياغالي
التصريح مدته سنه ، و الان مع كورونا الوضع اسهل ( هذا راي شخصي )

مافيه اي تعقيد الا اذا انت عندك سوابق او غير مؤهل او بيتم رفضك من الحكومه المغربيه ، لكن اذا اوراقك سليمه وماعندك اي مشاكل ، مافيه تعقيد !

تطلع الاماره تاخذ الخطابات ( الاحول ، الشرطه ، المستشفى ، الجنائيه ) و تجيب منهم ( خلو سوابق ، اثبات سكن ، فحص طبي ، تعريف بالراتب ، الحاله المدنيه )

يفضل تاخذ منها نسخ و تختمها طبق الاصل ، و تقدم الاوراق وخلاص ، هذا كل الموضوع !
اذا انت متعود عالراحه بتشوفه متعب ، لكن اجراءات روتينيه

الله يوفقك ويكتبلك الخير
وماقصر عيسى من الالف للياء كفى ووفى .
عند ماتخذ الرقم من الخارجيه .توجه للسفارة شؤون رعايا بالسفاره ونعم فيهم اخوه ونخوه وتاخذ الطريق من اوله . وبجانب السفاره قبل ميغا مول مكاتب معترف فيها من السفاره توجهك السفاره بنماذج .
واذن من طين واخرى من عجين لكل من يريد يقدم لك خدمات انتبه .
مايقصرون الاخوه فسفاره ونعم فيهم يدلونك ويسهلولك الامور واذا واجهتك اي مشكله لاتردد في الاتصال لو عقدك احد ولا طلب رشوة .
والتصريح تقدر تجدده لو مر عليك عام .
بالنسبه للي يرغب فالزواج من المغرب .
ممكن تدخل على موقع الاماره وتقدم طلب من دون الذهاب وتحول للشرطه ومن هناك تبدا الاجراءءت المهم السجل يكون خالي من السوابق .من شهر الى 3 شهور حسب متابعتك .

بالنسبه لوضع المغرب طبيعي النهار معاش بعد 8 لباس هههههه فحص كورونا .
اذا حصلت على رقم تصريح والرقم الصادر من الخارجية للسفاره وضحه .وحاول تتصل فيهم .من حقك السفر .
ابعد عن الوكالات .
وماحك جلدك مثل ظفرك ههههه .كلها ايام تمشيه روتين وينتهي .
احرص على شهادة العذريه من مصحات معترف فيها فالسفاره .اذا اردت الزواج ببكر.

على راسي ، بيض الله وجهك .

إقتباس
((جعلك ووالديك بالجنه بيض الله وجهك كل شي واضح اعشق التفاصيل اشكرك بقوه
اما لو يسخر لنا الله احد يقول لنا طريقة اصدار التصريح من امارة الرياض من طقطق لسلام عليكم ادعي له من كل قلبي
بس فيه مواضيع ماقصروا المزاعيط القدامى بس بعضها قديم وتغير النظام))

الله يسلمك حبيبي (حبيب طنجة ) ووجهك ابيض
الاجراءات كالتالي :
تقدم على الطلب من خلال موقع الامارة
تجيك رسالة على الجوال فيها رقم المعاملة ويفيدونك انهم حولوها لشرطة الرياض
ترووح بالرقم لشرطة الرياض بعد كذا 3 ايام
هناك عاد الله يعينك على طلباتهم
تعبي استمارة عندهم
شهادة الادلة الجنائية
شهادة فحص طبي زواج
برنت من الاحوال
معلومات عن المخطوبة
مقيمة أو غير مقيمة
كرت العائلة ان كنت متزوج
وكذلك شهادة طبية تثبت مرض الزوجه مثلا عقيم لاتنجب
( السكر , الضغط) إنسى
وبعد إكتمال هذي الاجراءات يحولوا المعاملة للامارة مره اخرى
ويكلموك الامارة تحضر معاك صور جواز المخطوبة
وبعدين يحولوها للداخلية
تأخذ لها تقريبا شهرين حتى تتحول للخارجية
موافقة الزوجة اذا كنت متزوج ( الموافقم هي ورقة عادية توضح بصراحة موافقة الزوجه , وتتصدق من الخارجية ) لان هذا الشرط من السلطات المغربية وبس .......
الله يوفقك

some1nice

امين واياك حبيبنا الله يسهلها لك ويوفقك اما انا افا عليك حاسبها بالقلم والمسطره مع اني صيدلي بقول معادل المعادله الكيميائيه ومقرر من سنين ومستخير ومرتاح بس كل سفره اقول السفره الجايه مع اني ساكن بينهم ولا احتاج حتى ادوّر عاد تصدق قبل الحظر كنت جازم وابي اطلع تصريح وقالوا لي عينها اول احسن وكنت خلاص بروح اخطب لدرجة اني قلت لاختي ادعي لي مسافر المغرب بعد شهرين بنية الزواج وشكلها دعت علي ههههه لا والله ماتسويها بس امر الله سابق وكل تاخيره بخيره عسى الله يجيب السفر ويكتب لي الخيره من مغرب الخير والحب



issa888

جعلك تسلم والله يجزاك الف خير ويرزقك من اوسع ابوابه ويرحم والديك
والله الاجراءات سهالات ان شاء الله منب مستعجل وبمزمز عليها بس يبي لي اعينها اول
والحمدلله انا ما سبق لي الزواج يعني تطيح عني نص الشروط موافقه وشهاده طبيه للزوجه الخ
ممتاز ممتاز وضحت الصوره كامله نروح المغرب نخلص الامور بشكل مبدئي نجي الرياض نبدأ بالاجراءات ونكمل الاوراق وخلها تاخذ ثلاث الى خمس شهور وبعد ماتكتمل نرجع ونتم الموضوع على بركة الله ونتبع اجراءات المغرب اللي وضحتها جزاك الله خير وعطنا الفيزا ديالها واذا رجعت نطلع لها اقامة زوجة مواطن وتبدأ الحياة سليمه بدون ظلم او لف او دوران ما مثل النظام
بيض الله وجهك وسهل الله كل امورك

وجهك ابيض ابد واجب للحر