تحذير بخصوص الرنج من بعض شركات تاجير السيارات

مرحبا ياعمر ..


اولا تم الاعتراض مباشره بعد استلام السياره وتم تبديلها بفئة اعلى وموديل حديث وسياره توها طالعه من الوكاله لهذا السبب طلب مني دفع المبلغ الاضافي.بالرغم اني اعترضت واخذت منهم موقف اني ما اتعامل مع هالشركة مره اخرى


ثانيا بخصوص الاتفاق هذا فعلا اللي صار لي وكل شي موثق موجود صور السياره والصدمات حتى مسجل فديو للعطل الميكانيكي في القير محادثات المندوب ومحادثة صاحب الشركة.



السؤال هنا هل تقبل ادارة المنتدى اننا نفتح موضوع مفتوح للجميع ونوضح بالاثباتات ان كان صور محادثات واتس صور للسياره ويتم التشهير بالمكتب علنا؟

انا شخصيا تم حذف مواضيع لي وردود بخصوص ذكر تجاربي مع احد شركات التاجير .


بخصوص البلوك ابد تمون ياعمر وماراح يزعلني ابدا..

بالنسبة للنقطة الأولى وهي حذف مواضيع لك فهو غير صحيح هو فقط موضوع واحد بخصوص

خبر عن طنجة لكن مو مشكلة أكيد مشاركات سابقة وأنا معك جزئياً في خطأ حذف الانتقادات

عن المعلنين، هي سياسة حتى لا يساء استخدام المنتدى في تصفية الحسابات وعموماً هذا خلى

البعض يفكر انه فوق الانتقاد، والنقطة الثانية وهي الاتفاق مع مكتب التأجير أنت حاجز بشروط

محددة، هو ما وفر لك المطلوب يصير بشكل آلي يجهز لك البديل المناسب بدون أي زيادة بالسعر

تراها غلطته مو ذنبك، لكن أسمه مكتب بالمطار ومزعجنا أنه مكتب ضخم ومحترف وألف مشاركة

باليوم في المنتدى وكل اللي عنده سيارتن ونص وفوقها سيارة ونص منها خردة ويسوي أفلام علشان

يزيد عليك السعر ويحملك غلطه فهذا المفروض ما يكون مقبول والمنتدى ماله علاقة يشتكي العضو أو

يحذر وهو غير مقبول، راعي الحلال اللي أنت كلمته داج ولا يفهم وشغله كله بربسه وهياط

__________________

الله يرضى عليك ياعمر
علشان المكتب يتادب ويخاف على سمعته ومايسوي الحركات هذي مع الزباين ويتذكر ان في ناس راح يفضحونه في المنتدى.. ياليت يتم السماح بالانتقادات وذكر اسم المكتب والتحذير منه وانتم طبعا ابخص يا الادارة. لاني اعتقد هذا راح يكون رادع قوي .


مثله مثل التحذير من السكن خليج اكادير واقولها وبكل صراحه اخر زياره لي قبل اسبوع بالضبط كانت في ازمه سكن ومافي سكن في اكادير رحت اشيك اشوف وش التحديثات كان يهش ذبان والعالم ساحبين عليه الريسبشن يترجاك تجي تسكن فيه وصار مكان منبوذ.

طبعا انا ما اخلي المسؤولية على الزبون لكن حط نفسك مكانه توصل المطار غالبا الليل وواصل تعبان بعد رحلة طويله تبي بس توصل الفندق تريح فيه .
وعندك تطمينات من مندوب مكتب التاجير ان السياره جديده
متى تكتشف السياره فيها مشكله بعد ماتجربها.

حاب اعلق على نقطة السماح بالانتقاد لابد نعرف ان المعلن له حقوق على ادارة المنتدى واهمها حمايته من تشويه السمعه وتصفية الحسابات ومن جهه اخرى للادارة الحق في التأكد من شكوى الاعضاء على المعلنين وحلها بطريقه تحفظ حق الطرفين في الخاص واذا المعلن رفض الالتزام يحق لهم وضعه في القائمة السودا واذا العضو رفض الحلول المقدمه من الادارة والمعلن (التي تعيد له حقه كامل حسب الاتفاق) من حق الادارة حذف تعليقاته المسيئه


Sent om my iPhone using مزاعيط المغرب

كلام سليم وحكيم .

طريقة تسجيل الحجز بمنتدى ضروريه لحفظ الحقوق .
انا تعاملت مع مكتب يوسف والاخ طارق وغيره لكن طريقتي اتعب فالاول باش ارتاح فالاخر .اول مااوصل اسلم واول شي اشوف الموتر واخذ منه كذا مفتاح واخرج اشوف احيانا اشوف شي افضل واخلص كل شي واذا فيه شخطه اصورها بجوالي هذا حقك واذا تنازلت عنه فالاول تستاهل ما يحصلك للاسف .في ناس تمدح وناس تذم ..لكن اتوقع ان الخلل فاللي يرضى يتحمل مايجيه لانك فرط فحقك من البدايه .
تحياتي

السلام عليكم
فيما يتعلق بالحذف وغيره
أقترح استحداث غرفة في المنتدى للتخزين والتنقية كل المشاركات تنزل فيها قبل المنتدى ويبدأ دور المشرفين على المنتدى بفحص المشاركة إذا كانت مناسبة تنزل وإلا تستبعد
ونسلم من الحذف والحظر وردود الفعل السلبية .

وجهة نظر ....؟