تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

تحذير بخصوص الرنج من بعض شركات تاجير السيارات

DarkMoon · 2022-05-12T23:09:47+00:00

السلام عليكم ورحمه الله وبركاته اسعد الله اوقاتكم بكل تحذير بعد تجربة احد شركات التاجير من دون ذكر اسماء والتاكيد على استلام سياره جديده اللي هي ررنج بيبي فيلار تم الاتفاق مع الشركة على ان السياره شرط تكون جديدة ونظيفه وموديل 2021 لاني بختصار راعي خطوط وابي موتر نظيف بعد الوصول للمطار حصلت سيارة موديل 2020 او 2019 ماشي 88 الف بويتها غير نظيفه ودقات كثيره حول السياره هذي مو مشكله المشكله العظمى ان المندوب مقتنع انه السياره نظيفه سياره موديل 2021 وكلنا نعرف ان رنج روفير غيرو القير بدل مايصير فرار صار قير عادي وكذلك شكل الدركسون والباقي مازال كماهو هذا مكتب التاجير مركب قير مدري مرهم حتى شكله مو شكل قير رنج حتى يصبح شبيه الى موديل 2021. ويجي يقول للزبائن هذي موديل اخر دفعه 2021 بعد تجربة السياره واضح ان القير فيه مشكله استجابة السياره ضعيفه جدا وكذا كل شوي يفصل دواسة البانزين اذا هديت بعد تجربة السياره اول يوم ماقدرت اسوقها بسبب رادتها كلمة صاحب الحلال ماقصر معي لكن اضطريت اني ادفع مبلغ اضافي حتى احصل على سياره نظيفه للاسف . احيانا الشخص يوصل المطار ويبي يخلص مو فاضي وجع راسك وقروشه لكن انا هنا اقولك ستوب المبلغ اللي دافعه حرام ماتاخذ مقابله خدمه مميزه نصيحه لا تثق في كلام بعض مكاتب التاجير دائما اطلب السياره بالموديل واحرص على ان السياره ماتكون ماشيه كثير انتبه من بعض شركات التاجير ابي تحاول تعوض خساير كورونا تعطيك سيارات قديمه مكدوده.. عموما انا اتحدى اذا الموضوع ما انحذف هههههه

خالد الرياض

مزعوط فضي

المشاركات: 775

تاريخ التسجيل: Apr 2013

الدولة: الرياض

2022-05-14, 11:14 AM

المشاركه #12

اقتباس:

المشاركة الأصلية كتبت بواسطة DarkMoon

انا ياخالد راعي خطوط واعتبرها جزء مهم من السفره يعني عادي وانا في طنجة يجيني ملل امسك خط الى اغادير وصارت كثير

واخوك من اصحاب طوال القامه هل تتوقع ان لو معي سياره صغيره بصمل على هالخطوط؟

عموما رحلتي الاخيره قعدت بالمغرب ٢٢ يوم تقريبا وموتري كان من الفئة الغاليه شوي .. ولا عمري خذيت مخالفة او احد وقفني في نقاط تفتيش الدرك.. اللهم على مدخل اكادير وقفني واحد قال بسلم عليك بس قعد يسولف معي شوي ومشيت ..

اذا التزمت بالسرعه القانونيه والانظمة خله يوقفك يسولف معك شوي وطقطق معاه شوي وسير بحالك. خلك وسعيد صدر انا كنت اول اعصب اذا وقفوني الحين اخذهم طقطقه وسعه صدرك والامور هاتيه

اما بخصوص الراحة اكيييييد فرق السما عن الارض ،، الرينج اوصل وجهتي ماودي اني انزل من الراحة وصوت الميوزك المريح ع الاذن مهوب مثل الكوري يلعب فيك الهوا والميوزك طقطقة مواعين وانواع الصداع ههههه

اذا راعي خطوط خذه وانت مغمض وموفق

تحذير بخصوص الرنج من بعض شركات تاجير السيارات

اقتباس:

المشاركة الأصلية كتبت بواسطة DarkMoon

__________________

.
أسلَي نفسي والدنيا تسلي نفسها فيني

أجاري الوقت لو عاند لوه ما يجاريني ي

BB :
[]

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تحذير بخصوص الرنج من بعض شركات تاجير السيارات
الموضوع	آخر مشاركة
تاجير السيارات	2019-11-19 03:21 PM
هام بخصوص تاجير السيارات	2016-12-04 10:14 AM
شركات تأجير السيارات العالميه في مطار كازا	2015-08-17 11:59 AM
تاجير السيارات	2015-01-28 07:29 PM
افضل شركات تأجير السيارات في أقادير	2013-12-25 09:42 AM

الساعة الآن 12:27 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تحذير بخصوص الرنج من بعض شركات تاجير السيارات

روابط سريعه