تحذير بخصوص الرنج من بعض شركات تاجير السيارات

المشاركة الأصلية كتبت بواسطة DarkMoon

السلام عليكم ورحمه الله وبركاته

اسعد الله اوقاتكم بكل تحذير

بعد تجربة احد شركات التاجير من دون ذكر اسماء والتاكيد على استلام سياره جديده اللي هي ررنج بيبي فيلار تم الاتفاق مع الشركة على ان السياره شرط تكون جديدة ونظيفه وموديل 2021 لاني بختصار راعي خطوط وابي موتر نظيف

بعد الوصول للمطار حصلت سيارة موديل 2020 او 2019
ماشي 88 الف بويتها غير نظيفه ودقات كثيره حول السياره هذي مو مشكله

المشكله العظمى ان المندوب مقتنع انه السياره نظيفه سياره موديل 2021

وكلنا نعرف ان رنج روفير غيرو القير بدل مايصير فرار صار قير عادي وكذلك شكل الدركسون والباقي مازال كماهو

هذا مكتب التاجير مركب قير مدري مرهم حتى شكله مو شكل قير رنج حتى يصبح شبيه الى موديل 2021.

ويجي يقول للزبائن هذي موديل اخر دفعه 2021

بعد تجربة السياره واضح ان القير فيه مشكله استجابة السياره ضعيفه جدا وكذا كل شوي يفصل دواسة البانزين اذا هديت


بعد تجربة السياره اول يوم ماقدرت اسوقها بسبب رادتها

كلمة صاحب الحلال ماقصر معي لكن اضطريت اني ادفع مبلغ اضافي حتى احصل على سياره نظيفه للاسف .

احيانا الشخص يوصل المطار ويبي يخلص مو فاضي وجع راسك وقروشه

لكن انا هنا اقولك ستوب المبلغ اللي دافعه حرام ماتاخذ مقابله خدمه مميزه



نصيحه لا تثق في كلام بعض مكاتب التاجير
دائما اطلب السياره بالموديل واحرص على ان السياره ماتكون ماشيه كثير

انتبه من بعض شركات التاجير ابي تحاول تعوض خساير كورونا تعطيك سيارات قديمه مكدوده..


عموما انا اتحدى اذا الموضوع ما انحذف هههههه

المشاركة الأصلية كتبت بواسطة عنآي حبكـ

بالعكس ماراح احد يحذف شي ،،،،

لذلك المنتدى وفر لك عدة شركات تأجير سيارات تأجر منها وانت مطمئن وفي حال اي خلاف او تقصير من شركات التأجير تجي هنا ويتم التشهير فيها وربما يتم تعويضك حتى لو انتهت اجازتك وغادرت المغرب،،،

لي تجربه شخصياً مميزة جدا مع احد الشركات ( مكتب يوسف ) وباقي الشركات اشوف الاخوان يثنون عليهم

وبالنهاية دايم تاكد من اي مكتب تبي تستأجر منه قبل توصل المغرب ووثق محاداثاتك معهم.

بالتوفيق للجميع



Sent om my iPhone using مزاعيط المغرب